1 Samuele 17:13 - Ma Jou ai Demo-demo o Totobelohoka

¹³ De to una ai ngofaka o riaka o Eliaba, de ai dodoto widatekuku o Abinadaba, de iwidatekukuoli o Siama, ona yahange gea yaniiki o Isiraele ma tentara ho onangoo naga o Saulu ai doomuoka abe ma oraha yahimanga o Filistina ma nyawa manga tentara.

1 Samuele 17:13 ပူးပေါင်းရင်းမြစ်များ

2 Samuele 13:3

Masara nagali o Anono ai dodiawo womatengo abe ai romanga o Yonadaba, de una gea tanu ai dutu adaene angamoi ai baba o Simea, de o Simea gea o Dautu ai riaka womatengo.

2 Samuele 13:32

De duru ma oraha gea o Dautu ai riaka o Simea ai ngofaka woboa ma koano ai himangino, de to una ai romanga o Yonadaba. Ho o Yonadaba gea wotemo o Dautika wato, “Ahi koano, ufa hiadono ngona nangaku dika o abari ma demo gea ma titi ani ngofaka mata-mata yokokihonengoka. Ngohi tato bote gea o Anono dika wohonenge. Angamoi naa ma dekanino o Abasalomo wihideeoka wato witoma o Anono ma titi ai datoro ma dorou gea abe womiribuutu ngoi biranga o ngo Tamara. Ho ngohi tato ka o Anono dika wohonenge, ko mata-mataua ani ngofaka.

1 Samuele 17:28

Masara o Dautu ai riaka o Eliaba woihene yomakoketemo de wingamo o Dautika ma titi ai demo onangika gea, wato, “Ngona nododoa nenangoka? Adodoa nanoaika o domba ma duduono ma eteteke gea abe ngona inihitagongoka la nogoa-goana? Ngona tonihiorikokau de igoungu, abeika to ngona ani sade ma demo de ngona ko nagou-goungua notemo. Marai noboaino noigo dika nomiwuni-wuningi o parangi ma goronaka.” Hokogea o Dautu ai riaka wihitipokouku.