1 Samuele 17:10 - Ma Jou ai Demo-demo o Totobelohoka

¹⁰ Ho ngohi naa tinidodanauru ngini o Isiraele ma tentaraika! Ngini ko o tentaraua nako ko moiua naga nginioka abe ka idadi niwiiriki la una woparangi ngohino.” Hokogea o Goliata ai hohedu ma demo o Isiraele manga tentaraika.

1 Samuele 17:10 ပူးပေါင်းရင်းမြစ်များ

Sosawaro 16:18

Nako ngone homahigiriiri ngone ma hirete, gea kiani homahitiari done o dodotoko ma dubuho inadaene. Angamoi nako hiadono homagorakiye, gea ko itedekanua de inaotakuku.

Yeremia 9:23

Ma Jou o Yawe ai hininga womahingahu wato, “Una gea abe duru de ai sosawaroka ufa womagoraka wato, ‘Ngohiohi ahi hininga de ma tobahiorikoka.’ De una gea abe duru wopoputurungu ufa womagoraka wato, ‘Ngohiohi toputurungu.’ De una gea abe duru wokaya ufa womagoraka wato, ‘Ngohiohi ahi tiwi duru iwoe.’

1 Samuele 17:11

De o Saulu de ai tentara yokokihawana o Goliata ai demoika abe ka de yoihene de manga hawana gea yakokilufungoka.

1 Samuele 17:36

De una o Filistina ma nauru gea ahao wodadi hoka o aewani gea angamoi ngohi tolakuoka o beruanga de o singaino ho hiadono ngohi ihimoroini tihimanga o Filistina ma nauru nenanga abe una duru ko Ma Jou ai nyawaua. Abeika una waemono Ma Jou Wowango-wango ai tentara de una o Filistina ma nyawa abe inamusu ngone, ho done sarakia de hiadono ngohi tihigunoa la ka wowangohi?

1 Samuele 17:45

De o Dautu wopaluhu de ai ilingi ma amokiye, wato, “Ngona noboa ngohino de ani humaranga, de ani kuama, de ani hokiiki. Masara ngohi toboa ngonaino de Ma Jou o Yawe ai romanga abe Una Ma Jou Wokokurutiye, Ma Jou abe wahihira-hira o Isiraele ma nyawa manga tentara abe ngona nahoheduoka onangika.