1 Samuele 16:6 - Ma Jou ai Demo-demo o Totobelohoka

⁶ De ma oraha o Isai de ai ngofa-ngofaka yomatoomuino de o Samuele wimake ai ngofaka womatengo ai romanga o Eliaba de doka ai hiningaka wato, “Marai naa una abe Ma Jou o Yawe wiiriki la wihidadi o koano.”

1 Samuele 16:6 ပူးပေါင်းရင်းမြစ်များ

1 Kokoano 12:26

De hokonaa o Yerobeama ai hininga womafikiri, wato, “Nako ngohi ko tomahidodiaiua done o Isiraele ma nyawa ahao yomaturuuruoli yomahikoano o Dautu ai ngofa-ngofakuku.

1 Tawari 28:4

“De Ma Jou o Yawe gea wagoungu abe ngohi hokogea todiaioka, masara abeika, ngaro hokogea ngohi, ma Una wohiiriki ngohi abe ahi baba ai tau ma goronaka ma nyawa mata-mataino. De Ma Jou ka ngohi dika wohiiriki la ngohi de ahi totoforauku womihidadi o Isiraele ma nyawa manga koano ka hiado-adonika. Abe ma dihira nanga tofora o Isiraele ai ngofaka o Yehuda Ma Jou wigorakiye de wihidadi ai nyawa manga hihira de ahao o Yehuda ma dutuino gea ahi baba o Isai wiiriki. De ipaha o Isai ai ngofa-ngofakino Una wohisanangi ngohino ho hiadono wohiiriki la wohihidoaka ngohino o koano ma kuaha ai nyawa o Isiraele ma nyawaika de wohihibehehongo o koano ma kuaha gea ka ihikaika wohidagi ka hiado-adonika.

Hihira 8:18

De ahao o Gideono ma titi moi waleha o Seba de o Samunaika abe ma dihiraino hokokia idadi to una ai tonakoka. Ho una wato, “Ngohi tinihioriki abe ngini inihinooto naa ma dihira naga o Taboro ma kotaka ahi tonakoka de naga o nau-nauru abe ngini niatoma genangoka, ho naa tinileha ma titi ona gea. Ona gea manga himanga ma rupa hokokia?” De ona iwipaluhu unangika ato, “Duru hoka ngonali manga himanga ma rupa mata-mata de ka de miamake manga dodagi de miato bote o koano ai ngofa-ngofaka.” Hokogea yomahingahu abe ona yatoma o Taboro ma kotaka.

1 Samuele 17:13

De to una ai ngofaka o riaka o Eliaba, de ai dodoto widatekuku o Abinadaba, de iwidatekukuoli o Siama, ona yahange gea yaniiki o Isiraele ma tentara ho onangoo naga o Saulu ai doomuoka abe ma oraha yahimanga o Filistina ma nyawa manga tentara.

1 Samuele 17:22

Ho o Dautu ma inomo wadotakino gea wihidoaka unangika abe wohiaturu ma tentara manga kiahonanga, de ahao womapopaata o Isiraele manga tentara ma datorika. De genangoka wamake ai ria-riaka de waleha, “Sarakia, ngini nisosanangi dika?”