Ho o Yakubu wahingahu onangika ai tauoka de ai nyawa mata-mataika wato, “Naa moi ahi demo kiani ngini mata-mata niatotoihene. Abe ma dihira ngohi ahi kangela ma goronaka de tomaniata de Ma Jou wohibaluhu. De itaana wohiniiki de wohiduhunu ngaro o kiaika dika toiki. De naa Ma Jou wohihibehehongoli la toiki o ngiika abe genangoka Una womahimatoko ngohino ho ma ngi gea tohiromanga Ma Jou ai Tau. Igoungu, ma dihira genangoka wohiduhunu ahi kangela ma goronaka. De genangoka ahao o huhuba ma ngi todiai de gea ena tatingakoka Ma Jouika la homahuba genangoka Unangiye. Ho ngone naa hoiki homahuba masara ko hoikuahi de kiani homahitebinohi. Ho ti ngini nia pangao abe naga nanga hidogoronaka kiani niakokiumoka de ngone homaohiki de homaturuuru nanga pakeanga abe ma titi hotebinoka Ma Jou ai himangoka. Ho gea mata-mata ibooto hodiai de ahao ka idadi hosobo hoiki o Betelika.” Hokogea o Yakubu wahigaro onangika.
1 Samuele 16:5 - Ma Jou ai Demo-demo o Totobelohoka5 De o Samuele wahingahu, wato, “Igoungu, de o dameino ma gogao ngohi naa toboa tinitutumu la ka idadi ngone homahuba Ma Jou o Yaweiye. Ho ngohi tinihibehehongo nginika la ngini nimahitebini la ka idadi ngohi nihiniiki de homahuba Ma Jou o Yawe ai himangoka de ngohi tonahihuba nanga huhuba naa.” Hokogea o Samuele ai behehongo onangika de ahao una woiki o Isaiika la una de ai ngofa-ngofaka o nau-nauru watoomuino. De ahao ona waduhunu de ma hiaturu abe kiani yaniiki la onangoo yomahitebini Ma Jou ai himangoka. Manga hidiai mata-mata gea ibooto de ahao wakokiahoko la yomakiniiki yomahuba Ma Jou o Yaweiye. အခန်းကိုကြည့်ပါ။ |
1 Samuele 16:5
16 ပူးပေါင်းရင်းမြစ်များ
De ipahaino o wange moiuku de o Adonia abe una o ngo Hagiti ami ngofaka, una gea woiki womitutumu o Saloomo ngomi meme o ngo Baseba. De woboa ami himangino de ahao muna mileha unangika mato, “Ho ngona noboa naangino ma titi ani hininga ma rorahaiino dika eko sarakia?” De una womipaluhu wato, “Iya, nagoungu, ahi hininga ma rorahaiino dika hiadono toboaino.
De iboa o futuoka ka ma moi de ma gagini de ahao ma ngoru-ngorumino naga o tonaka ma lokuoka o gagini abe ka de yodiriiuku de ihagaka de yodudungoka o mana gea. De manga inomo o mana gea naga manga ngi yahigilolitino. Ho o ngorumino de ona yoiki yomadoraka. De abe yotoomuino yawedere eko yatutuku manga luhungoka ka hiadono idadi hoka o tarigu ma mangaluhu. De gea ka idadi yahibauru de utu yapake yodiai hoka o roti o hinyoleino. De ma ngolomo ma mao hoka naga ma ogana ma hisapuru o saitunu ma minya ma gohakino. Ho gea ena manga inomo Ma Jouoka de aino abe yodebeturoka yaolomo.
Hokogea wihingahu ibooto de ahao Ma Jou wihidumutu o Yosuaika manga ngekomo, wato, “Ho naa, Yosua, kiani ani nyawa nahiaturu la ona yomahitebinokahi ahi himangoka ma titi yomahidiai la manga hininga ma dumutu ka Ngohino dika. Ho ani hingahu ani kokawaahaika hokonaa, nato, ‘Ngini mata-mataika naa kiani nimahitebini Ma Jou o Yawe ai himangoka la nimahidiai la itebini o ngorumino ka idadi ngone haniiki gea abe kiani hodiai. Angamoi Ma Jou o Yawe, to ngone o Isiraele ma nyawa nanga Jou, wonahingahuoka wato, Ena gea abe Ngohi tomadingakoka naga ti ngini nia hidogoronaka abe nimahitinginioka. Ho kiani ma kiahonanga gea nihihupuokahi nia doomu ma goronaino de nihibinaaha angamoi Ngohi tinihibehehongokau nginika tato gea ena kiani idadi o hibinaaha ma huhuba Ngohino. Gea nidiai ibooto de ahao niamoroini niahimanga nia musuika.’” Hokogea Ma Jou ai hingahu o Isiraele ma nyawaika abe o Yosua ahao kiani wadofanga ona mata-mataika.
De o Saulu wamake o Dautu ai ngi ma homoa de womatemo doka ai hiningaka wato marai naga moi idadi o Dautoka hiadono womahipeseke Ma Jou ai himangoka. De o Saulu wato bote gea ma titi hiadono o Dautu ko iwiwa ma mejaka, ho o wange gea o Saulu ko kia-kiaua wotemo ma titi o Dautu ko woboauahi manga ngolo-ngolomino.