1 Samuele 16:18 - Ma Jou ai Demo-demo o Totobelohoka

¹⁸ De naga womatengo ka o goohi o Saulu ai duduhunu ma doomuino gea wihingahu o Saulika wato, “Ahi koano, ngohi timake womatengo una o Beteleheeme ma nyawa abe o Isai ai ngofaka. De una duru wososawaro ai totabua waragoho de unangoo ai wowango ma datoro duru irahai de una ai nauru de ma domoroinoka. De bari duru wagou-goungu dika wotemo de una de ai horomatioka o nyawaika de abe duru ai utumu Ma Jou o Yawe winiiki.” Hokogea o Saulu ai duduhunu womatengo o Dautu wigorakiye.

1 Samuele 16:18 ပူးပေါင်းရင်းမြစ်များ

Dodadi 39:2

Ho o Yusupu wogogere o Potifaraka, una o Mesiiri ma nyawa gea, la o kia dika o Potifara wihuloko kiani wokarajaanga, gea kiani wodiai. Masara Ma Jou o Yawe naga o Yusupoka de wihiowa la ai karajaanga mata-mataika de ma hasiloka.

Dodadi 39:23

De o bui ma tau ma hidimono gea ko wopusingokaua ma titi ai hiaturu onangika abe yabui-buika genangoka angamoi Ma Jou o Yawe widuhunu o Yusupu. De gea mata-mata o Yusupu wahiaturu irahai hiadono manga karajaanga mata-mata de ma hasiloka o bui ma tau ma goronaka gea.

Matiusu 1:23

“Abeika, naga momatengo o moholehe abe muna ko ma iwahi yomakitigi de o nauru. De ngaro hokogea masara muna gea naga de ami badangoka. De muna ahao momagerewoto de ami ngofaka o nauru, De Una gea iwihiromanga o Imanuele.” Hokogea ma dodihiraka Ma Jou ai uru ma dodofanga wohitulihuku. De ma romanga o Imanuele gea nako o Isiraele ma nyawa manga demo ma titi, “Ma Jou ka ihikaika naga de de ngone.”

Matiusu 28:20

De nihidodiai niadotoko onangika abe ihinii-niiki la o huhuloko mata-mataika abe tinihulokoka nginika, gea mata-mata niadotoko la hiadono onangoo naga manga hingounu ahi huhuloko ma demoika. De abeika nitotoihene ahi demoino naa de ufa niawohanga, abe naa tinihingahu abe Ngohi ka ihikaika tininiiki nginioka. De ngaro ka hiadono o dunia ma bobahaika ma Ngohi ko tininoaikaua ma ka nagahi nginioka.” De hokogea o Yesusu ai behehongo iwinii-niikika. Hokogea dika aika ahi buku. Ngohi o Matiusu.

1 Samuele 10:7

Hokogea ma dodunguu ahao namake ani wowangoka de ngona naniiki dika abe ipuda ani hininga ma goronaka abe namao hokogea irahai nodiai angamoi Ma Jou ka ihikaika naga ngonaka.”

1 Samuele 16:12

Ho o Isai o nyawa wahidingoto ai ngofaka gea iwile. De ipaha una ahao woboaino de Ma Jou witemo o Samuelika wato, “Naa una abe tiirikoka ho naa una nihitunguu de o debi-debini ma minya.” De o ngofaka o goduuru gea worahai de ai kai inouhu de ai lako de ma garagoka.

1 Samuele 16:17

Ho o Saulu wahuloko ai duduhunika yamuruono naga, wato, “Ngini niwilingiri womatengo abe wososawaro woragoho o totabua de ma oraha niwimake niwiao ngohino naa.” Hokogea wahibehehongo onangika.

1 Samuele 16:19

Ho o Saulu ai hidingoto ma nyawa wahidingoto o Isaiika la ai demo yototaka, abe wato, “Ngohi ani koano tonihuloko ngonaika la ani ngofaka o Dautu abe o domba wotobagoana nihidingoto ngohino.” Hokogea o Saulu ai behehongo o Dautu ai babaika.

1 Samuele 17:12

De o Dautu abe o Isai ai ngofaka, abe o Efaraata ma doomuino, una o Beteleheeme ma nyawa abe o Yehuda ma dutuino. De o Isai gea ai ngofaka o nau-nauru yatufange de ma oraha o Saulu wodadi o Isiraele ma nyawa manga koano de o Isai duru iwiperekioka.

1 Samuele 3:19

De ipahaino o Samuele ai gurutiye ka idogohi ka hiadono wobaluhiye, de ka ihikaika Ma Jou o Yawe naga widuhunu unangika. Abe Ma Jou wohiaturu la to Una ai hingahu ma demo mata-mata abe o Samuele wohidemo ahao idadi duru imakadaene de abe wotemoka.