1 Samuele 15:20 - Ma Jou ai Demo-demo o Totobelohoka

²⁰ De ahao o Saulu womademoli, wato, “Masara nako ngohi, duru tagou-goungu Ma Jou o Yawe tihingounu. Abe gea wohihikarajaanga gea todiai mata-mata. Ma igoungu, manga koano o Agaga gea tiao naangino masara o Amaleke ma nyawa utu takokihohonengoka mata-mataika.

1 Samuele 15:20 ပူးပေါင်းရင်းမြစ်များ

Matiusu 19:20

De una ma goduuru womahingahu wato, “Iya, ahi Guru, angamoi ngohi o pareta gea mata-mata ngohi naa duru taniikoka. Ho done o kiahi naga abe ngohi kiani todiai la o wowango tamake?”

Lukasa 10:29

Masara una gea woigo womademo ma titi ai wowango ma datoro ho wilehali o Yesusika wato, “Masara o nyawa utu gea tanu onagona abe kiani tadora onangika?”

Lukasa 18:11

De o Farisi ma nyawa una womaokoino de womaniata wato, ‘Jou, ngohi naa duru totarimakase abe ngohi de o nyawa utu mimakohowono. Abe ona utu yotobaora-ora o nyawa manga tiwi, de manga wowango yao ko itiaiua, de yomakitigi de abe ko manga fekatua eko manga rokatua. De hongoli womatengo ga doka abe wotobagaho-gahoko o pajaka ma tiwi o nyawaika. Duru totarimakase abe ngohi de ona mimakohowono!

Roma 10:3

Abe ona yataoko ko itiaiua ma ngekomo hokokia ona yaniiki hiadono Ma Jou wadafongo de waetongo wato ona yototiai ai himangoka, angamoi ona ihitaili yomahitotiai ona ma hirete. Abe ona ato ka idadi to Una ai Pareta dika yanii-niiki de genangino ahao waetongo yototiai ai himangoka. Masara abe ona ato yomahitotiai ai Paretaino de gea ona yoluku yomahitipokouku la yaniiki Ma Jou ai ngekomo la Una waetongo onangika yototiai.

1 Samuele 15:13

De ma oraha o Samuele woboa o Gigalino de o Saulu wimake ho wibuhuku de ai garago, wato, “Duru tonigahoko la Ma Jou o Yawe wonihiowa ngonaika. De Ma Jou o Yawe ai behehongo ngohino taniiki hiadono tabooto todiai mata-mata gea abe Una wohihibehehongoka la todiai.”

1 Samuele 15:3

Ho ngona kiani noiki naparangi o Amaleke ma nyawaika ka hiadono ona nakokitomaka de hiadono manga aewani de manga kiahonanga enangoo nahibinaaha mata-mataika. Moioo de ko iwa ngaro o nyawa de ngaro manga kiahonangino abe ka idadi nanoaika, ma kiani mata-mata nahibinaaha ngaro o nau-nauru eko o ngo-ngofeka, de ngaro manga gogilauohi de ngaro yaperekioka. Abe kiani ahi hohowono yadaene ona mata-mataika ho to ona manga hapi, de manga domba, de manga unta, de manga keledai, enangoo nahikokibinaahaka.’”

1 Samuele 15:8

De o Amaleke ma nyawa manga koano o Agaga iwitaoko dika de iwiao masara ai kokawaaha yakokitoma ka hiadono duru yahikokibinaahaka mata-mata.

1 Samuele 28:18

Angamoi ngona naa ko nohingounua Ma Jou o Yawe ai huhuloko ma demo abe wato kiani nohidagi to Una ai ngamo duru ihauku o Amaleke ma nyawaika. Ho mangale ma titi ona gea ko nahibinaahaua hiadono o wange naa Una wonihohowono hokonaa.