1 Samuele 15:16 - Ma Jou ai Demo-demo o Totobelohoka

¹⁶ Tanu o Saulu ka wotemohi masara o Samuele ai demo watoaka, wato, “Saulu, ibootohi nomademo! Kiani noihene abe o futuika Ma Jou o Yawe wohihingahu ngohino.” De o Samuele wihingahu hokogea de itaiti o Saulu wileha unangika, wato, “Ma Jou ai demo o kia wonihingahu ngonaika?”

1 Samuele 15:16 ပူးပေါင်းရင်းမြစ်များ

1 Kokoano 14:6

De ipaha muna momahiadono ai tauika de o Ahia ka idadi woihene ami lou ma ilingi ma oraha momahitigino ho womiahoko wato, “O Yerobeama ngoi fekata, ngona ka idadi naino nowohaminohi! De naa tonileha, done adodoa ho ngona nomadokangelukino hoka o nyawa biaha dika? Masara ngohi naa Ma Jou wohihulokoka wato kiani tadofanga ngonaika o hininga ma huha ma abari.

1 Kokoano 22:16

De ma demo gea woihene de o Ahaba witaere o Mikaika wato, “Marai naa ma moioli kiani tonihitiari la duru nohibehehongo ngohino hiadono ani demo ma gou-goungu dika nohihingahu. Abe naa tonihuloko la nomahikoboto de nifetongo Ma Jou o Yawe ai romanga la genangino de ahao ka idadi tonihioriki abe ani demo ma gou-goungu dika ngohino.”

1 Samuele 12:7

Ho naa tomagahoko la ngini nikokiriidi ahi himangoka naa de ngohi tinihihohininga abe gea Ma Jou o Yawe wodiai de ai buturungu la wonaduhunoka ka hiadono o wange naa. Abe ngaro ma dihira to ngone nanga totofora waduhunu de ma oraha naangoli duru ma ngoeoka wonaduhunoka ngone naa.”

1 Samuele 15:15

Masara o Saulu womademo wato, “Igoungu, naga o domba de o hapi abe ka enangohi duru irorahai abe ko miahibinaahaua masara naga ma titi irahai de gea miato miaoino la idadi nanga huhuba o domba de o hapi abe hahihuba to ngona ani Jouika, Ma Jou o Yawe. Gea dika ma titi hiadono naga o hapi de o domba nenangoka masara manga aewani utu duru miahikokibinaahaka.”

1 Samuele 15:17

De o Samuele wihiree-reeika wato, “Ngaro ma dihiraino ngona nomahitipokouku, masara ka enangua dika hiadono Ma Jou woniiriki ngona. Sarakia, ngona ko nomangaratiiua abe nodadioka o Isiraele ma nyawa manga dutu mata-mataika manga hihira? Ma Jou o Yawe woniiriki de wonihitunguuoka abe wonihidadioka o Isiraele ma nyawa manga koano.

1 Samuele 9:27

De ahao yomahiadono o kota gea ma poretika de o Samuele witemo o Saulika wato, “Ani dodiawo gea nihuloko la una wohira.” Ho o Saulu ai duduhunu gea ai gurutikaka de ahao o Samuele wihingahu, wato, “Saulu, ngona tonitumungu nenangoka jai-jai angamoi naga o hingahu Ma Jouino abe ka ngonaika dika.” Hokogea o Samuele ai hingahu ma demo o Saulika.