De ahao o Elisa wipaluhu ma koanoika wato, “Abeika nototoihene Ma Jou o Yawe ai demo-demoino naa! Abe Una gea wotemo wato, ‘Nako itebinino o wange hokonaa de ahao naga o inomo ma amoko nia kotaka naa de ko ihaliokaua. Abe gea de ahao naga o nyawa o kota ma dadaduhu ma ngoranoka abe ka idadi yafuku-fukunu o tarigu ma rorahai o kilo hange de gea ma ija o haaka ise-senge moi dika! De nako o gandumu utu gea ka idadi o kilo butaanga de enangoo ma ija o haaka ise-senge moi dika! Ho itebinino de nia inomo duru imura!’ Hokogea Ma Jou ai hingahu ma demo ngonaika.”
1 Samuele 15:1 - Ma Jou ai Demo-demo o Totobelohoka1 De o wange moiuku de o Samuele wihingahu o Saulika wato, “Ma dihira Ma Jou o Yawe wohihidingoto ngohi la tonihitunguu de o minya tonidogopoa abe genangoka de tonihidadi o Isiraele ma nyawa manga koano angamoi Una hokogea wohihibehehongo ngohino. Ho naa naga Ma Jou o Yawe ai behehongo moioli ngonaika abe kiani duru nohigihene enangika. အခန်းကိုကြည့်ပါ။ |
1 Samuele 15:1
10 ပူးပေါင်းရင်းမြစ်များ
De ahao o Samuele naga wasoino o saitunu ma hofoko ma minya de wigopoa o Saulu ai mumukuku hiadono yodahahuru ai badanguku. De ahao wibounu de wihingahu wato, “Hokonaa tonibounu de tonihituagi de o minya atingakoka Ma Jouika nena la taniiki Ma Jou o Yawe ai behehongo ngohino. Abe hokonaa todiai la tonihitunguu abe Una wonihiakunoka la wonihidadi to Una ai nyawa o Isiraele ma nyawa manga hihira.
“Ho ngini naa nako ka ihikaika de nia horomati ma modongo Ma Jou o Yaweika, de nimahuba-huba ka Unangika dika, de to Una ai hingahu nginika duru niwihigihene, de ahao mata-mata ka ma rorahai dika nginika. Iti ngini de nia koano mata-mataika ka niwiniiki nia Jou dika, abe nako hokogea Ma Jou o Yawe wosanangi winihiowa nia wowangoka.
Masara o Samuele wato, “Ngona duru nobodo hokogea nodiai! Ngona naa nohitunguu ani lawana to ngona ani Jouika. Abe Ma Jou o Yawe ai behehongo ko nohingounua. Nako ngona nomatongohono dika de nihingounu Ma Jou o Yawe ahao ngona de ani totoforauku winihidadi o Isiraele ma nyawa manga koano ka hiado-adonika.
“Nako itebini o wange hokonaa de Ngohi ahao tihidingoto womatengo o Benyamini ma nyawa abe woboa manga tonakino la ngona de una nimakamake. De una gea ahao ngona napake o minya abe atingakoka Ngohino de nihituagi ai mumukuku la unangika nihitunguu abe Ngohi tiirikoka la ahao una wahihira-hira ahi nyawa o Isiraele ma nyawa. Una gea ahao ahi nyawa wahihupu o Filistina ma nyawa manga kuahaino angamoi Ngohi tomalega onanguku de ahi dora ma hiokoo de manga huha ma gari Ngohiye togihene ho una gea ahao tigoraka la wahihira-hira ahi nyawa.”
ကြော်ငြာတွေ