1 Samuele 14:47 - Ma Jou ai Demo-demo o Totobelohoka

⁴⁷ Ma oraha o Saulu wodadioka o Isiraele ma nyawa manga koano de duru iwimagawe waparangi o Isiraele ma nyawa manga musu arihononga. Waparangi o Moaba ma nyawaika, de o Amono ma nyawaika, de o Edomo ma nyawaika. De o kokoano abe yahikoano o Soba ma tonakoka o Saulu wakokiparangi de ka ihikaika kiani waparangi o Filistina ma nyawa abe duru manga datekoka. De o nyawa mata-mataika abe yamusu o Isiraele ma nyawaika o Saulu waparangi onangika de wahikala ree-ree.

1 Samuele 14:47 ပူးပေါင်းရင်းမြစ်များ

Dodadi 19:37

De ipaha muna o riaka momagerewoto o ngofaka o nauru de mihiromanga o Moaba. Ho una gea wodadi to ona manga tofora abe ma oraha naa ona nagahi de yomahiromanga o Moaba ma nyawa.

Dodadi 19:38

De ngoi ora o dodoto munangoo momagerewoto o ngofaka o nauru de mihiromanga o Ben-Ami. De una gea wodadi to ona manga tofora abe ma oraha naa yomahiromanga o Amono ma nyawa.

Dodadi 36:1

Naa o Esau ai ade-ade abe ai ngofa-ngofakuku hokokia yolape-lapeuku. O Esau ai romanga hinooto abe iwihiromangoli, “o Doka-dokara” abe to ona manga demo, “o Edomo.”

Dodadi 36:19

Hokogea o Edomo ma nyawa yodadi o dutu-dutu de ona mata-mata yotofora o Esauika abe ai romanga moioli o Edomo.

Dodadi 36:8

Ho o Esau gea, abe ai romanga hinooto ho ai romanga moioli o Edomo, una womaturuuru o Seiri ma tonakika abe imakadateke de o Kanani ma tonaka. Genangoka una de ai nyawa mata-mata yogogere o Seiri ma loku-lokuoka.

2 Samuele 1:22

De o Yonatana ai toimi gea duru ibiha, Ho nanga musu manga hohidimono manga ngoe yatopoko genangino hiadono yohonenge. De o Saulu ai humaranga enangoo ko yangofu-ngofua, Ho to ona gea manga ngoe manga awunu ihahuru genangino.

2 Samuele 10:6

De ahao o Amono ma nyawa iwihioriki abe o Dautu duru wangamo onangika, ho yomahidiai la yomaketeparangi de o Isiraele ma nyawa. De gea yomahiketehibehehongo de o tonaka utuika manga nyawa abe yahewa manga tentara ma nyawa la ka idadi yomakuduhunu yalawana o Isiraele ma nyawaika. Ho o Siria ma tonaka manga nyawaino yahewa yasana monaoko abe yogogere o Bete Rehobo de o Soba ma kapongoka. De ahao o tentara yasana ngimoi de yasana hinooto yahewa o Tobo ma kapongino. De nagali abe yomahiketehibehehongo de o Maka ma nyawa manga koano la yahewa to una ai tentara ma nyawa yasana moi.

2 Samuele 8:15

De ma oraha gea o Dautu wahikoano o Isiraele ma tonaka mata-mataika, de wahipareta duru irahai hiadono ona mata-mata yomakao irahai.

2 Samuele 8:3

De nagali o Soba ma nyawa abe o Dautu wahikala onangika. Abe ona gea manga koano ai romanga o Hadadesere de to una ai baba o Rehobo. De ma dihiraino gea o Soba manga koano wahipareta ma tonaka abe o Efaraata ma akere ma ngigorino masara to una ai hidee la utuohi womahipoputurungu ai pareta ma tonakoka gea. Ho una wohupu wahihira-hira ai tentara ma nyawa genangika, masara ma oraha gea de yomaketeparangi de o Dautu ai nyawa.

1 Kokoano 11:23

De nagali o homoa ma nyawa womatengoli abe Ma Jou wokarajaanga ai hiningaka la wodadi o Saloomo ai musu, de to una ai romanga o Resono. O Resono una gea o Eliada ai ngofaka, de ma dihiraino de o Resono witobaniiki o Soba manga koano o Hadadesere. Masara ipahaino de una womaputuhu wato winoaika ma koano gea ho woara ma homoaika. De ahao naga o nauru yamuruono naga abe yomahidogo o Resonika la una ka idadi wahihira-hira. De ona gea ka ihikaika yabaataika de yatobaora-ora o nyawa manga kiahonanga.

1 Samuele 12:2

De abeika, ma oraha naa ti ngini nia koano naga! Duru ma dekanoka ngohi tinihihira abe ka o goduuruohi de ngohi tomulaenge tinileleani. De naa tomaokoino nia himangoka de ahi pea duru iarehoka abe duru ihiperekioka masara ahi ngofaka o nau-nauru nagahi nginioka.

1 Samuele 13:1

De o Saulu ai ngumuru adonoka ai taongo moruange ma oraha wodadi o koano de una wahikoano o Isiraele ma nyawa ai taongo moruata de hinooto ma dekana.

1 Samuele 14:46

De hokogea ipaha de ahao o Saulu wahuloko ai tentara la ibootohi yaniiki de yaparangi o Filistina ma nyawaika. Ho ona mata-mata yolioino, de o Filistina ma nyawa onangoo yokokilio manga tau homoi-homoiika.

1 Samuele 14:52

De o Saulu ai dekana wahikoano o Isiraele ma nyawa de hokogenangoo ai dekana waparangi o Filistina ma nyawaika. De mangale ma titi gea hiadono ka de una wimake ai kokawaahaka o nauru womatengo abe de ai buturungoka eko abe wotobamoroini de o Saulu itaiti una gea wihidadi ai tentara ma hidogo.

1 Samuele 21:7

De ma wange gea naga womatengo genangoka abe wamake hokokia o Ahimeleke wihidoaka o Dautika. De una gea o Edomo ma nyawa abe ai romanga o Doege, de unangoo wodadi o Saulu ai duduhunu womatengo. Abe ma titi naga o Saulu ai nyawa manga ngoe yatobagoa-goana ma koano ai domba ma duduono, de o Doege naa to ona mata-mata manga hihira. De una naga ma kapongoka ma wange gea la manga agama ma pareta moi waniikohi. Ho una wamake o Ahimeleke ai hidoaka o Dautika.