1 Samuele 14:13 - Ma Jou ai Demo-demo o Totobelohoka13 Ho o Yonatana ma bakoro duru kohagurutiye genangiye wodoa de kiani wodoa womaliara de ai giama de ai lou. De hokogenangoo ai dodiawo winiiki wihidoduruiye. De ka de yomahiadono daku o bakoro ma peaiye de duru o Yonatana de ai duduhunu yapai-pairi manga musuika hiadono o Filistina ma nyawa gea de manga hawana yomadohuku masara Ma Jou o Yonatana de ai dodiawo wahiputurungu hiadono o Filistina ma tentara genangoka yakokitomaka. အခန်းကိုကြည့်ပါ။ |
1 Samuele 14:13
10 ပူးပေါင်းရင်းမြစ်များ
De naa abeika honganonoli abe ma titi Ma Jou ai duduhunu kohaamoko de kohangoe abe ngoneino. De ai duduhunu gea mata-mata duru itaana abe Una ai hiningaka de duru wosanangi wonaduhunu ngone naa. De naa tonaleha, nako Ma Jou Una ma hirete wonatobaduhunu de ai hiowa gea mata-mata, done ka onagona yakunu inalawana de hiadono inahikala?
De abeika manga bodo, angamoi ngaro ona yamake manga musu yomatengo dika de yapoa yakiniiki manga gogianongoru yasana moi, masara ko yataokua abe gea idadi mangale ma titi Ngohi manga dadatoko tafukunoka manga musuika. De done sarakia ka idadi manga musu yahinooto dika de manga gogianongoru yasana ngimoi ka yoara dika? Gea ma titi moi dika, abe manga Jou yahidoakoka manga musuika gea.
de utu ngaro o uku ma amokoka masara ko yaukua, de utu ngaro o humaranga o dopo-dopoino ma ngoe yaohana masara manga musu ko yakoronaua ho ko yohonengua ma titi o humarangino. De utuoli naga abe ma titi manga ngongakuino ho ngaro manga buturungu iowahoka masara Ma Jou duru wahiakunu onangika hiadono manga buturungu naga ma amoko, de utu o parangi ma goronaka de Ma Jou wahiputurungu onangika hiadono ona yakunu yahikala manga musu o homoa ma nyawaika hiadono manga musu gea yoaroka.
De ngaro o parangi ma goronaka de abeika nanga duduhunu Ma Jou o Yaweino, abe idadioka hiadono ngini o nau-nauru ngaro ka womatengo dika masara Ma Jou wihiakunu la ai musu waloaroka yasana moi. De gea duru womahitaana abe nia Jou, Ma Jou o Yawe, waparangi onangika duru imaketero hoka winihibehehongoka nginika.
De gea o Abimeleke wohioriki abe ai baha adonoka ho womataiti wiahoko ai duduhunika abe ma goduuru gea wotobaao-ao ai parangi ma dae. Ai duduhunu woboaino de wihuloko unangika wato, “Nomataiti ani humaranga nagoraka de nohihohonenge! Angamoi done hiadono ahao o nyawa yomaketeade-ade ma titi ngohi ato o ngofeka wohitoma!” Ho ma goduuru gea ka witopoko unangoko hiadono ma humaranga ihapongo ai gorona ma poretoko, de gea o Abimeleke wohonengoka.
De ahao yadodanauru o Yonatana de ai dodiawoika ato, “Ngini nidoaiye dika la ngomi minidotoko de o dodotoko moi abe duru de ma dubuhoka.” Hokogea yahoheduoli. Masara o Yonatana wihigaro ai dodiawoika gea wato, “Naino nohiniiki ngohi la hodoa de hahimanga dika onangika, angamoi nanga musu gea Ma Jou o Yawe wahidoakoka to ngone nanga giamino. Ho ngone o Isiraele ma nyawa ka idadi hahikala onangika.”
ကြော်ငြာတွေ