1 Samuele 14:11 - Ma Jou ai Demo-demo o Totobelohoka

¹¹ Ho ona yaika de ka de o Filistina ma tentara gea yamake de yabanarata onangika ato, “Abeika, o Isiraele ma nyawa manga gogogonino yohupu yomalia-liara naangino!” Hokogea manga hohedu ma demo.

1 Samuele 14:11 ပူးပေါင်းရင်းမြစ်များ

2 Samuele 22:46

De to ona gea manga domoroini ka ihihanga dika, ho hiadono duru yofafara dika de manga dadatoko ma ngi yanoaika la yomahidoaka dika ngohino.”

Hihira 6:2

De o Midiana ma nyawa duru de manga buturungu de manga dohata yahikangela o Isiraele ma nyawa. De angamoi o Midiana ma nyawa duru ka ihikaika yahikangela hiadono o Isiraele ma nyawa yomadiai manga gogogono ma ngi o loku-lokuoka de yapake o bilatu de o aruku ma ngoe. De manga gogogono ma ngi gea utu yakurunga de ma dadaduhu la ka idadi yoara genangika ma oraha o Midiana ma nyawa yoboa.

1 Samuele 13:6

Ho ka de o Isiraele manga tentara yamake manga musu yowoeholi hokogea de duru manga domoroini ko iwaka hiadono ona homoi-homoiika yomalingiri manga gogogono ma ngi. De o tentara utu yomamake manga gogogono ma ngi o arukoka, utu o hakaru o bilatuoka, de utu o hakaru ma ago-agomo ma hidogoronaka. De manga tentara utu yowohama o lungu-lungunu ma ngiika, de utu yomagogono dau o humu-humu ma baitoka.

1 Samuele 14:22

De hokogenangoli o Isiraele manga tentara abe ma dihiraino ona ka yomagogono o loku-lokuoka dika o Efaraimi ma tonakoka gea, onangoli yohupu de yoboa yaduhunu manga gogianongoru. Masara naa, ka de yagihene o Filistina ma tentara gea yokokiloara de manga hawana ihihanga hiadono onangoo yaniiki yaparangi manga musuika.

1 Samuele 29:3

Masara gea manga hohidimono yomalega onangika de ko yosanangiua, ho iwileha manga koanoika ato, “Ho done sarakia hiadono o Ibarani ma nyawa gea inanii-niiki?” De manga koano wapaluhu wato, “Naa una o Dautu abe ma dihiraino wodadi o Isiraele manga koano o Saulu ai hehebanga womatengo. Masara ipahaino de wiporete o Saulika de womahidogo ngohino la wohitobaduhu-duhunu. De naa duru ai dekana ngohioka hiadono o taongo muruono ipahaka, de ngaro ma dihiraino gea hiadono ma oraha naa masara ko ma moiuahi tamake ai howono.”