1 Samuele 13:20 - Ma Jou ai Demo-demo o Totobelohoka

²⁰ De hongoli nako naga manga bajaka eko manga bahuku eko manga gugutuku ma dia ibuluoka ho yoperelu ihigihoroli, gea kiani yao o Filistina ma nyawaika abe yosawaro yokarajaanga de o behi la yodiaioli. Nako ona ma hirete duru ko yahigunoaua.

1 Samuele 13:20 ပူးပေါင်းရင်းမြစ်များ

Sosawaro 27:17

Ngone ka idadi hapake o behi (ma dobiki) moi la o behi moioli hogihoro. De hokogenangoo o nyawa manga borihininga ma lako utuohi idoto nako yomakodotoko.

Higalioli 32:41

Naga Ngohioka ahi humaranga o dopo-dopoino abe duru ileletongo, de gea ma dae moi abe tapake la tahohowono o nyawaika. Ho ahao ma oraha ahi humaranga gea tomagihoro ipaha de tagoraka ahi giamoka, gea ahao tahibalaha ahi musuika la manga hohowono yadaene, de ona abe ihidohata Ngohino kiani manga hibalaha yaohana!

1 Samuele 13:19

De ma oraha gea ngaro o Isiraele ma tonaka ma amokika masara ko iwa o nyawa abe yotobatutuku o behi, angamoi o Filistina ma nyawa ko yahigunoaua o karajaanga gea. Abe ona yohawana nako naga abe o behi yotuu-tutuku, gea ahao o Isiraele ma nyawa ka idadi yamake manga parangi ma dae o humaranga de o kuama.

1 Samuele 13:21

De o Filistina ma nyawa abe yosawaro ihigihoro o alata ma doto, gea manga karajaanga ma hewa duru ihali. Abe nako ihigihoro o bahuku eko o gugutuku ma dia eko o hapi ma tutuduku ma gota, gea kiani o Isiraele ma nyawa yofangu o haaka ise-senge moi onangika. De nako o bajaka ma doto moi eko o sangkolo ihigihoro, gea kiani yofangu o haaka ise-senge hinooto.