1 Samuele 12:9 - Ma Jou ai Demo-demo o Totobelohoka

⁹ Masara ai nyawa gea ko itedekanua de iwiwohanga manga Jou, Ma Jou o Yawe, ho Una wahohowono de wipake o tentara manga haeke o Sisera, abe wahipareta o koano o Hasoro ma kotaka ai tentara. De nanga Jou wihigunoa o Sisera gea la waparangi de wahikala o Isiraele ma nyawa. Ho ona ahao yogogere o Kanani ma nyawa manga koano ai kuahaka abe una wogogere o Hasoro ma kotaka. De ngaro o Isiraele ma nyawa manga Jou waduhunoli ma ka ihikaika iwiwohangokali ho wahidoaka o Filistina ma nyawa manga kuahaika de ma moioli wahidoaka o Moaba ma nyawa manga koano ai kuahaika.”

1 Samuele 12:9 ပူးပေါင်းရင်းမြစ်များ

2 Samuele 7:11

Abe ngaro ma dihira abe Ngohi ma oraha tomulaenge tahidoaka onangika manga hihira, abe yototuruuru yahihira-hira o Isiraele ma nyawa, de naga manga musu ka ihikaika yahikangela. Masara ngona o Dautu ani musu ahao ko hokogenangokaua inihihuha hoka ma dihira de ma dubuho inihihuha.”’ ‘“De nenangoo Ngohi, Ma Jou o Yawe tonihibehehongo abe ma titi to ngona ani tauika. Ngohi ahao tohiaturu la to ngona ani ngofakoka de imahikauku naga o nauru manga ngoe abe tahidadi o koano abe inituruuruoli.

Higiriiri 106:21

Ona hoka manga Jou iwiwohangoka abe wahihupu manga boditoino, Una Ma Jou Wopoputurungu abe wodiai o heheranga ma ngoe ma ago-agomo, Hiadono ona o Mesiiri ma tonakoka yamake mata-mata wodiai de ai buturungu.

Higalioli 32:18

Ho ona ka iwinoaika dika manga Duduhunu abe wahidoaka o wowango onangika, de hiadono duru iwiwohanga manga Jou abe manga boa ihititi Unangoka dika.

Higalioli 32:30

De abeika manga bodo, angamoi ngaro ona yamake manga musu yomatengo dika de yapoa yakiniiki manga gogianongoru yasana moi, masara ko yataokua abe gea idadi mangale ma titi Ngohi manga dadatoko tafukunoka manga musuika. De done sarakia ka idadi manga musu yahinooto dika de manga gogianongoru yasana ngimoi ka yoara dika? Gea ma titi moi dika, abe manga Jou yahidoakoka manga musuika gea.

Hihira 10:7

De mangale ma titi manga datoro gea ho Una duru wangamo ai nyawaika hiadono wahidoaka ona o Filistina de o Amono ma nyawa manga kuahaika.

Hihira 13:1

De ahao o Isiraele ma nyawa yomulaengoli yodiai itotorou Ma Jou o Yawe ai himangoka ho wahohowonoli. De angamoi yotobadiaioli itotorou ho Ma Jou o Yawe wahidoaka o Filistina ma nyawa manga kuahaika de ona yapareta o Isiraele ma nyawa de ma dubuhoka o taongo moruata ma dekana.

Hihira 2:14

De angamoi yomahuba o popangaoika gea Ma Jou o Yawe ai ngamo duru ihauku o Isiraele ma nyawaika ka hiadono wahidoaka o nyawa utu manga giamika abe ka ihikaika wahidogunoaika la yahikangela o Isiraele ma nyawaika abe yotobaboaino de yomagora-gora manga kiahonanga. De mangale ma titi Ma Jou o Yawe ma hirete wafukunu manga musu arihonongaika ho ko itedekanua de o Isiraele ma nyawa manga buturungu ko iwaka. Ho ngaro o Isiraele ma nyawa yomaduhunu ma oraha manga musu yoboa yahikangela masara ko yolakuokaua.

Hihira 3:12

Ho manga hihira Ma Jouino gea wohonengoka de ahao o Isiraele ma nyawa yomulaengoli yodiai itorou Ma Jou o Yawe ai himangoka ho wahohowonoli. De angamoi yotobadiaioli itorou ho Ma Jou o Yawe wihiputurungu o Moaba ma nyawa manga koano o Egono hiadono unangoli wapareta o Isiraele ma nyawaika.

Hihira 3:31

O Ehudu wohonengoka de ipaha o Filistina ma nyawa yahikangela o Isiraele ma nyawaika. Masara ipahaino de naga o Isiraeloka manga hihira womatengoli ai romanga o Samagara abe ai baba o Anata. De o Samagara gea ma moiuku una watoma o Filistina ma nau-nauru yaratuhu butaanga de ai dae o hapi ma boboha dika abe wapake hiadono wakokitoma yaratuhu butaanga gea.

Hihira 4:2

Ho ma titi gea hiadono o Isiraele ma nyawa Ma Jou o Yawe wafukunoli de naa wafukunu o koano womatengoika ai romanga o Yabini, abe wahikoano o Kanani ma nyawa manga ngoe de to una ai tau de ai kadera o Hasoro ma kotaka. De ma koano gea ai tentara ma dimono o Sisera masara una de o tentara abe wahihira yogogere o kota moiokali abe yakurunga de o dadaduhu de o kota gea ma romanga o Harosete-hagoimi.

1 Samuele 12:15

Masara nako ngini nialawana Ma Jou o Yawe ai behehongika de nioluku niwihigihene, de ahao Unangoo winilawana nginika. De nako hokogea Ma Jou winilawanoli de ahao to Una ai hiaturu nginika ihiboali o kangela kohadubuho nginika. Ho ngaro ngini, de ngaro nia koano ma, nia kangela inidaene imaketero abe hoka ma dihira ti ngini nia totoforali manga kangela yamake Unangino.”