1 Samuele 12:5 - Ma Jou ai Demo-demo o Totobelohoka

⁵ De ahao o Samuele wotemoli onangika wato, “Irahai nia demo gea de ngohi duru tosanangi nia demo hokogea Ma Jou o Yawe ai himangoka de nia koano ai himangoka. De hokogea irahai la gea ko moiua o Isiraele ma nyawa abe ahao ihitae ato, to ona manga kiahonangino ngohi naa tomahitongohi.” Hokogea o Samuele ai demo ai gogianongoruika. De ona yopaluhu, ato, “Mia baluhu, ani demo gea Ma Jou ai himangoka miato nagoungu.”

1 Samuele 12:5 ပူးပေါင်းရင်းမြစ်များ

Dodadi 31:50

De o Labana wihitiari o Yakubika wato, “De ngaro homakitingakoka ma gurutika hiadono ko idadiokaua homakamake masara Ma Jou wonamake. Ho ngaro nodiai abe ko itiaiua ngohi ora-oraika eko ngoni fekata nomadogoli masara ngohi ko tonihiorikikaua masara Ma Jou Una ka idadi wonihioriki.”

Yohanese 18:38

Ka de o Yesusu ai hingahu gea woihene de o Pilatusu wohihomoaika wato, “Ho o demo ma gou-goungu gea o kia?” Hokogea wotemo ibooto o Pilatusu de wohupuoka o Yahudi ma nyawa watutumu de wahingahu onangika wato, “Ngohi naa duru ko tamakeua Unangoka ai howono abe ka idadi tohititi la tihohowono.

Hidingoto 23:9

De ona yomaketeloliliaroka ho hiadono o gangamo idadioka manga hidogoronaka. Abe naga o Farisi ma nyawaino abe yotobadoto-dotoko o Musa ai Paretaino yamuruono naga, de ona yomataiti yomaokoino de yomahingahu manga hininga de manga demo ma bobuturungu ato, “Nako ngomi naa miato o Paulusu gea ko iwa ai howono, angamoi marai igoungu o malaekata eko o nyawa manga jiwa abe nengokadauino iwitemo unangika.”

Hidingoto 24:16

De mangale ma titi ahi nganganono gea ho ngohi ka ihikaika tomaribuutu la ahi hiningaka de ko tahowonua, abe ngaro Ma Jouika de ngaro o nyawaikaoo masara tohitaili la tato ufa todiai o howono.

Hidingoto 24:20

De ipahaino de ihiao to ngomi o Yahudi ma nyawa mia hihira manga doomuika la ona ihileha-leha ma titi hokokia idadioka. De ngaro ona mia hihira gea masara ona ko yamakeua ahi howono o kia dika ngohioka! De abe ma titi gea, ngona ahi baluhu ka idadi naleha onangika gea abe ihitae-tae angamoi onangoo naga nanga doomuoka o wange naa, de onangoo ihioriki abe ko yamakeua o howono ngohioka!

1 Korintusu 4:4

Abe ngohi ahi hiningaka, ngaro tonganono, ma ko tamakeua abe ihihohowono. De masara ngaro hokogea tomahingahu, ma ngohi ko totemoua tato ko iwa ahi howono, angamoi ka Ma Jou ma hirete dika abe wakunu wonatailako ngoneino de waputuhu duru itiai ma titi nanga tagongino hodiai itiai eko koua.

2 Korintusu 1:12

De ma titi o kia hiadono ngomi mimagahoko ti ngini nia niniata de duru mionganono abe ka ihikaika nimiduhunu nia niniatino? De gea ma titi abe to ngomi mia hininga mimatailakoka de gea ko imakalawanua de Ma Jou ai mau masara mia hininga gea imakiniiki dika de to Unangoli ai hininga. Abe ma titi to ngomi mia wowango ma datorino de miwango mitotiai, abe ngaro o dunia ma nyawa masara ona miao irahai, de hongoli ngini, duru miniao irahai nginika. De gea ko iwa mia hiningaka mia hidee o dorouika, masara gea duru mimahingahu mia hininga ma dola ma gahumu nginika la ngini nihioriki mia hininga ma dumutu hokokia. De ngomi ko mimahinganonua o dunia ma sosawaroika la imihihira-hira, masara ngomi mimahinganono ka Ma Jou ai hininga ma owaika dika. Ho mangale ma titi to ngomi mia hininga ma rorahai gea hiadono duru mionganono abe ngini ka ihikaika nimigahoko Unangika ma titi ngomi.

1 Samuele 12:4

De ona manga babaluhu ma demo o Samuelika imakadaene mata-mataika, ato, “Mia baluhu, koua! Ko ma moiuahi ngona nomirusi eko nomihitubuho o kangelaino. De ma oraha nomitailako la mia hohowono naputuhu de ngaro miato de mia tiwi minihidoaka la naniiki to ngomi mia hininga masara duru ko ma moiuahi mia hewa ma tiwi hokogea nodafongo.”

1 Samuele 26:9

Masara o Dautu duru woluku ai hidee gea ho witemo wato, “Ngone duru ko idadiua hihohonenge! Angamoi Ma Jou o Yawe wigorakoka de wihidadi o koano. Ho nako hiadono o nyawa iwitoma de ahao nanga Jou kiani wahohowono onangika gea!