De ma oraha gea de nanga totofora duru yomagaho-gahoko la ka idadi naga manga koano abe wahikoano onangika. De Ma Jou wohimoteke to ona manga hininga de wihidoaka onangika o Saulusu abe una o Kisi ai ngofaka abe womahidutu o Benyamini ma dutuika. Ho Ma Jou wigoraka o Saulusu gea la wodadi manga koano de una wahihira-hira o taongo moruata ma dekanino.
1 Samuele 12:13 - Ma Jou ai Demo-demo o Totobelohoka13 “Ho abeika, ti ngini nia ngiriki, una nenanga ti ngini nia koano de naa una nagau nginioka. Abeika ngini nimafikiri! Ka de nimagahoko Ma Jou o Yaweika de nia gogahoko winihidoakoka. De unangoo Ma Jouoka de waino abe naa wihidadioka nia koano o Saulu abe winihikoano ngini mata-mataika.” အခန်းကိုကြည့်ပါ။ |
1 Samuele 12:13
9 ပူးပေါင်းရင်းမြစ်များ
De ahao o Samuele wahingahu ona mata-mataika wato, “Naa una o Isiraele ma nauru abe Ma Jou o Yawe wiirikoka la wodadi o Isiraele ma nyawa nanga koano. De ngaro o Isiraele ma nau-nauru mata-mataika hahiketero de ko moiua hoka unangoli ngaro ai rupa eko ngaro ai hiakunu!” Hokogea o Samuele o Saulu wigorakiye o nyawa manga himangoka de ona mata-mata ka ma moiiye yokokipoaka ato, “Nanga koano higahoko la ai wowango o duniaka ikurutu!”
Ho ona yokokiloikoli o Gigalika de genangoka yodiai manga hiaturu ma doomu Ma Jou o Yawe ai himangoka. Abe manga doomuoka de ihitunguu o Saulika abe duru de manga hininga ma gou-goungu iwihidadi manga koano. De yomahihuba o hikadame ma huhuba Ma Jou o Yaweika de o Saulu de o Isiraele ma nyawa genangoka duru yorame-rame de manga garago ilamoko mata-mata.
Abe ngini mata-mata duru nihioriki ma oraha naa o hiwara ho duru ko iawanua de ngini nia gandumu nidatomo la ma oraha o hiwara hokonaa de ka idadi nia gandumu niautuku. Masara ngohi naa tomagahoko Ma Jou o Yaweika la wohidingoto o kuruuhu de o awana duru o wange naa dika. Ka de Una wohihigihene de wohidingoto o kuruuhu de o awana gea de duru winihitaana nginika abe nidiai duru itorou Unangika ma oraha nimagahoko Ma Jou o Yaweika la winihidoaka o koano!”
De ona yopoa-poaka, ato, “Mia baluhu, nomigahoko ani Jouika, Ma Jou o Yaweika, angamoi nako ko nomigahokua de marai ngomi duru ma oraha naa dika de mikokihonenge! Ngomi naa mimangaku duru mia howono ma ngoe Ma Jouika. De igoungu, ngomi mimagahoko la womihidoaka o koano masara naa mihioriki mia gogahoko gea duru ihowono ho mia howono ka mihidogo dika. Ho mia baluhu kiani nomihidemo Ma Jou o Yaweika.”
Ho ma oraha yomatoomuino o Samueloka de iwihingahu, ato, “Mia baluhu, mimahilooa masara ngomi naa minimake abe ngona naa iniperekioka de ani ngofa-ngofaka manga hininga de manga karajaanga duru imakohowono de hoka ngona nomihihira. Ho ngomi naa miato adonoka ma oraha ngomi o Isiraele ma nyawaoo kiani naga womatengo womihikoano. Nako o tonaka utu mata-mataika de manga koanoka ho ngomioo mioigo hokogea. Ho naa mia baluhu mimagahoko la ngona nomihidoaka to ngona ani duruuru de o koano.” Hokogea manga hininga ma igo yomahingahu.
De ngaro ufa ngini nipusingi ma titi o keledai ma ngoe gea abe ihihangoka naa o wange hangeino ma dekana angamoi ma keledai gea ani baba ai nyawa yamakeoka. De ngona naga nenangoka nohitutumu la ka idadi tonihingahu abe ahao idadi ngonaika. Abe ngona de ani tau ahao nidadi o Isiraele ma nyawa manga nganganono.” Hokogea o Samuele wihingahuoka o Saulika.
ကြော်ငြာတွေ