1 Samuele 11:7 - Ma Jou ai Demo-demo o Totobelohoka

⁷ Ho ahao waleino o hapi hinooto de watomaka de ahao watobi-tobikuku de ma dobiki wahikokidoaka ai hidingoto ma nyawaika hiadono ona homoi-homoiika naga o hapi ma dobiki moi. De ahao ona wahidingoto o Isiraele ma tonaka mata-mataika de manga koano ai hingahu o doomu homoi-homoiika yadofanga onangika hokonaa, ato, “Naa naga nanga musu ato inaparangi! Ho nanga nau-nauru, ngohi nia koano tinibehehongo la nihiniiki ngohi, o Saulu de nanga baluhu o Samuele, abe ma oraha naa kiani nanga musu gea haparangi. De o hapi ma dobiki nenanga tinihimatoko de ma titi hokonaa, duru hokogenangoli ahao idadi to ona manga hapikaoo abe ona yoluku inaniiki o Amono ma nyawa haparangi.” Hokogea ai behehongo o Isiraele ma nyawa mata-mataika de Ma Jou o Yawe wahihawana o Saulu ai ngamoika hiadono ka ma moi manga nau-nauru yokokiboa o Saulino.

1 Samuele 11:7 ပူးပေါင်းရင်းမြစ်များ

Dodadi 35:5

De genangoka ona yosobo ma, ko moiua yaparangi. Abe ngaro o tonakoka gea naga ma kota ma ngoe masara o nyawa mata-mataika genangoka Ma Jou duru wahimodongo o Yakubika ho hiadono ko yamoroinua yaparangi.

2 Tawari 17:10

De o nyawa abe yogogere o Yehuda ma nyawa manga tonaka ma datekoka ahao duru de manga modongo ma horomati ma amoko Ma Jou o Yaweika ka hiadono ko yamoroinokaua iwiparangi o Yosafatika.

Yesaya 8:13

Angamoi naga moi dika abe kiani ngona ani horomati de ani hawana itagi genangika, de gea Ngohi Ma Jou o Yawe Wokokurutiye abe kiani nohimodongo Ngohino. Angamoi ka Ngohiohi totebi-tebini.