1 Samuele 11:6 - Ma Jou ai Demo-demo o Totobelohoka

⁶ Ka de o Saulu woihene ma abari gea de Ma Jou o Womaha de ai buturungu wilufungu de duru ai ngamo ifae o Amono manga koanoika.

1 Samuele 11:6 ပူးပေါင်းရင်းမြစ်များ

Huhupu 32:19

Ho o Musa womahitigioka o Isiraele ma nyawa manga dodogumuku de ka idadi wamake mata-mata gea yodiai. Ka de wamake manga pangao o gurasino ma hapa o hapi ma ngofaka de ai nyawa yoselo-selo de o Musa ai ngamo duru ilamoko ena mata-mataika abe wamake genangoka. De ai ngamo dika hiadono wadotumo Ma Jou ai pareta ma hakaru hinooto wasoino gea. Dau o loku ma batingi ma timiuku waumo ho o hibehehongo ma hakaru hinooto gea ikokiwederoka.

Gegetongo 12:3

De o Musa gea ai hininga duru ma dodipokouku abe ngaro o nyawa o dunia ma lokuoka mata-mataika masara ka o Musahi ai hininga ma dodipokouku.

Maruku 3:5

De o Yesusu womalega arihononga de wongamo angamoi ai dohata o howonika. De ai hininga duru ihuha ma titi manga pea kohadogowini ho hiadono wakokidamaanoka. De witemo ai giama ihelu-helukika wato, “Nagorakiye ani giama.” De wagorakiye ai giama de idadi imakadaene abe hoka ai giama ma honongali ho itogumoka.

Efesusu 4:26

De nagali to Una ai Demo-demoino abe inahingahu ato, “De nako naga nia ngamo ipuda, gea ufa nimahigunoa la ma titi gea dika de hiadono niahowono.” Masara koaho ma wange gea ko itumunuahi de gea nia ngamo kiani niapidilokau la ufa idadi o hiningagogono nginioka.

Hihira 11:29

De ma oraha gea o Yefata iwilufungu de Ma Jou o Yawe ai Womaha de ahao wotagi-tagi watoomu ai tentara ho waika waino o Gileada de o Manase ma nyawa manga tonaka mata-mataika. De gea wotuluika o Misapa ma ngioka abe naga o Gileada ma tonakoka. De naga unangoka ai tentara yowoe abe watoomino la wahihira-hira ma oraha o Amono ma nyawaika yaparangi.

Hihira 13:25

De Ma Jou o Yawe de ai Womaha womulaenge wihipareta o Simsono de wihiputurungu ma oraha una wogogere o Mahane-Daanoka abe ma ngi gea naga o Sora ma kota de o Esitaolo ma kota ma hidogoronaka.

Hihira 14:6

De Ma Jou o Yawe ai Womaha duru wihiputurungu o Simsonika ka hiadono una de ai giama ma homoa dika wataoko ma singa gea de o boki ma amoko gea wakakihi hiadono ma badanga wapelaka hinootoka imaketero hoka o kabingi ma ngofaka o nyawa yaoto ka ma moi dika de apelaka hinootoka. Masara gea wodiai ko wahingahua ai baba de ngoi memeika.

Hihira 15:14

De yoboa yotigi o Lehi ma kapongika de naga o Filistina ma nyawa genangoka de ka de iwimake o Simsono woboa de yomulaenge yomahagaaga de o lolaku ma hagaaga de unangika iwibuhuku yomapopaata. Masara duru ka itodokanino de o Simsono iwilufungu de Ma Jou o Yawe ai Womaha de duru wihiputurungu ho watoaka o rukiti ma hungi hinooto gea imaketero hoka ai papakiti gea o lawe dika ho iotaka o tonakuku ma rukiti gea.

Hihira 3:10

Abe Ma Jou o Yawe wihikuaha o Otiniele de ai Womaha la una ka idadi wahihira-hira o Isiraele ma nyawa de watoomuino o Isiraele ma nau-nauru la yotentara. De ahao o Otiniele ai tentara watoomuino de yoiki yoparangi. De Ma Jou o Yawe waduhunu la iwihikala o Arama ma nyawa manga koano o Kusiana-Risataimi. Ho ka de Ma Jou o Yawe wihidoaka manga koano gea o Otinielika de o Isiraele ma nyawa ko yohuhakaua genangoka de yomakadame de ona abe manga gogere o Mesopotamia ma tonakoka.

Hihira 6:34

Masara ka de o Gideono woihene abe manga musu yoboaka de Ma Jou o Yawe ai Womaha iwilufungu. De o Gideono wale o guguli o domba ma tatadukino de wawuwu la ma ilingi yogirangika de hokogea wahokino ai gogianongoru o nau-nauru abe o Abiesere ma doomuoka.

1 Samuele 10:10

Abe ma oraha o Saulu de ai duduhunu yomahiadono o Gibea ma lokuika de igoungu yamakeika o doomu moi Ma Jou ai uru ma dodofanga yoboaino. De o Saulu ka de ona wamake de Ma Jou o Womaha wihawoka hiadono unangoo womulaenge Ma Jou ai Demo-demo ma hitararono wohidemo.

1 Samuele 10:6

De ka de nimakamake de ona gea de Ma Jou o Yawe ahao de ai Womaha wonihawo ngona hiadono ngonaoo nomulaenge nohidemo Ma Jou ai Demo-demo. De itodokanino to ngona ani hininga idadi hoka o hininga ma hungioli abe ahao ani wowango ma datoro aturuuru.

1 Samuele 16:13

De to una ai romanga o Dautu de una ahao womaokoino ai ria-riaka manga hidogoronaka de o Samuele wasoino o debi-debini ma minya ma ngi o domba ma nauru ma tatadukino gea de wigopoa o Dautu ai pea daku ai mumukuku. Hokogea wihitunguu de duru o wange gea de imahikaika de o Dautu iwilufungu de Ma Jou o Yawe ai Womaha. Ho gea o Samuele mata-mata abe Ma Jou wihikarajaanga wodiaiokau de ahao wolio ai tauika o Rama ma kotaka.

1 Samuele 16:14

De ma oraha gea Ma Jou o Yawe ai Womaha ko womanoakaua o Sauloka masara ai duruuru gea o tokata ma dorou abe Ma Jou o Yawe wohidingoto la iwihikangela o Saulika hiadono ai hininga duru de ma huhaka de iwilufungoka de o hawana.