1 Samuele 11:15 - Ma Jou ai Demo-demo o Totobelohoka

¹⁵ Ho ona yokokiloikoli o Gigalika de genangoka yodiai manga hiaturu ma doomu Ma Jou o Yawe ai himangoka. Abe manga doomuoka de ihitunguu o Saulika abe duru de manga hininga ma gou-goungu iwihidadi manga koano. De yomahihuba o hikadame ma huhuba Ma Jou o Yaweika de o Saulu de o Isiraele ma nyawa genangoka duru yorame-rame de manga garago ilamoko mata-mata.

1 Samuele 11:15 ပူးပေါင်းရင်းမြစ်များ

Huhupu 24:5

De ahao wahikarajaanga o Isiraele ma nyawa o nau-nauru ka o goo-goduuruohi la yoiki yale o hapi ma nauru ma goo muruono naga la gea ena yomahihuba Ma Jou o Yaweika. Ma hapi gea utu idadi iharo-harongo ma huhuba Ma Jouika ho yatoma de ahao yakelenga o huhuba ma ngi ma lokuoka de yaharongo ka hiadono itinoka. De ma hapi ma nauru utuoli idadi o dame ma huhuba.

Yakobusu 4:16

Masara nako ti ngini nia biaha ma oraha naa naga, gea ka ihikaika nimagorakiye de nimatobahingahu-ngahu o nyawaika ma titi nia hidee abe niato genangino de ka utuohi nimahikurutiye nia wowango ma goronaka. De naa ngohi ka idadi tinihitiarioli tato nako hokogea nimagorakiye de nimahingahu, gea ngini nidiai ko itiaiua.

1 Samuele 10:17

De ahao o Samuele wabehehongo o Isiraele ma nyawa mata-mataika la yoboa o Misapa ma kotaino la genangoka yomatoomuino Ma Jou o Yawe ai himangoka.

1 Samuele 10:24

De ahao o Samuele wahingahu ona mata-mataika wato, “Naa una o Isiraele ma nauru abe Ma Jou o Yawe wiirikoka la wodadi o Isiraele ma nyawa nanga koano. De ngaro o Isiraele ma nau-nauru mata-mataika hahiketero de ko moiua hoka unangoli ngaro ai rupa eko ngaro ai hiakunu!” Hokogea o Samuele o Saulu wigorakiye o nyawa manga himangoka de ona mata-mata ka ma moiiye yokokipoaka ato, “Nanga koano higahoko la ai wowango o duniaka ikurutu!”

1 Samuele 10:8

“De ahao nogila-gila o Gigalika de nohidodamaahi o wange tumidi ma dekanino, abe hokogea ma dekana de ahao ngohioo toboa o Gigalika de homakamakeoli genangoka. De ngone ahao homahihuba o huhuba iharo-harongo de o hikadame ma huhuba Ma Jouika. De ma oraha gea de ahao naga utuohi ahi behehongo ngonaika abe kiani naniiki.” Hokogea o Samuele ai behehongo o Saulika.

1 Samuele 12:1

De ma oraha gea o Samuele wahingahu o Isiraele ma nyawa manga doomu ma amokika, wato, “Ngohi naa ti ngini nia hihira duru ma dekanoka de gea abe duru nimagahoko ngohino tinihigihene de tinihidoaka o koano.

1 Samuele 12:17

Abe ngini mata-mata duru nihioriki ma oraha naa o hiwara ho duru ko iawanua de ngini nia gandumu nidatomo la ma oraha o hiwara hokonaa de ka idadi nia gandumu niautuku. Masara ngohi naa tomagahoko Ma Jou o Yaweika la wohidingoto o kuruuhu de o awana duru o wange naa dika. Ka de Una wohihigihene de wohidingoto o kuruuhu de o awana gea de duru winihitaana nginika abe nidiai duru itorou Unangika ma oraha nimagahoko Ma Jou o Yaweika la winihidoaka o koano!”

1 Samuele 8:19

Masara ona yoluku o Samuele ai hitiari ma demo ihigihene de manga gogahoko ka imaketero dika unangika ato, “Ngaro hokogea ahao idadi masara ngomi mia hininga ko miaturuurua, kiani ngone o Isiraele ma nyawa naga to ngone nanga koano la ngone mata-mataika wonahikoano nanga tonakoka naa.