1 Samuele 10:9 - Ma Jou ai Demo-demo o Totobelohoka

⁹ De ka de o Saulu womadogilioro o ngekomika la wosobo de to una ai hininga Ma Jou waturuuruoka. De o wange gea dika de ma dodunguu mata-mata idadioka abe kangano o Samuele wihingahu ahao wamake.

1 Samuele 10:9 ပူးပေါင်းရင်းမြစ်များ

Maruku 14:16

Wahibehehongo ibooto de ahao ona yahinooto gea yosobo yoiki doka ma kotaika. De ma kotaka aika de idadi duru imaketero hoka o Yesusu wotemoka mata-mata. Ho ma ngi gea yomahiadonoka de ona ihidiai abe o Totilakuru ma rame-rame ma inomo. De ihidiai ibooto de ahao manga dodiawoika yagilio.

Hihira 6:21

De Ma Jou o Yawe ai malaekata naga moi o tutukunu ai giamoka de gea wapake watopokika ma inomika. Ka de ai tutukunu adaene enangika de itodokanino de o hakaruino naga o uku ka itodokaniye itokara de o Gideono ai huhuba ngaro duru ma beha-behaka masara yatufuku ka hiadono itinoka. Ka de youku ibooto de Ma Jou o Yawe ai malaekata unangoo ka aiaho ho ko wimakeokaua genangoka.

Hihira 7:11

De ahao ngini ka idadi niogihene manga demo la gea nia domoroini ka idogo-dogo ho ma oraha naa de ko nihawanokaua niaparangi.” Hokogea Ma Jou wihingahu. Ho o Gideono de ai duduhunu o Pura youti manga musu manga dodogumuku de yomahitigi manga musuika abe ona yotobagoa-goana manga dodogumu ma ngi. Abe manga gogoana ma ngi muruono naga manga tentara ma dodogumu ma batingoka.

1 Samuele 16:13

De to una ai romanga o Dautu de una ahao womaokoino ai ria-riaka manga hidogoronaka de o Samuele wasoino o debi-debini ma minya ma ngi o domba ma nauru ma tatadukino gea de wigopoa o Dautu ai pea daku ai mumukuku. Hokogea wihitunguu de duru o wange gea de imahikaika de o Dautu iwilufungu de Ma Jou o Yawe ai Womaha. Ho gea o Samuele mata-mata abe Ma Jou wihikarajaanga wodiaiokau de ahao wolio ai tauika o Rama ma kotaka.

1 Samuele 2:35

De ma oraha ona yohonengoka de ahao Ngohi tigoraka womatengo abe wodadi o Isiraele ma nyawa manga hidemo abe una duru ko worehe-rehenua o totiaiino. Mata-mata abe tihibehehongo la wodiai gea una ahao wodiai de Ngohi ahao tihiowa hiadono to una ai totoforaukuoo ka hiado-adonika yodadi o hidemo Ngohino. Ho ahao ihileleani Ngohi de o kokoano mata-mataika abe Ngohi ahao tadingakoka Ngohino onangoo yaleleani.