1 Samuele 10:5 - Ma Jou ai Demo-demo o Totobelohoka

⁵ “De ahao ngona de ani dodiawo nigila-gila hiadono niboa o Gibea ma lokuika abe ihiromanga Ma Jou ai Loku de genangoka naga o Filistina ma tentara manga gogoana ma ngi. De ka de ngini nimahiadono genangoka de nimakamake de o nau-nauru o doomu moi Ma Jou ai uru ma dodofanga de naga manga totabua yarago-ragoho, de naga manga gogereenge ihiboha-boha, de manga sulingi abe yawuu-wuwu, de manga hitar yokuti-kuti, de Ma Jou ai Demo-demo ma hitararono ihidemo.

1 Samuele 10:5 ပူးပေါင်းရင်းမြစ်များ

1 Kokoano 18:29

De o wange ikorona ipaha de duru yopoa-poakohi ka hiadono o bimaowa abe adonoka ma oraha gea o Isiraele ma nyawa yomahuba Ma Jouiye. Masara ko kia-kiauahi idadi de ko moiua yapaluhu de manga pangao ko ma iwa abe yalegaika o nau-nauru gea abe ka yomagaho-gahokohi o Baalika gea.

2 Kokoano 2:15

De ma oraha gea nagahi Ma Jou ai uru ma dodofanga manga ngoe abe o Yerikoka de yaino yoboa, de ona nagahi hatoli manga gurutika ho yamake gea abe idadioka. De yamake ipaha de ahao yotemo ato, “Abeika, Ma Jou ai hiakunu gea abe ma dihiraino imanoa o Elia ai badangoka ma oraha naa imanoali o Elisa ai badangokali!” Ho ona mata-mata yokokiloiki la iwitutumu de ahao yomaponuku ai himangoka hiadono manga pea itiki ma tonakuku.

2 Kokoano 2:3

De ngade-ngade yomahiadonika de Ma Jou ai uru ma dodofanga o doomu moi yohupu o Betele ma kotaino iwibuhuku o Elisa de iwileha unangika, ato, “Gianongoru, sarakia, ngona ko nohiorikuahi abe Ma Jou o Yawe duru o wange naa de ngona de ani baluhu winihikatingaka?” De o Elisa wapaluhu onangika wato, “Niagoungu, de gea ngohi tohiorikoka. Masara ngini kiani nimarii-riidoka dika ma titi Ma Jou ai hidee gea.”

2 Kokoano 2:5

De Ma Jou ai uru ma dodofanga ma doomu moioli o Yeriko ma kotaka yoboa o Elisaino de iwileha unangika, ato, “Gianongoru, sarakia, ngona ko nohiorikuahi abe Ma Jou o Yawe duru o wange naa ngona de ani baluhu winihikatingaka?” De o Elisa wapaluhu onangika, wato, “Iya, niagoungu, de gea ngohi tohiorikoka. Masara ngini kiani nimarii-riidoka dika ma titi Ma Jou ai hidee gea.”

2 Kokoano 2:7

De ahao naga Ma Jou ai uru ma dodofanga yamoritoa manga doomuino yoboa de yomaokoino abe imakitingaka ko ikurutikaua de o Elia de o Elisa. De ona yahinooto gea naga o Yorodani ma akere ma datekoka. Ho ona yamoritoa gea yomalega-lega o Elia de o Elisaika.

2 Kokoano 3:15

Ho naa kiani niahokohi o nyawa abe yosawaro yoluiti eko yokuti o musik ma kiahonanga la ka idadi toihenohi o musik ma rahai.” De naga womatengo woboaino de wodiai la o Elisa ka idadi woihene o musik. De wotoihene ai gogiriaka de o Elisa iwilufungu de Ma Jou o Yawe ai kuaha.

2 Kokoano 4:38

De ma oraha o hiwara ikiria hiadono manga inomo ikuranga manga tonakoka de o Elisa woikoli o Gigalika. De genangoka naga Ma Jou ai uru ma dodofanga manga doomu yomatoomuino de o Elisa wadotoko. De o dodotoko ma goronaka de wihuloko ai duduhunu o Gehasika la wahakai, wato, “Ngona nanga uku nonadaulu de ahao napake o manyila kohaamoko la nonahakai abe iti naga ka idadi haolomo de nohakai la ma teongo ilamoko.”

2 Kokoano 6:1

De Ma Jou ai uru ma dodofanga naga manga dodoomu moi abe ka ihikaika yomatoomuino la ka idadi o Elisa wadotoko masara manga tau ngade-ngade ko yawedonokaua. Masara o wange moiuku de naga womatengo manga doomuino wihingahu o Elisaika, wato, “Mia baluhu, nanga doomu ma ngi nenanga ko inawedonua abe ma oraha ngona nomidotoko de duru imiefotokaholi.

1 Korintusu 14:1

Ho ngini kiani duru nimaribuutu la hiadono o dora inihipareta nia wowangoka, angamoi ka o dorahi duru ikurutiye. De naa abe ma titi ma hiakunu abe iboa Ma Jouoka de aino, ngohi tato irahai ngini niohafini la ahao niamake ma hiakunu gea, masara hongoli ma hiakunu moi gea abe inilufungu de to Una ai kuaha la hiadono Una ka wobawilika winihingahu nginika ai hingahu ma demo abe woigo wato ngini ahao niadofanga nia gogianongoru utuikali ai hingahu ma demo gea. Ma hiakunu moi gea duru toigo la ngini niohafini enangika la ahao niamake.

1 Samuele 10:10

Abe ma oraha o Saulu de ai duduhunu yomahiadono o Gibea ma lokuika de igoungu yamakeika o doomu moi Ma Jou ai uru ma dodofanga yoboaino. De o Saulu ka de ona wamake de Ma Jou o Womaha wihawoka hiadono unangoo womulaenge Ma Jou ai Demo-demo ma hitararono wohidemo.

1 Samuele 10:4

De ona yogianongoru ngonaika de manga garago de ato yoigo la manga roti ma gahumu hinooto inihidoaka. De manga roti gea kiani ngona nodafongo.”

1 Samuele 13:2

De ma moiuku o Saulu wairiki o Isiraele ma tentaraino o nau-nauru yasana hange abe duru yososawaro yoparangi de ona utu wahuloko la yolio dika. De ahao ai tentara yasana hange gea o Saulu waregu abe yasana hinooto wato iwiniiki una. De o tentara yasana moi wahuloko la ona iwiniiki ai ngofaka o Yonatana. De ahao o Saulu de ai tentara yasana hinooto yoiki o Mikamasika itigi o loku-lokuika abe naga o Betele ma tonakoka. De o Yonatana de o tentara yasana moi, abe una wahihira, ona yoiki o Gibeaika abe o Benyamini ma nyawa manga tonakoka.

1 Samuele 13:3

De ahao o wange moiuku o Yonatana de ai tentara yaparangi o Filistina manga tentara abe naga manga gogoana ma ngioka abe o Geba ma ngioka. De o Yonatana de ai tentara yasana moi yaparangi o Filistina ma tentara genangoka ka hiadono ona yahibinaahaka. De ma abari gea itagi o Filistina ma nyawa mata-mataika ato bari adonoka o Isiraele ma nyawa yomulaenge yalawana o Filistina manga poparetaika. Ho o Saulu ai hidingoto ma nyawa yoiki o Isiraele ma tonaka ma amokika yotulu-tulu moduku ma kapo-kapongika de ma kota-kotaika manga guguli yawuwu de yopoa-poaka ato, “O Isiraele ma nyawa naga o abari nenanga kiani nikokiihene!”

1 Samuele 19:20

Ho o Saulu ai tentara o doomu moi wahidingoto genangika la iwitaoko o Dautu. Masara yomahiadono de ko yomadaenuahi o Dautu iwitaoko de yamake Ma Jou ai uru ma dodofanga o doomu moi de ona o Samuele wahihira abe Ma Jou ai Demo-demo ma hitararono ihidemo. De ahao Ma Jou o Womaha o tentara ma nau-naurikaoo wahawo hiadono onangoo Ma Jou ai Demo-demo ma hitararono ihidemo.

1 Samuele 9:12

De ona yopaluhu ato, “Ngini nianiiki o ngekomo nena dika hiadono o kota ma ngoranika angamoi kangano dika una gea woboa genangino la nanga kota ma kokawaaha manga huhuba Ma Jouiye waniiki abe yodiai daku o lokuoka.