1 Samuele 10:24 - Ma Jou ai Demo-demo o Totobelohoka

²⁴ De ahao o Samuele wahingahu ona mata-mataika wato, “Naa una o Isiraele ma nauru abe Ma Jou o Yawe wiirikoka la wodadi o Isiraele ma nyawa nanga koano. De ngaro o Isiraele ma nau-nauru mata-mataika hahiketero de ko moiua hoka unangoli ngaro ai rupa eko ngaro ai hiakunu!” Hokogea o Samuele o Saulu wigorakiye o nyawa manga himangoka de ona mata-mata ka ma moiiye yokokipoaka ato, “Nanga koano higahoko la ai wowango o duniaka ikurutu!”

1 Samuele 10:24 ပူးပေါင်းရင်းမြစ်များ

1 Kokoano 1:21

Ho ngohi tato irahai tomataiti tonihingahu ngona ahi koanoika abe hokokia idadioka. Angamoi nako hoka ko iwa ani putuhu de ani baha adonoka, done ahao ka de nopaha de ngohi de nanga ngofaka o Saloomo imitaokino de ka imihohonenge ngomi.”

1 Kokoano 1:25

De gea tonileha angamoi ahao kangano una woiki de womahihuba o aewani ma ngoe. Abe naga o domba de o hapi, de utu ma hapino gea duru yatofo irahai ho de ma hakioka. De gea womahihuba de wahoko o tentara manga hohidimono de o Abiatara o hidemo ma nyawa gea, de ani ngofa-ngofaka o nauru utu mata-mata. Ho ma oraha naa naga de ona mata-mata yodiai o ngolo-ngolomo de yomakutuono yolomo o Adonia gea ai himangoka, de hiadono ona iwihinere-nere ato, ‘Ngaro mia koano ma hungi o Adonia ai wowango duru ikurutu!’

1 Kokoano 1:34

De nimahiadono genangoka de ahao ngini inihinooto o Sadoko de o Natana ngini kiani niwihitunguu o Saloomo abe niwihituagi ai peauku de o minya. De nia datorino gea de niahingahu o nyawaika abe o Saloomo una gea wodadioka o Isiraele ma nyawa manga koano. De gea kiani o nyawa utu yowuwu ma guguli de ahao ngini mata-mata nipoa-poaka niato, ‘Ngaro o Saloomo wonahikoano duru ai dekana de ai wowango duru de ma owaka!’ Hokogea nia datoro kiani nidiai genangoka.

1 Kokoano 1:39

De genangoka manga hidemo ma nyawa Ma Jouika o Sadoko una woiki wowohama Ma Jou ai Tau o Ngoerino de wale o domba ma tataduku abe ma dola o saitunu ma minya. De ahao ma minya gea wihituagi o Saloomo ai peauku la wihitunguu abe una gea wodadi manga koano. De ahao ma guguli yawuwu de o nyawa mata-mata genangoka yopoa-poaka ato, “Ngaro o Saloomo wonahikoano duru ai dekana de ai wowango duru de ma owaka!”

Matiusu 21:9

Ho o Yesusu wobarenuku de ma keledai ma ngofaka iwihidagi-dagi o Yerusaleemika de o nyawa naga utu ai himangokahi, masara naga utu iwihidoduru ai poretino. De o nyawa ko manga ngoe gea duru yogogarago hiadono yokokipoaka ato, “Hihigogiriiri Una woboaino naa, nanga tofora o Dautu ai totoforaukuino abe ma dodihiraino de Ma Jou wonahibehehongo wato ahao wonahikoano! De naa adonoka ma oraha abe Una naa wonahikoano hoka ma dodihiraka abe nanga tofora o Dautu wonahikoano! Hihigogiriiri nanga Jou o Horogaka!”

1 Samuele 11:15

Ho ona yokokiloikoli o Gigalika de genangoka yodiai manga hiaturu ma doomu Ma Jou o Yawe ai himangoka. Abe manga doomuoka de ihitunguu o Saulika abe duru de manga hininga ma gou-goungu iwihidadi manga koano. De yomahihuba o hikadame ma huhuba Ma Jou o Yaweika de o Saulu de o Isiraele ma nyawa genangoka duru yorame-rame de manga garago ilamoko mata-mata.

1 Samuele 12:1

De ma oraha gea o Samuele wahingahu o Isiraele ma nyawa manga doomu ma amokika, wato, “Ngohi naa ti ngini nia hihira duru ma dekanoka de gea abe duru nimagahoko ngohino tinihigihene de tinihidoaka o koano.

1 Samuele 12:13

“Ho abeika, ti ngini nia ngiriki, una nenanga ti ngini nia koano de naa una nagau nginioka. Abeika ngini nimafikiri! Ka de nimagahoko Ma Jou o Yaweika de nia gogahoko winihidoakoka. De unangoo Ma Jouoka de waino abe naa wihidadioka nia koano o Saulu abe winihikoano ngini mata-mataika.”

1 Samuele 9:2

De o Kisi ai ngofaka ai romanga o Saulu abe ngaro o Isiraele ma nau-nauru mata-mataika ma, ka unangohi worahai de una wokurutiye hiadono nako o Isiraele ma nau-nauru mata-mataika yahikutuga de ka o Saulohi wofoloiiye o buhaanga moi de ma hononga.