1 Samuele 10:22 - Ma Jou ai Demo-demo o Totobelohoka

²² Masara ko iwimakeua manga doomuoka ho hiadono ona iwileha Ma Jou o Yaweika de Una wahingahu, wato, “O Saulu gea una womagogono nia kiahonanga ma hidogoronaka.”

1 Samuele 10:22 ပူးပေါင်းရင်းမြစ်များ

Dodadi 25:22

De to muna ami ngofaka yohago ho ami pokoroka duru yomakelu-kelu ma ko mohiorikua ma titi ami pokoroka hiadono ihikelu-kelu hiadono duru mokangela. Ho momatemo ami hiningaka mato, “Adodoa ho hiadono hokonaa ihihikangela ahi pokoro ma goronaka?”

2 Samuele 2:1

De ipahaino de o Dautu woleha Ma Jou o Yaweika la ka idadi wohioriki ai hininga, ho wileha wato, “Sarakia, irahai ngohi tomaturuuruoli de tolio o kapongo moiika abe o Yehuda manga tonakoka?” De Ma Jou wipaluhu wato, “Iya, irahai nomaturuuru genangika.” Ho o Dautu wilehali wato, “Masara koaho o kapongo o kiaika?” De gea Una wipaluhu wato, “Irahai ngona noiki o Heboronika.”

Gegetongo 27:21

De ma oraha ona yoperelu ihioriki abe to Ngohi Ma Jou o Yawe ahi hininga, abe o kia toigo ona yodiai, gea kiani o Yosua wileha o Eleasarika. De una ka idadi wihingahu to Ngohi Ma Jou ahi mau o Yosuaika. Abe o Eleasara ka idadi wapake o hidemo ma kiahonanga o Urimi de o Tumimi abe ka ihikaika imanoa ai alu ma dadatoko ma juberaka. To ena ma hiaturu tinihidoakoka abe kiani waniiki. De o Urimi de o Tumimi gea ihitunguu la wohioriki to Ngohi ahi mau nginika. De gea angamoi o Eleasara una ti ngini nia hidemo Ngohino ho ahi hininga tihimatoko unangika ma oraha wapake o Urimi de o Tumimi gea. De ahao unangoli wihingahu o Yosuaika.” Hokogea Ma Jou ai hiaturu abe wihingahu o Musaika.

Lukasa 14:11

Angamoi ona yomasade-sade ahao Ma Jou wahitipokouku, masara ona abe yomahitipokouku manga hiningaka ona gea ahao Ma Jou wagorakiye.”

Hihira 1:1

Abe ma oraha o Yosua wopahaka de ahao o Isiraele ma nyawa iwileha Ma Jou o Yaweika ato, “Koaho onagona ngomioka abe irahai yohiraika la yoiki yabaata o Kanani ma nyawaika gea?”

1 Samuele 10:21

De ahao o Benyamini manga dutu dika manga dodoomu muruono naga homoi-homoiika to onangoo naga manga hihira ho manga doomu ma hihira gea yokokiboa la yomaokoino Ma Jou o Yawe ai himangoka de hokogea yodiai ka hiadono o Materi ma famino Ma Jou wairiki. De o fam Materi ma nau-naurino naga Ma Jou ai ngiriki ma dodunguu de iwidaene o Saulika abe una o Kisi ai ngofaka. Ho o Saulu gea ona iwilingiri masara una hoka ko iwiwa genangoka ngaro kangano naga!

1 Samuele 14:37

Ho o Saulu wilehahi Ma Jouika wato, “Sarakia, to Ngona ani hininga la ngomi naa mianii-niiki o Filistina ma nyawaika? De marai Ngona nosanangi nomiduhunu la ka idadi miahikala onangika, eko sarakia?” Masara una wileha ipaha de ko iwa o babaluhu ma demo Ma Jouoka de aino ma wange gea.

1 Samuele 15:17

De o Samuele wihiree-reeika wato, “Ngaro ma dihiraino ngona nomahitipokouku, masara ka enangua dika hiadono Ma Jou woniiriki ngona. Sarakia, ngona ko nomangaratiiua abe nodadioka o Isiraele ma nyawa manga dutu mata-mataika manga hihira? Ma Jou o Yawe woniiriki de wonihitunguuoka abe wonihidadioka o Isiraele ma nyawa manga koano.

1 Samuele 22:10

De ipaha o Ahimeleke wigahoko Ma Jou o Yaweika la wihihira-hira o Dautika. De wigahoko ipaha de ahao wihidoaka unangika o inomo de o Goliata ai humaranga.” Hokogea o Doege wihingahu o Saulika.

1 Samuele 23:9

Masara ipahaino de o Dautu woihene abe o Saulu naga iwihidee unangika, ho wiahoko o Abiatara unangino de wihuloko wato, “Kiani naoino o efodo gea la ka idadi hohioriki Ma Jou ai hininga!” De o Abiatara waoino ma baju ma rorahai gea o Dautino.

1 Samuele 30:7

De ahao o Dautu wihuloko manga hidemo ma nyawa Ma Jouika o Abiatara wato, “Abeika ngona naoino ani baju o efodo gea la ka idadi hohioriki Ma Jou ai hininga ma mau.” Ho o Abiatara wao ma efodo gea o Dautino.

1 Samuele 30:8

De gea o Dautu wileha Ma Jou o Yaweika wato, “Sarakia, koaho ngohi tahidoduru mia musu gea? De nako tahidoduruika ka idadi tadaene?” De Una wipaluhu wato, “Irahai la ngona nahidoduruika angamoi ahao ka idadi nadaene, de hongoli ka idadi naduhunu ani nyawa mata-mata nia musu manga giamoka de yaino!”

1 Samuele 9:21

De ahao o Saulu wopaluhu wato, “Masara, ahi baluhu, ngohi naa o Benyamini ma dutuino abe nako o Isiraele ma nyawa manga dutu ngimoi de hinootoino ka ngomiohi mia dutu mihutulu. De ngaro to ngohi ahi fam ma ka ngomiohi mia famoka mihutulu o Benyamini ma dutuino. Ho ngomi ko kia-kiaua o Isiraele ma nyawa manga himangoka, ho adodoa ho ngona nohihingahu hokonaa?” Hokogea o Saulu duru wopusingi o Samuele ai demoika.