Ho o Gileada ma balu-baluhu ma oraha yolio de o Yefata waniiki de ahao una de o Gileada ma nyawa yomahiketehibehehongo la genangino de iwihidadi to ona manga popareta ma hidimono de manga tentara ma hihira. De o ngi moioka abe ma romanga o Misapa o Yefata waika de genangoka womahingahuoli ai hininga Ma Jou o Yawe ai himangoka de o Gileada ma balu-baluhu manga himangoka wohigalioli ai behehongo ma demo mata-mata abe ihira wahibehehongokau o Gileada manga balu-baluhika.
1 Samuele 10:17 - Ma Jou ai Demo-demo o Totobelohoka17 De ahao o Samuele wabehehongo o Isiraele ma nyawa mata-mataika la yoboa o Misapa ma kotaino la genangoka yomatoomuino Ma Jou o Yawe ai himangoka. အခန်းကိုကြည့်ပါ။ |
1 Samuele 10:17
6 ပူးပေါင်းရင်းမြစ်များ
Ho ona yokokiloikoli o Gigalika de genangoka yodiai manga hiaturu ma doomu Ma Jou o Yawe ai himangoka. Abe manga doomuoka de ihitunguu o Saulika abe duru de manga hininga ma gou-goungu iwihidadi manga koano. De yomahihuba o hikadame ma huhuba Ma Jou o Yaweika de o Saulu de o Isiraele ma nyawa genangoka duru yorame-rame de manga garago ilamoko mata-mata.
De o tao-taongiye una wotagi-tagi o kota utuika la ma kotaka gea de ka idadi o Isiraele ma nyawa watobauru-urusu. Abe manga howono watailako de ona abe itaana yahowonoka gea una manga hohowono waputuhu. Ho ihira woiki o Betele ma kotaika de waurusu ai gogianongoru genangoka, de ahao womaturuuruoli o Gigala ma kotaikali de genangoka ai nyawa waurusu, de ipaha ahao womaturuuruoli o Misapa ma kotaikali de genangokali ai karajaanga imaketero dika.
ကြော်ငြာတွေ