1 Samuele 10:16 - Ma Jou ai Demo-demo o Totobelohoka

¹⁶ De o Saulu wihingahu wato, “Una womihingahu abe mia keledai o nyawa yamakeoka.” Hokogea wopaluhu masara ko wihingahua ai amaika hokokia o Samuele wihitunguuoka wato una ahao wodadi o Isiraele ma nyawa manga koano.

1 Samuele 10:16 ပူးပေါင်းရင်းမြစ်များ

Huhupu 4:18

Ho o Musa wolio ai toroa o Jitorika de womahidemo ai toroaika wato, “Toroa ngohi togahoko la nohihigunoa la toikohi ahi gogianongoru tatutumohi o Mesiiroka, mode naga ahi gogianongoru doka ka yowangohi.” Hokogea wogahoko de ai toroa o Jitoro wato, “Ka idadi, ngini niloiki dika ma iti nimahidodiai.”

Tobadotoko 3:7

Naga ma oraha itaana la nanga pakeanga hakakihi, de nagali ma oraha abe koaho homaguriti. De naga ma oraha itiai la homou dika, masara nagali ma oraha abe koaho nanga demo hohidemoiye.

Hihira 14:6

De Ma Jou o Yawe ai Womaha duru wihiputurungu o Simsonika ka hiadono una de ai giama ma homoa dika wataoko ma singa gea de o boki ma amoko gea wakakihi hiadono ma badanga wapelaka hinootoka imaketero hoka o kabingi ma ngofaka o nyawa yaoto ka ma moi dika de apelaka hinootoka. Masara gea wodiai ko wahingahua ai baba de ngoi memeika.

Hihira 14:9

Ho una womagoraka ma igutu abe de ma gulaka de wogila-gila womahiloi-loiki waolo-olomo o ofungu ma gula gea de utu ahao wahidoaka ai baba de ngoi memeika de onangoo yaolomo. Masara ko wahingahua onangika abe o ofungu ma gula gea wale o singa ma honengino.

1 Samuele 10:15

De ai ama gea wilehali unangika wato, “Ho, winihingahu o kia nginika?”

1 Samuele 9:20

De ngaro ufa ngini nipusingi ma titi o keledai ma ngoe gea abe ihihangoka naa o wange hangeino ma dekana angamoi ma keledai gea ani baba ai nyawa yamakeoka. De ngona naga nenangoka nohitutumu la ka idadi tonihingahu abe ahao idadi ngonaika. Abe ngona de ani tau ahao nidadi o Isiraele ma nyawa manga nganganono.” Hokogea o Samuele wihingahuoka o Saulika.

1 Samuele 9:27

De ahao yomahiadono o kota gea ma poretika de o Samuele witemo o Saulika wato, “Ani dodiawo gea nihuloko la una wohira.” Ho o Saulu ai duduhunu gea ai gurutikaka de ahao o Samuele wihingahu, wato, “Saulu, ngona tonitumungu nenangoka jai-jai angamoi naga o hingahu Ma Jouino abe ka ngonaika dika.” Hokogea o Samuele ai hingahu ma demo o Saulika.