1 Samuele 1:28 - Ma Jou ai Demo-demo o Totobelohoka

²⁸ De mangale ma titi gea hiadono ngohi titingaka Ma Jou o Yaweika abe o wange naa tihidoakoka Unangika la una ka idadi wileleani Ma Jou o Yawe ka hiadono ai wowango ma bahaika.” Hokogea o ngo Hana mihingahu o Elika de ahao genangoka ona yomahuba Ma Jou o Yaweika.

1 Samuele 1:28 ပူးပေါင်းရင်းမြစ်များ

Dodadi 24:26

Ka de ami demo gea woihene de o Abarahaama ai duduhunu gea womagulupoa de duru wihigiriiri Ma Jou o Yaweika,

Dodadi 24:48

Gea tomihidoaka ibooto de tomagulupoa hiadono ahi pea o tonakuku itiki de duru tihigiriiri Ma Jou o Yaweiye. De gea duru tihiowa Ma Jou o Yawe abe Una ahi dutu ai Jou de gea Una dika abe wohihihira-hira o ngekomika. Gea Una wohiao nenangino la ka idadi o Abarahaama ai dodoto ai danongo o ngo Ribeka ka idadi tomigahoko la tomiao ahi dutu ai ngofakika.

Dodadi 24:52

Ka de ami baba de ami iranga manga demo gea woihene ibooto de o Abarahaama ai duduhunu gea womagulupoali de duru wihigiriiri Ma Jou o Yawe.

Gegetongo 6:8

De manga higunoaua o honengika gea kiani yaniiki ka hiadono ma oraha manga behehongo Ma Jou o Yaweika yabooto. Hokogea Musa, kiani ngona nahingahu nahitararono onangika ka hiadono duru yomangaratii itararono abe nako manga behehongo yatilakuru gea ko yotebinokaua Ngohi Ma Jou ahi himangoka abe yomahipesekokali.”

2 Timotiusu 3:15

De igoungu ngona ani etetekinohi de notobatoihene Ma Jou ai Demo-demoino, ho gea duru nohioriki abe to ngomi mia dodotoko gea duru itaana de to Una ai Demo-demoka de aino ho hiadono ka idadi nangaku mia dodotokika gea. De ai Demo-demo ena gea inahisawaro la hohioriki hokokia ka idadi Ma Jou wonaduhunu nanga howo-howonino. De gea inahingahu ato kiani ngone hingaku o Yesusu Kristusika de gea ahao nanga howono Una waofi.

Hihira 7:15

Ho naa o Gideono woihenoka manga buluhara de ma titi gea de una womaponuku de wihigiriiri Ma Jou o Yawe! Hokogea womahuba ibooto de ahao wolio ai tentara manga doomuika de watumomiki wato, “Ngini nikokimomikoka angamoi naa idadioka Ma Jou o Yawe winihidoakoka ti ngini nia giamino o Midiana manga tentara mata-mata naa!”

1 Samuele 1:11

De ami niniata ma goronaka muna mihibehehongo Ma Jou o Yaweika mato, “Ma Jou o Yawe abe ka Ngonahi Nopoputurungu, nako Ngona nomalega ahi kangelaika, de naga ani dora ma hiokoo ngohino, tomagahoko ahi Jou ani duduhunu. Ngaro ngohi to Ngona ani gilaongo naa ma tomagahoko la ufa nohiwohanga de nohihidoaka o ngofaka o nauru. De nako ahi ngofaka gea tamake ahao titingaka Ngona Ma Jou o Yaweika ka hiadono ai wowango ma bahaika. De una wodadi o Nasiri ma nyawa ma titi una o nyawa abe Ngona Ma Jou nomadingakoka. Ho ahao naga de ai dodunguuoka abe ko ma iwa ai tadauru aguti eko akulu angamoi una Ngona nomadingakoka la wonileleani ka hiadono ai wowango ma bahaika.”

1 Samuele 1:22

De o ngo Hana momagoo-gogere dika manga tauoka angamoi muna mihingahu ami rokatika mato, “Ekana, marai ngohi ko toikuahi hiadono ma oraha adono nanga ngofaka naa tihipidilokahi ahi huhuino de ahao ngohi tiao Ma Jou o Yawe ai himangika ai tauoka. De genangoka ahao kiani o Samuele naa wogogere ka hiadono ai wowango ma bahaika.” Hokogea ami hilooa ma demo ami rokatika.

1 Samuele 2:11

Ho gea o ngo Hana ami tarimakase ibooto Ma Jouika de ahao muna de o Ekana yolio manga tauika o Rama ma kotaka. De manga ngofaka o Samuele iwinoaika o Elioka la wileleani Ma Jou o Yaweika abe una wodadi o Eli ai duduhunu to una ai leleani ma goronaka.

1 Samuele 2:20

De ma oraha adonoka o Ekana de ngoi fekata o ngo Hana yolio ma ko yosobouahi de o Eli wahiowa de ai hiowa ma demo hokonaa, wato, “Ngaro Ma Jou o Yawe winihidoaka o ngofa-ngofaka utuohi yowoe la yodadi nia ngofaka ai duruuru abe una niwihidoakokau Ma Jou o Yaweika.”

1 Samuele 28:2

De o Dautu wipaluhu wato, “Ka idadi ngomi miniduhunu! De genangino ahao ngona ma hirete nomimake de nomihioriki ma titi to ngomi mia hiakunu o parangi ma goronaka.” De ahao o Akisi witemo wato, “Gea irahai, de marai ngohi ahao ka idadi tonihidadi ahi hehebanga la ngona ka ihikaika naga duru ahi datekoka nohigoa-goana.”