1 Samuele 1:23 - Ma Jou ai Demo-demo o Totobelohoka

²³ De o Ekana wopaluhu, wato, “Hokogea ka idadi, nako ngohi tosanangi taniiki ani hininga dika abe nato irahaiohi ngona nomagoo-gogere nanga tauoka ka hiadono ani ngofaka nihipidiloka ani huhuino. De tonganono Ma Jou o Yawe wohiaturu la abe ngona ma dihira nihibehehongoka Unangika ahao idadi.” Hokogea o Samuele ai baba wotemo.

1 Samuele 1:23 ပူးပေါင်းရင်းမြစ်များ

2 Samuele 7:25

“De naa ahi Baluhu Ma Jou o Yawe, abe nohihibehehongoka ngohino de ahi tauikaoo, ngaro nodiai duru imaketero de ani behehongo ma demo gea. Tomagahoko la ani behehongo gea nohiaturu la ilaku ka hiado-adonika.

1 Kokoano 3:21

De ahao ma dawangeino ngohi tomamaoino tato tihuhu ahi ngofaka masara abeika, ma ngofaka gea wohonengoka! Masara ipahaino ahao ma oraha abe hatoli yotewedanga de ka idadi duru titailako ma ngofaka gea de ka idadi duru tihioriki abe una ko to ngohiua, gea to muna ami ngofaka!”

Higiriiri 22:9

De masara ngohi duru tonihioriki Ngona ahi Jou nohiduhunu, Abe gea Ngona nohihihupu ngohi meme ami ngofaka ma ngiino, De Ngona nohigoana ka hiadono ko moiua la ihidaene ma dorou, Hiadono tososanangi dika tohuhu ngohi meme ami huhuino.

Matiusu 24:19

“De hiokoo manga kangela ma ago-agomo o ngo-ngofeka abe de manga bada-badangoka ma oraha gea de ngaro onangoo abe manga ngofa-ngofaka ma gogilau de ka yahuhuohi.

Lukasa 11:27

De o Yesusu ai demo gea ko wamatauahi de naga momatengo o nyawa yowoe-woeino de ami ilingi maamokiye mato, “Ngona naa ani demo duru ma hohailoa toihene. Ho ngohi tato marai ngoni meme duru mososanangi ma titi abe Ngona nomaboa munangino de abe nohuhu to muna ami huhuika.”

1 Samuele 1:17

De o Eli wopaluhu wato, “Nako gea ngona naa ka idadi nolio de ani hininga iriidi. De angamoi o Isiraele ma nyawa nanga Jou ahao wonihidoaka ena gea abe ngona nomagahoko Unangino.” Hokogea womilaru o ngo Hanaika.

1 Samuele 14:36

De ahao o Saulu wotemo wato, “Abeika o futu naa dika hosoboli de hanii-niiki o Filistina ma nyawaika ka hiadono o wange ipotokaiye, la ka idadi hahikangela de hahibinaaha hiadono ona duru ko moiokaua yowango.” De gea ai nyawa iwipaluhu ato, “Ka idadi, abe o kia dika adaene ani hininga de ngomi naa ka miomodeke.” Masara manga hidemo ma nyawa una wato, “Koaho hilehahi nanga Jouika la hohioriki to Una ai hininga.”

1 Samuele 14:40

De ahao o Saulu wahuloko ona mata-mataika wato, “Marai ahi ngofaka o Yonatana de ngohi, ngomi imihinooto mimaokoino naangoka dika. De ngini utu mata-mata kiani nimaokoino ga doka.” Ho ai kokawaaha yopaluhu ato, “Iya, ka idadi, iti hokokia dika adaene de ani hininga.”