1 Samuele 1:19 - Ma Jou ai Demo-demo o Totobelohoka

¹⁹ De ahao ma dawangeino o Ekana de ona ai tauoka duru o ngoru-ngorumino yomomiki de yoiki yomahuba-huba Ma Jou o Yaweika. Yomahuba ibooto de ahao yosobo yolio manga tauika o Rama ma kotaka. De ma oraha o Ekana womaidu de o ngo Hana, Ma Jou o Yawe womihininga de ami niniata wapaluhu ho hiadono ahao muna de ami badangoka.

1 Samuele 1:19 ပူးပေါင်းရင်းမြစ်များ

Dodadi 21:1

Ma dihira Ma Jou o Yawe womihingahuoka o ngo Saraika wato womihiowa hiadono o ngofaka momamake. De ma oraha adonoka abe ma dihira womihibehehongoka ho naa idadioka Ma Jou o Yawe ai behehongo munangika.

Dodadi 30:22

Gea de ahao Ma Jou womiduhunu o ngo Rahele abe ami gogahoko womihigihene ho womihiakunu la ka idadi munangoo o ngofaka mamake.

Dodadi 4:1

O Adama de ngoi fekata yomakitigi ho ka de ipahaino gea o ngo Hawa de ami badangoka. De ahao momagerewoto de ami ngofaka o nauru. De muna motemo ami rokatika mato, “Ma Jou wohihiakunu ho hiadono o ngofaka o nauru tamakeoka.” De manga ngofaka gea iwihiromanga unangika o Kaini.

Dodadi 8:1

De Ma Jou duru ko wawohangua o Nuhi de ai dodiawo ngaro o nyawa de o aewani mata-mata abe imanoa unangoka o kapa ma goronaka. De Ma Jou wohiboa o hidaloko la iwuwu o akere ma lokuino de o nguihi imulaenge iowaha.

2 Kokoano 4:17

Masara ahao ko itedekanua de muna igoungu de ami badangoka. De duru o taongo moi ma dekana ipahaika abe o Elisa womihingahuoka de igoungu, muna naga ami ngofaka o nauru imaketero hoka una womihibehehongoka.

Higiriiri 5:3

Ngona, Ma Jou o Yaweika, to ngohi ahi hininga tomahingahu, Duru o ngoru-ngorumino tonihingahu de Ngona nogihene. Ka de ahi gogahoko abe Ngonaika o ngorumino tonihingahuoka, De toriidi tododamaa, de duru tonganono ani babaluhu ngohino.

Higiriiri 55:17

O ngorumino, de o wange ikorona, de yofutuoka ngohi tomaniata, Tomagahoko duru de ahi huha ma ilingi Ma Jou o Yaweika, De ngohi duru tihioriki abe Una wohihigihene ngohi.

Maruku 1:35

De ma dawangeino abe ngade-ngade itebini ma ka ifufutuohi de o Yesusu womomiki de wohupu o tauino de woiki o tonaka ma kakaahaika abe ko iwa o nyawa genangoka la womaniata Ma Jouiye.

Lukasa 23:42

De ahao witemo o Yesusika wato, “Yesusu, duru togahoko la ma oraha Ngona nahikoano ani nyawaika de nohihininga de nohidafongo ngohi naa.”

1 Samuele 1:1

O ade-ade naa imulaenge de o Isiraele ma nyawa womatengo ai romanga o Ekana. Una womahidutu o Efaraimi ma dutuika de wogogere o Rama ma kota abe naga o loku-lokuoka o Efaraimi ma tonakoka. De o Ekana ai baba o Jerohama, de ai ete o Elihu, de manga fam Tohu abe o Efaraimi ma nyawa o Sufu ma doomuino.

1 Samuele 1:11

De ami niniata ma goronaka muna mihibehehongo Ma Jou o Yaweika mato, “Ma Jou o Yawe abe ka Ngonahi Nopoputurungu, nako Ngona nomalega ahi kangelaika, de naga ani dora ma hiokoo ngohino, tomagahoko ahi Jou ani duduhunu. Ngaro ngohi to Ngona ani gilaongo naa ma tomagahoko la ufa nohiwohanga de nohihidoaka o ngofaka o nauru. De nako ahi ngofaka gea tamake ahao titingaka Ngona Ma Jou o Yaweika ka hiadono ai wowango ma bahaika. De una wodadi o Nasiri ma nyawa ma titi una o nyawa abe Ngona Ma Jou nomadingakoka. Ho ahao naga de ai dodunguuoka abe ko ma iwa ai tadauru aguti eko akulu angamoi una Ngona nomadingakoka la wonileleani ka hiadono ai wowango ma bahaika.”

1 Samuele 15:34

De ahao o Samuele wolio ai tauika abe o Rama ma kotaka de o Saulu wolio to una ai tauika abe o Gibea ma kotaka.

1 Samuele 16:13

De to una ai romanga o Dautu de una ahao womaokoino ai ria-riaka manga hidogoronaka de o Samuele wasoino o debi-debini ma minya ma ngi o domba ma nauru ma tatadukino gea de wigopoa o Dautu ai pea daku ai mumukuku. Hokogea wihitunguu de duru o wange gea de imahikaika de o Dautu iwilufungu de Ma Jou o Yawe ai Womaha. Ho gea o Samuele mata-mata abe Ma Jou wihikarajaanga wodiaiokau de ahao wolio ai tauika o Rama ma kotaka.

1 Samuele 19:18

Ho o Dautu woara de woiki o Rama ma kotaika la witutumu o Samuele de wiade-ade unangika mata-mata abe o Saulu wodiaioka unangika. Hokogea o Dautu womahingahu ibooto de ahao o Samuele o Dautu wiao ai kota ma honongaika abe ihiromanga o Naioto de genangoka ona yahinooto yogogere.

1 Samuele 2:11

Ho gea o ngo Hana ami tarimakase ibooto Ma Jouika de ahao muna de o Ekana yolio manga tauika o Rama ma kotaka. De manga ngofaka o Samuele iwinoaika o Elioka la wileleani Ma Jou o Yaweika abe una wodadi o Eli ai duduhunu to una ai leleani ma goronaka.

1 Samuele 25:1

De ipaha ahao o Samuele wohonenge de o Isiraele ma nyawa mata-mataika yomatoomuino iwihininga una ai dekana wahihira. De iwigari abe ihitunguu manga huha de manga horomati unangika de ahao iwilungunu o ngi moioka abe duru itigioka de ai tau abe o Rama ma kotaka. De o Samuele wopahaka de ahao o Dautu wosobo la womanoali o Parana ma tonaka ma kakaahaka.

1 Samuele 7:17

Ho nako genangoka ai nyawa waurusu ibooto de ahao wolio ai tauika o Rama ma kotaka. De genangokaoo naga o nyawa abe kiani manga howono watailako de ona abe itaana yahowonoka gea una manga hohowono waputuhu. De o Rama ma kotaka gea una wodiai o huhuba ma ngi abe wapake la o huhuba womahihuba Ma Jou o Yaweiye.

1 Samuele 8:4

Ho ika-ika de o Isiraele ma nyawa manga dimo-dimono yomatoomuino o Rama ma kotaka la ka idadi ona de o Samuele yomakoketemo ma titi to una ai ngofaka manga karajaanga yao ko itiaiua.

1 Samuele 9:26

De ma dawangeino ahao itawange de o Samuele wiahokoka o Sauliye wato, “Saulu nomomikoka! Naa adonoka kiani ngona nosobo.” Hokogea dika de o Saulu womataiti womahidiai de genangoka una de ai dodiawo yosobo yomakiniiki de o Samuele.