1 Samuele 1:17 - Ma Jou ai Demo-demo o Totobelohoka

¹⁷ De o Eli wopaluhu wato, “Nako gea ngona naa ka idadi nolio de ani hininga iriidi. De angamoi o Isiraele ma nyawa nanga Jou ahao wonihidoaka ena gea abe ngona nomagahoko Unangino.” Hokogea womilaru o ngo Hanaika.

1 Samuele 1:17 ပူးပေါင်းရင်းမြစ်များ

Dodadi 25:21

Masara ngaro yoilaka ma dekanoka ma o ngo Ribeka ami ngofaka ko iwa. Ho o Isaka womigahoko Ma Jou o Yaweiye la ka idadi o ngofaka mamake. De Ma Jou o Yawe wihigihene o Isaka ho ahao o ngo Ribeka ka idadi o ngofaka mamake ho muna de ami badangoka.

2 Kokoano 5:19

De o Elisa wipaluhu, wato, “Marai nolio dika, de Ma Jou ani hininga mata-mata wohioriki ho tonganono la noiki de ani hininga duru de ma riidoka.” Hokogea yomakoketemo ibooto de yomahiketehilooa de ahao o Naamana de ai nyawa ona yosobo yolio o Arama ma tonakika.

Maruku 5:34

De momangaku ibooto de wotemo munangika wato, “Ngohi ora, inihitogumoka ma titi ani ngongakuino. Ho naa ani hininga isanangioka de ka idadi nolio, angamoi ani kangela gea ko iwaka.”

Lukasa 7:50

De ahao o Yesusu wotemoli ma ngofekaika gea wato, “To ngona ani ngongaku iniduhunoka ani howo-howonino, ho naa ngona ka idadi nolio dika ani tauika de ani hininga de ma riidoka.”

Lukasa 8:48

De o Yesusu womitemo munangika wato, “Ngohi ora, ma titi ani ngongakuino hiadono naa ngona notogumoka. Ho ngaro ka nolio de ani hininga ma miriidi.”

1 Samuele 1:16

Ahi baluhu, ufa nofikiri ngohi naa o ngofeka ma dorou. Ngohi tomaniata de ahi jiwa ma gahumu abe ahi niniata ma demo ihititi ahi hininga duru ihuhaholi.” Hokogea ami demo unangika.

1 Samuele 1:23

De o Ekana wopaluhu, wato, “Hokogea ka idadi, nako ngohi tosanangi taniiki ani hininga dika abe nato irahaiohi ngona nomagoo-gogere nanga tauoka ka hiadono ani ngofaka nihipidiloka ani huhuino. De tonganono Ma Jou o Yawe wohiaturu la abe ngona ma dihira nihibehehongoka Unangika ahao idadi.” Hokogea o Samuele ai baba wotemo.

1 Samuele 20:42

De ma bahaika o Yonatana wihingahu o Dautika wato, “Ngaro naa noiki ma tonigahoko la ani hininga Ma Jou o Yawe wonihiriidi. De ngohi hokogea tonigahoko ma owa angamoi ngone ma dodihiraino homaketedodiawo homahiketehibehehongoka de Ma Jou o Yawe ai romanga. Abe nanga behehongo ma demo naga la nanga ngofa-ngofaka de nanga dano-danonguku ka imahikauku yaniiki nanga behehongo gea.” Hokogea manga dodiawo ma behehongo ihigalioli de ahao o Dautu wosobo woara de o Yonatana wolio ai tauika o kotaka.

1 Samuele 25:35

De wotemo ipaha de o Dautu wosanangi wodafongo to muna ami hidoaka gea de womihingahu wato, “Ngona nolio dika de ani hininga ma goguwini. Angamoi ngohi tonihigihene ani demoino de tomodeke, ho ko tahohonenguali ani rokata de ai nyawaika.”

1 Samuele 29:7

Ho naa tomagahoko la ngini ka nilio dika nia kapongika de ufa niaruwae ma hohidimono gea done inihihowono!”