1 Samuele 1:16 - Ma Jou ai Demo-demo o Totobelohoka

¹⁶ Ahi baluhu, ufa nofikiri ngohi naa o ngofeka ma dorou. Ngohi tomaniata de ahi jiwa ma gahumu abe ahi niniata ma demo ihititi ahi hininga duru ihuhaholi.” Hokogea ami demo unangika.

1 Samuele 1:16 ပူးပေါင်းရင်းမြစ်များ

1 Samuele 1:15

Masara o ngo Hana mopaluhu unangika mato, “Ahi baluhu, ufa nofikiri ngohi ihidaluku angamoi ko enangua abe ma titi ngona nohimake toari-ari hokonaa. Ngaro o angguru ma gohaka eko o daluku utu ma duru ko taokerua. To ngohi ahi kangela ilamoko ma titi ahi hininga ihuhaholi hiadono ahi huha tomahingahu Ma Jou o Yaweika.

1 Samuele 1:17

De o Eli wopaluhu wato, “Nako gea ngona naa ka idadi nolio de ani hininga iriidi. De angamoi o Isiraele ma nyawa nanga Jou ahao wonihidoaka ena gea abe ngona nomagahoko Unangino.” Hokogea womilaru o ngo Hanaika.

1 Samuele 10:27

Masara naga o nau-nauru utu abe manga wowango ma datoro itotorou iwihigurubungu ato, “O nauru nenanga ko kia-kiaua iwidaene ho done sarakia wonaduhunu nanga musu manga giamino?” De ona iwidohata de yoluku la manga hadia iwihidoaka unangika. Masara o Saulu ko wapusingua onangika.

1 Samuele 2:12

O Eli ai ngofaka yahinooto, o Hofini de o Pinehasa, to ona manga karajaanga yahidemo o Isiraele ma nyawa Ma Jou o Yaweika. Masara ona gea o nau-nauru abe manga datoro itorou dika de ko iwa manga horomati Ma Jou o Yaweika.

1 Samuele 25:25

Nako ahi rokata o Nabala, gea tomangaku dika abe una o nyawa ma dorou, ho koaho to una ai demo ngonaika ngona naofi dika ani hiningaino de ko nolegaikaua. Angamoi bote nohioriki to una ai romanga o Nabala gea ma titi o bodo ma nyawa, de hiokoo abe ai romanga duru imakataana de ai hininga. Ho duru tonganono la ngona ka idadi naofi dika to una ai demo gea. De nako ngohi ma hirete, ngohi ko ihiwa ma oraha ani hidingoto ma nyawa yangimoi yoboaino, ho duru ko tamakeua de ahi lako. Ona yomakoketemo de ahi rokata dika.