1 Samuele 1:13 - Ma Jou ai Demo-demo o Totobelohoka

¹³ De ngaro ami uru ma kai ikelu-kelu masara momaniata doka ami hiningaka dika ho ko iwa ami ilingi abe ka idadi o Eli woihene. Ho una womimake hokogea de doka ai hiningaka wato, “Bote muna gea imidaluku.”

1 Samuele 1:13 ပူးပေါင်းရင်းမြစ်များ

Nehemia 2:4

Hokogea ahi hininga tomahingahu o koanoika de una wohileha, wato, “Marai ngona noigo nohihingahu ngohino abe hokokia noigo la ngohi toniduhunu e?” Ka de hokogea o koano wotemo de duru ngohi tomataiti tomagahokohi Ma Jouiye abe Una o Horogaka.

Hidingoto 2:13

Masara naga utu manga hidogoronaka yamia-mia abe ona iwingaku-ngakuika ato, “Ona gea bote yadalukoka, de genangino ma titi hiadono manga demo o fara moi!”

Roma 8:26

Masara abe ma oraha naa de nagahi nanga kangela haohana. De abe nanga kangela ma goronaka de igoungu nanga nganganono inaduhunu la ka idadi naga nanga dongohono. De imaketero hoka nanga nganganono inaduhunu, hokogenangoo Ma Jou o Womaha Una wonaduhunu ngone nanga hiningaka abe ma oraha homaniata. Angamoi nako ka to ngone dika nanga hininga ma buturungu gea ko ilamokua. Ho Una woboaino nanga date-datekino de Unangoo womahimoku to ngone nanga gina la ma dubuho ikuranga ngoneoka. Abe ngaro homaniata masara ngone ko hohiorikua abe tanu hokokia homaniata la nanga niniata duru itaana de Ma Jou ai hininga. Ho nanga niniatoka gea de Ma Jou o Womaha Una ma hirete wonagahoko Ma Jou ai duduhunu ma titi ngone, hiadono Unangoo hoka wohigururihi angamoi ko iwa ma betongo abe imakiniiki de to Una ai niniata ma demo gea.

1 Korintusu 13:7

De abe o nyawa de manga doraka, ona ngaro hokokia dika o nyawa yahikangela onangika ma, ko yomahibalahua. Abe ngaro moi hokokia dika ma manga ngongaku nagahi, de ka yomahinganonohi Ma Jouika, de manga dongohono ko ihihangua ngaro hokokia dika naga iboa. Hokogea o dora ma hofoko.

1 Samuele 1:12

De o ngo Hana naa momaniata Ma Jou o Yaweika de o Eli gea womilega-lega.