1 Samuele 1:11 - Ma Jou ai Demo-demo o Totobelohoka

¹¹ De ami niniata ma goronaka muna mihibehehongo Ma Jou o Yaweika mato, “Ma Jou o Yawe abe ka Ngonahi Nopoputurungu, nako Ngona nomalega ahi kangelaika, de naga ani dora ma hiokoo ngohino, tomagahoko ahi Jou ani duduhunu. Ngaro ngohi to Ngona ani gilaongo naa ma tomagahoko la ufa nohiwohanga de nohihidoaka o ngofaka o nauru. De nako ahi ngofaka gea tamake ahao titingaka Ngona Ma Jou o Yaweika ka hiadono ai wowango ma bahaika. De una wodadi o Nasiri ma nyawa ma titi una o nyawa abe Ngona Ma Jou nomadingakoka. Ho ahao naga de ai dodunguuoka abe ko ma iwa ai tadauru aguti eko akulu angamoi una Ngona nomadingakoka la wonileleani ka hiadono ai wowango ma bahaika.”

1 Samuele 1:11 ပူးပေါင်းရင်းမြစ်များ

Dodadi 28:20

Gea wodiai ibooto de o Yakubu womatemo wato, “Naa duru tagoungu ahi behehongo, nako Ma Jou wohiniiki de wohigoana ahi dodagi ma goronaka naa, de gea wohihidailako ahi inomo de ahi pakeanga.

Dodadi 29:32

Ho o ngo Lea ahao de ami badangoka de ahao momagerewoto de ami ngofaka mamake o nauru de mihiromanga, “Abeika, o nauru!” abe to ona manga demo, “o Rubene.” Angamoi motemo mato, “Hokonaa Ma Jou o Yawe wohihidoaka angamoi wamakeoka ahi huha. Naa de kiani ngohioo mia rokata wohidora.”

Dodadi 30:22

Gea de ahao Ma Jou womiduhunu o ngo Rahele abe ami gogahoko womihigihene ho womihiakunu la ka idadi munangoo o ngofaka mamake.

Dodadi 8:1

De Ma Jou duru ko wawohangua o Nuhi de ai dodiawo ngaro o nyawa de o aewani mata-mata abe imanoa unangoka o kapa ma goronaka. De Ma Jou wohiboa o hidaloko la iwuwu o akere ma lokuino de o nguihi imulaenge iowaha.

Huhupu 4:31

De o Musa ai hingahuika gea yongaku. De naa ona yotemo ato “Naa ngone duru hohioriki Ma Jou o Yawe ka wonalegahi de ai dora ngoneino abe nanga kangelaoo ma, wohioriki.” Ho ka de yotemo hokogea de yomakokiponuku yomahuba Ma Jouiye.

Gegetongo 21:2

De ahao o Isiraele ma nyawa yomaniata de iwihibehehongo Ma Jou o Yaweika, ato, “Mia Jou, nako Ngona ahao nomiduhunu la hiadono o Arada ma nyawa gea miahikala de ahao ngomi mimahihuba de o uku Ngonaika manga kota-kotaka hiadono moioo de ko iwa abe mimadumungu manga kiahonangino.” Hokogea manga niniata ma demo.

Gegetongo 6:11

De o totaleo moi ani howono biaha ma huhuba. Ho o totaleo ihira nia hidemo gea waleino de wonihihuba la idadi o huhuba atamunu ani howono. De ngaro ani howono ko ma titiua ani hiningaino masara ani behehongo ma higunoaua natilakuroka ho ani tilakuru enangoo kiani atamunu de o huhuba Ma Jouika. Ho ma totaleo moioli gea nia hidemo wale de enangoo wonihihuba iharo-harongo. Hokogea ani tilakuru o honengika ani hidemo wohitamunu de ma huhuba o totaleoino gea. Gea ibooto de ahao duru o wange gea dika de kiani o Nasiri ma behehongo nihibehehongoli Ma Jouika ho nodarunu la ani tadauru de ani gumi iwangoli.

Gegetongo 6:5

“De o Nasiri ma nyawa manga dodunguu moioli abe yomatingaka Ngohi Ma Jouino gea kiani manga tadauru yodarunu la ikurutu. Ho, Musa, kiani nahitararono onangika nato, ‘De ngini kiani nimangaratii ngaro onagona dika abe yaniiki o Nasiri ma nyawa manga behehongo ko idadiua yomaguti manga tadauru ngaro o roehe moi dika, de ko idadiua yomakulu. Abe ka de manga behehongo Ma Jouika gea imulaenge de hiadono abootoka de manga tadauru yahidogunoa la ikurutu angamoi hokogea yomahitunguu abe yomatingakoka Ma Jou o Yaweika de yaniiki to Una dika ai hiaturu la yomahitaana abe yotebini Ma Jou o Yawe ai himangoka.’”

Gegetongo 6:8

De manga higunoaua o honengika gea kiani yaniiki ka hiadono ma oraha manga behehongo Ma Jou o Yaweika yabooto. Hokogea Musa, kiani ngona nahingahu nahitararono onangika ka hiadono duru yomangaratii itararono abe nako manga behehongo yatilakuru gea ko yotebinokaua Ngohi Ma Jou ahi himangoka abe yomahipesekokali.”

Hihira 11:30

De o Yefata wihibehehongo Ma Jou o Yaweika wato, “Ahi Jou tomagahoko la Ngona nomiduhunu miaparangi o Amono ma nyawa hiadono o lolaku nohihidoaka ngohino.

Hihira 13:5

De hokogea nomagoana ani ngokere de ani ngolomino angamoi ani ngofaka gea Ma Jou womadingakoka la ai wowango ma dumutu ka ihikaika Unangoka dika. Abe ka de una womaboa de ani ngofaka wodadi o Nasiri ma nyawa ho ko idadiua ngini niwiguti ai tadauru ngaro o ngai moi dika, de ko idadiua una womakulu. Abe ani ngofaka iwitingakoka Ma Jouika la una ahao Ma Jou wipake la wodadi womulaenge wahihupu o Isiraele ma nyawa o Filistina ma nyawa manga kuahaino.” Hokogea Ma Jou o Yawe ai malaekata ai hingahu o Manoa ngoi fekatika.

1 Samuele 1:10

De o ngo Hana moboa motigino de ami hininga ihuhaholi de momaniata de ami gari Ma Jou o Yaweiye.

1 Samuele 1:12

De o ngo Hana naa momaniata Ma Jou o Yaweika de o Eli gea womilega-lega.

1 Samuele 1:19

De ahao ma dawangeino o Ekana de ona ai tauoka duru o ngoru-ngorumino yomomiki de yoiki yomahuba-huba Ma Jou o Yaweika. Yomahuba ibooto de ahao yosobo yolio manga tauika o Rama ma kotaka. De ma oraha o Ekana womaidu de o ngo Hana, Ma Jou o Yawe womihininga de ami niniata wapaluhu ho hiadono ahao muna de ami badangoka.

1 Samuele 1:22

De o ngo Hana momagoo-gogere dika manga tauoka angamoi muna mihingahu ami rokatika mato, “Ekana, marai ngohi ko toikuahi hiadono ma oraha adono nanga ngofaka naa tihipidilokahi ahi huhuino de ahao ngohi tiao Ma Jou o Yawe ai himangika ai tauoka. De genangoka ahao kiani o Samuele naa wogogere ka hiadono ai wowango ma bahaika.” Hokogea ami hilooa ma demo ami rokatika.

1 Samuele 1:27

De ahi gogahoko Ma Jou o Yaweika ma oraha gea ahao Una wohihidoakoka abe o ngofaka nenanga ngohi tamakeoka Ma Jou o Yaweino.

1 Samuele 1:28

De mangale ma titi gea hiadono ngohi titingaka Ma Jou o Yaweika abe o wange naa tihidoakoka Unangika la una ka idadi wileleani Ma Jou o Yawe ka hiadono ai wowango ma bahaika.” Hokogea o ngo Hana mihingahu o Elika de ahao genangoka ona yomahuba Ma Jou o Yaweika.

1 Samuele 2:20

De ma oraha adonoka o Ekana de ngoi fekata o ngo Hana yolio ma ko yosobouahi de o Eli wahiowa de ai hiowa ma demo hokonaa, wato, “Ngaro Ma Jou o Yawe winihidoaka o ngofa-ngofaka utuohi yowoe la yodadi nia ngofaka ai duruuru abe una niwihidoakokau Ma Jou o Yaweika.”