1 Samuele 1:10 - Ma Jou ai Demo-demo o Totobelohoka

¹⁰ De o ngo Hana moboa motigino de ami hininga ihuhaholi de momaniata de ami gari Ma Jou o Yaweiye.

1 Samuele 1:10 ပူးပေါင်းရင်းမြစ်များ

Dodadi 30:1

De angamoi o ngo Rahele ami ngofaka ko iwa de ngomi riaka ami ngofaka naga ho ka ihikaika momitaleana ngomi riakika. De motemo de ami huha ami rokatika mato, “Yakubu, kiani ngohioo nohihidoaka o ngofaka ngohino, nako ko nohihidoakua de ahao ngohi tohonenge dika!”

Dodadi 50:10

Gea yomahiadono o ngioka abe o nyawa yapake la manga gandumu abe yautukino de genangoka yotobarero ma gandumu ma hofoko ma ngi. De manga kapongo genangoka ma romanga o Hatada ai Rorero ma Ngi. De ma ngi gea naga o Yorodani ma akere ma datekoka. De genangika o Yusupu de ai doomu yomahiadonoka de yodiai manga huha ma dodunguu ma gari o wange tumidino ma dekana ma titi manga horomati ai baba o Yakubika.

2 Samuele 13:36

De una wotemo ipahaino de igoungu ma koano ai ngofa-ngofaka yomahiadono, de ona mata-mata duru iwigari-gari de yopoaka ma titi manga riaka o Anono ai honenge. De ahao o Dautu de to una ai duduhunu onangoo mata-mata duru yoari-ari.

Higiriiri 91:15

De ma oraha o duduhunu yomagahoko de Ngohi totoihene ho taduhunu. De manga kangela ma goronaka de Ngohi naga onangoka tagoana, ho gea taduhunu la hiadono ona yolaku de ahao naga o horomati yamake utuino.

Lukasa 22:44

De to Una ai hininga duru ihuhaholi, ho utuohi womaribuutu la womaniatoli de ai hininga ma gahumu. De hokogea ma amoko ai huha hiadono ai gahauku ihupu ai badangino de gea ma rupa o awunu abe itubukuku ai badangoka de dau ma tonakuku.]

Ibarani 5:7

De nako ma dihiraino ma oraha o Yesusu nagahi o dunia ma lokuokahi de Una naga de ai roehokahi abe imaketero hoka ngoneoli, de ma oraha gea Una duru womaniata de o duduhunu womatobagahoko ai Babaiye, abe womaniata de ai ilingi ma amokiye de nagali ai koongo itifa. De abe womagahoko o duduhunu ai Babaiye de gea ai Baba tanu ka idadi widuhunu la ngaro ufa dika de ai Ngofaka wohonenge. De mangale ma titi o Yesusu womahitipokouku de wihoromati ai Babaika, ho ai Baba wigihene de wopaluhu ai niniata ma demoika de widuhunu Unangika.

Ruutu 1:20

Masara o ngo Naomi mopaluhu mato, “Ufa ngini nihihiromangohi o ngo Tobasanangi, masara kiani nihihiromangoli o ngo Tobamali angamoi Una Wokokurutiye wohiaturu la o huha dika tamake hiadono ahi wowangoka ma mali dika.

1 Samuele 1:11

De ami niniata ma goronaka muna mihibehehongo Ma Jou o Yaweika mato, “Ma Jou o Yawe abe ka Ngonahi Nopoputurungu, nako Ngona nomalega ahi kangelaika, de naga ani dora ma hiokoo ngohino, tomagahoko ahi Jou ani duduhunu. Ngaro ngohi to Ngona ani gilaongo naa ma tomagahoko la ufa nohiwohanga de nohihidoaka o ngofaka o nauru. De nako ahi ngofaka gea tamake ahao titingaka Ngona Ma Jou o Yaweika ka hiadono ai wowango ma bahaika. De una wodadi o Nasiri ma nyawa ma titi una o nyawa abe Ngona Ma Jou nomadingakoka. Ho ahao naga de ai dodunguuoka abe ko ma iwa ai tadauru aguti eko akulu angamoi una Ngona nomadingakoka la wonileleani ka hiadono ai wowango ma bahaika.”

1 Samuele 1:9

De ma moiuku ma oraha ona o tau moi naga o Silo ma kotaka de ona yolomo de yokere ibooto de ahao o ngo Hana moiki momatingaka de momaniata Ma Jou ai Tauoka. De naga genangoka o Eli abe una gea wileleani Ma Jou abe o nyawa wahitobahidemo Unangika. De una wogogeruku o kuruhiioka Ma Jou o Yawe ai Tau ma ngoranoka.