1 Peturusu 3:12 - Ma Jou ai Demo-demo o Totobelohoka

¹² Ho nako ona abe yoigo yowango yosanangi dika, ona gea kiani manga wowango yao itiai hokogea angamoi nanga Baluhu idodutu Una ka ihikaika walega-lega de wagoana o totiai ma nyawaika. De Unangoo wahigihene to ona manga niniata ma demoika. Masara onagona dika o dorou yotobadiai manga wowangoka, ona gea duru Ma Jou walawana onangika.” Hokogea ma dodihiraino ihitulihukuoka, ho naa tinihihohininga ma titi to Una ai demo gea. Ho ngini iti nia wowango niao itiai de ka idadi Ma Jou winihiowa nginika nia wowango ma goronaka.

1 Peturusu 3:12 ပူးပေါင်းရင်းမြစ်များ

2 Tawari 7:15

Ngohi ahao toihene ahi nyawa manga niniata mata-mata abe ma oraha yomaniata o tau ma goronaka naa.

Higiriiri 11:4

Ho naa ngohi tinihihohininga nginika, Abeika, Ma Jou o Yawe naga ai ngi ma debi-debinoka! Una Ma Jou abe ai gogogere daku o Horogaka. Una womalega ngoneuku de ko iwa moi abe ko wamakeua, O nyawa mata-mataika ka ihikaika wonatailako de wonahioriki.

Higiriiri 33:18

Ho koaho ufa hawohanga abe ma titi nanga Jou o Yawe ai hininga ma lako, abe ka Una dika wonagoa-goana ngone onagona dika hitobanii-niiki Unangika. De Una gea wonaduhunu ngone abe homahinganono ai doraika abe ko ihoa-hoanua.

Sosawaro 15:29

Ma Jou o Yawe de o dorou ma nyawa yomakitingaka kohagurutika, masara abe o totiai ma nyawa, to ona manga niniata ma demo de Una wahigihene enangika.

Sosawaro 15:3

Ma Jou o Yawe ai lako idamaana o kiaika dika, ho ngaro o dorou ma nyawa de ngaro ona yotobadiai ma rorahai, masara Una ka ihikaika wonalegauku ngone mata-matauku.

Sakaria 4:10

De gea koaho ufa ngini niahitipokouku o karajaanga naa abe niato ma karajaanga ko kia-kiauahi, angamoi Ma Jou o Yawe duru wogarago wamake de ai lako o Serubabele ai karajaanga abe ahao womulaenge wodiai. De gea ma titi Ma Jou o Yawe ai lako tumidino abe ka ihikaika wolega-lega o dunia ma amokika.

Yohanese 9:31

Ma ngone naa hohioriki nako o howo-howono ma nyawa ngaro yomaniata ma, manga gogahoko Ma Jou ko wahigihenua. Ma ona abe iwihigiriiri de yaniiki to Ma Jou ai mau, gea ona wahigihene.

Yakobusu 5:16

Ho mangale ma titi nanga Baluhu idodutu ka idadi wonahitogumu nanga popanyakeino de ka idadioo wonahiapongo nanga howono ma titi nanga niniatino, ho duru tinihigaro nginika la nia howo-howono nimangaku nia gogianongoruika de nimakokagahoko Ma Jouiye la ngaro nia kangela nia bada-badangoka eko ngaro nia gogao Unangika itoakoka, ma gea mata-mataika de Una ka idadi winihitogumu genangino. Angamoi nako womatengo wataana de Ma Jou ai mau, to una gea ai gogahoko naga duru de ma kuahaka angamoi Ma Jou ahao wihigihene unangika de hiadono wohingodumu ai gogahokino gea.