1 Peturusu 2:20 - Ma Jou ai Demo-demo o Totobelohoka

²⁰ Masara nako hoka ngini niahowonoka de genangino ma titi hiadono inihikangela de inipoha-poha nginika, gea imakohowono. Angamoi ngaro nia kangela ma goronaka de nimatongohono, masara genangino ma utumu ko niamakeua, angamoi nia kangela gea tanu nia howonoka de aino iboa. Masara nako ngini abe ma rorahai dika nitobadiai de ka inihikangelahi nginika, de genangino de ahao niamake nia utumu Ma Jouino, iti nimatongohono nia kangela ma goronaka.

1 Peturusu 2:20 ပူးပေါင်းရင်းမြစ်များ

Matiusu 26:67

De ahao yamuruono naga iwiobiri o Yesusu ai himangoko de iwitidingi Unangika. De utuoli iwipoka-poka.

Matiusu 5:47

“Ho nako ngini naa nimakao irahai de nia dodiawo dika de nako o nyawa utuika niao ko irahaiua, gea done sarakia ti ngini nia hininga? Angamoi gea ka imakadaene dika de o nyawa manga hininga abe ko iwihiorikuahi Ma Jou. Masara nako ngini de ona de tanu koaho ka nginiohi nia hininga irahai abe o nyawa mata-mataika.”

Maruku 14:65

De ahao yamuruono naga iwiobiri o Yesusoko. De ai lakoko apakitoka de o ngoere ma belaka la ufa womahioriki de ahao ona yomakawalimi iwitidingi de ahao iwileha ato, “Ei, nako Ngona igoungu naga ani sosawaro Ma Jouoka de aino, abeika nomihingahu onagona initidingi naa? De naangoli, sarakia onagona initidingi? Abeika nomihingahu!” De abe ona yotobagoa-goana o Yesusu iwiaoika de onangoli iwipoha-poha.

Lukasa 6:32

“Ngohi tato nako ngini naa nia dora ko itagiua nia musuika masara itagi ka onangika dika abe inidora nginika, gea done o kiaka ma utumu niamake Ma Jouino? De gea nia utumu ko niamakeua, angamoi genangino de nia hininga ko imakiniikua de to Unangoli ai hininga. Abe ngaro o tobahowo-howono ma nyawa ma ona ka idadi yomakokoona yomakodora ona de manga dodiawo. Masara ngini naa kiani nia dora itagi o nyawa mata-mataika.”

1 Korintusu 4:11

De ka hiadono ma oraha naa naga ngomi duru imihafini de mia ngomaha yodudungu de mia baju ikuranga. De ngomi naga imipoha-poha, de midadioka hoka mipoparadidu.

Galatia 4:18

De nako o magawe, gea duru irahai inamagawe iti abe nanga magawe ma hidumutu gea ma rorahaiika. Masara iti ufa ma oraha abe ngohi naga nginioka de ma oraha gea dika abe nia magawe naga ma rorahaiika. Koaho ka ihikaika ma rorahaiika niodomagawe nianiiki. De iti ufa ma titi ngohi ko ihiwa nginioka de gea ma titi hiadono nimahipipidili ma rorahaiino abe ma dihiraino tinihingahu-ngahuoka nginika.

Efesusu 5:10

De abe nia wowango ma dodagi ma goronaka gea kiani ngini nihidodiai niairiki la hokokia nia wowangoka niwihisanangi nanga Baluhu idodutuika, de gea ena kiani nianiiki.

Filiipi 4:18

Masara abe ma titi ahi hidoaka nihidingo-dingoto o Epafroditusoka, gea unangino tamakeoka mata-mata, ho naa ahi perelu duru niangodumoka de tanu ifoloiholi ahi hidailako, abe ko iwa ma kuranga ngohioka. De nia hidoaka gea idadioka hoka o manyanyi ma bounu duru ma hohailoa, imaketero hoka o huhuba Ma Jouika duru itiai, abe ma titi nia hidoaka ngohino gea duru iwihisanangi Ma Jou.

1 Peturusu 2:19

De abeika hafikirohi nako hoka idadi nginioka abe nia dutu inihikangela ngaro ngini ka niahingounu dika onangika de nia hininga ma rorahaiino. De nako hokogea ahao idadi, ngini hokokia? Marai nia hininga ihuha, e? Masara naa ngohi tinihigaro tato nako hokogea idadi nginika de ngini ufa nimahibalaha ma nimatongohono dika nia ngongakuoka ma titi Ma Jou ai mau niongano-nganono, de gea ahao Ma Jou winidosanangi nginika.

1 Peturusu 3:14

Abe ngaro ona inihikangela ma titi ngini nidiai o wowango ma datoro ma totiai, masara ka idadiohi ngini niamao Ma Jou ai owa ti ngini nia hiningaka. Ho gea ngaro ufa dika de ngini niamodongo onangika, de ufa nia hininga ihuha.

1 Peturusu 3:17

Ho abe ma titi o kangela haohana, gea koaho inahikangela ma titi nanga datoro ma rorahaiino dika, iti de Ma Jou ai mau haohana ma kangela gea. Masara ufa hiadono ngone kiani hohimanga o kangela mangale ma titi to ngone ma hirete nanga howonino, angamoi gea hohioriki ko to Ma Jou ai mauua ma titi ngone ai nyawaino.