Angamoi nako o nyawa manga howono de gea ma hibalaha o hone-honenge dika. Masara ma oraha naa de ti ngini nia wowango ma hofoko duru imakohowonoka de ma dihiraino. Angamoi ma oraha naa de ko nidadiokaua o gogilaongo ma nyawa abe o howonika masara niwihingounoli Ma Jouika, ho to Unangoli ai gogilaongo ngini nidadioka. Ho ma oraha naa de naga nia wowango ma hofoko ma rorahai abe iniduhunu hiadono inihihira-hira la ngini nitebi-tebini Ma Jou ai himangoka. De mangale Una winihihoheoka nia howonino ho gea ma bahauku de ihihofoko de o wowango ka hiado-adonika nginika. De gea duru igoungu, abe mangale ma titi to ngone nanga gogao nanga Baluhu idodutu o Yesusu Kristusika ho hiadono Ma Jou ka wonahidoaka dika o wowango ka hiado-adonika ngoneino. Abe Una ko wonahibalahua ma titi nanga howono, masara nanga wowango gea ka o hidoaka dika Unangoka de aino ngoneino! Ho mangale ma titi ai hidoaka ma hohailoa gea ho ngone ma oraha naa de koaho howango hokokia la nanga wowangoino de duru itararono abe o howono ko inahiparetakaua ngoneino!
1 Peturusu 1:9 - Ma Jou ai Demo-demo o Totobelohoka9 De nia gogarago ma amoko gea ihititi nia ngongakuoka, angamoi nihioriki abe nia ngongakuino ma hibalaha gea nia utumu ma hohailoa mata-mata abe ahao niaborimake Unangoka de aino. De ngaro ma oraha naa naga masara nia utumu gea nimulaengoka niamake nia wowangoka, ho genangino hiadono ngini duru nigarago. အခန်းကိုကြည့်ပါ။ |
1 Peturusu 1:9
4 ပူးပေါင်းရင်းမြစ်များ
De o Abarahaama de o Isaka de o Yakubu, ona gea mata-mata iwingaku Ma Jouika manga wowango ma goronaka de ka hiadono ona yoborihonenge masara ka iwingakuohi Unangika. De gea igoungu abe Ma Jou ai behehongo utu abe ma dodihiraino de wahibehehongoka ona de manga totoforaukuika, gea ma behehongo utu ka yadaenohi, masara utuoli naga ma behehongo abe ko yadaenikaua de ona yaruange yokokihonengoka. Masara ngaro hokogea ma ona ngade-ngade hoka Ma Jou ai behehongo gea ka idadi yamake de manga hininga ma lako abe hoka duru ma gurutikahi ho ahao yanonanako enangika. De gea manga hiningaka duru yodogarago ma behehongika angamoi ona iwingaku Ma Jouika ma titi ena gea ahao idadi. De genangino ma titi hiadono ona yosanangi dika yomahingahu abe ona hoka o homoa ma nyawahi ma tonakoka gea yomanoa-noa, de hoka o dionikino ma nyawa dika genangoka, angamoi ma oraha gea de ko idadiuahi to ona manga tonaka.
Ho ngini niatingakika nia datoro de nia hininga ma dodorou eko ma pese-peseke o kia dika abe nagahi nginioka, de nimahitipokouku nia hiningaka la nianiiki Ma Jou ai hingahu ma demo abe Una wodatomoka nginioka. Angamoi nako ai demo gea ngini nianiiki, genangino de ka akunu iniduhunu o howono ma kuahaino.