1 Korintusu 7:7 - Ma Jou ai Demo-demo o Totobelohoka

⁷ De abe ma titi o nyawa yoilaka, ngohi tanu toigo la o nyawa mata-mata ngaro ufa dika de yoilaka la ona yomaketero hoka ngohioli abe ngohi ahi dongohono naga ho ko toilakokaua. Masara ngohi tohioriki abe ngone o nyawa imaketemomomoi nanga hidoaka Ma Jouoka de aino. Abe ngone utu wonahidoaka ngoneino la ka idadi hoilaka, de utuoli wonahidoaka ngoneino la ufa hoilaka. Ho, nako ngini niila-ilakoka, gea ufa nioluku nimatoomu ngini de nia rokata eko nia fekata. De abe nginioli ko niilakuahi, gea ngohi tato irahai nako ka idadi nigila-gila dika abe hoka ma dihirainohi la ko niilakua de ko nimakitigiua de utuika.

1 Korintusu 7:7 ပူးပေါင်းရင်းမြစ်များ

Dodadi 30:34

De o Labana wosanangi ai demo gea wato, “Hokogea itiai, ngaro ahao idadi abe hoka ngona notemoka!”

Hidingoto 26:29

De o Paulusu wato, “Iya, ngaro niperelu o demo muruono dika eko ma ngoeika masara ngohi duru tonganono de tomaniata Ma Jouika la ika-ika ahao ngini mata-mata nenangoka ka nimaketero dika abe hoka ngohioli. Masara igoungu tonganono abe ahao naga moi dika homakohowono, la nginioka ufa naga nia papakiti abe hoka to ngohioli.” Hokogea o Paulusu ai demo onangika.

Roma 12:6

De ngone homoi-homoi naga nanga hiakunu Ma Jouoka de aino de gea ma hiakunu imaketemomomoi abe wonahikokodoku ngoneino. Ho ma hiakunu o kia dika abe wonahidoaka ngoneino, nanga hiakunino gea de kiani hileleani irahai Unangika. Ho naa tinihingahu ma titi ma hiakunu muruono abe Ma Jou wonahidoaka ngoneino. Abe ma hiakunu moi, gea nako wonahiakunu la ka idadi hoihene ai demo abe Una ma hirete wonatemo nanga hiningaino. De ahao kiani hadofanga o nyawaika Ma Jou ai hingahu ma demo gea, iti hongaku abe ma demo gea igoungu Ma Jouoka de aino iboa.

1 Korintusu 12:11

Ho abeika o hiakunu irupa-rupa, masara Ma Jou o Womaha ka womatengo dika wahikokodoku ai hidoaka gea mata-mata o nyawa homoi-homoiika. De Una ma hirete womaputuhu wato, “Ahi hiakunu naa tihidoaka unangika naa, de ahi hiakunu moioli kiani naa munangika tomihidoaka.” Hokogea Una ma hirete womaputuhu abe hokokia wonahikokodoku ai hidoaka de ai hiakunu gea ngone hingaku-ngaku homoi-homoiika.

1 Korintusu 12:4

De abe Ma Jou ai garejaka, naga to Una ai hiakunu ma ngoe de gea mata-mata imaketemomomoi, masara gea mata-mata ma lifunu ka moioka dika de aino iboa, abe ma lifunu gea Ma Jou o Womaha.

1 Korintusu 7:8

De naa ngohi totemo nginika abe o nau-nauru ko iwa nia fekata de nginikali abe o ngo-ngofeka nifao-fao. Ngohi tato irahai ngini ka nigila-gila dika hokogea de ufa niilaka la ngini imaketero hoka ngohioli.

1 Korintusu 9:15

De ngaro hokogea tanu itiai Ma Jou ai himangoka, masara ngohi naa duru ko ma moiuahi tomagahoko nginika la ahi perelu nihihidailako. De ngaro ma oraha naa naga de ahi demo naa totulihi, ma gea ngohi ko tomagahokua nginino. Angamoi nako ngohi, tanu koaho tohonenge dika la done o duniaka dika ma utumu tamake abe naa ahi karajaangino. Abe nako ngohi o Abari ma Rorahai tahidoaka dika o nyawaika de gea ngohi ko kia-kiaua tamake onangino, duru enangohi todogarago. Masara nako hiadono o dunia ma utumu dika tamake o nyawaino, gea ahi garago hatoli ikuranga.

1 Korintusu 9:5

De mode ngomi ma oraha miloiki mitulu-tulu o kiaika dika de ngini niato bote ko idadiua mia fekata abe yongaku-ngakuoka ngomi miao? Nanga gogianongoru utu abe Ma Jou wahitagongino de o Abari ma Rorahai, hoka nanga Baluhu idodutu ai doo-dodoto, de o Peturusu, de utuoli naga, ona mata-mata, ma, ka idadi manga fekata yao.