1 Korintusu 7:5 - Ma Jou ai Demo-demo o Totobelohoka

⁵ Ho nako o giabereki de yomatengo yoigo yomatoomu, gea ibootohi nioluku ngini o giabereki nimaidu. De masara nako ahao naga ma moi ma moi abe o giabereki duru yamao abe koaho duru yomaniata Ma Jouiye, de gea ma rokata de ngoi fekata mata-mata yomaketehiningamoi abe koaho duru yomaniata Unangika. Nako hokogea ona o giabereki yakokiputuhu, gea de ahao ka idadi yomatongohono abe hokokia ma dekana, masara kalioli itedekana yomatongohono, done o Ibilihi yahiata-atara de ona ko idadiokaua yomatongohono de hiadono yahowono. De abe ma oraha yomaniata ipaha de koaho ona yomatoomuoli hoka ma dihirali.

1 Korintusu 7:5 ပူးပေါင်းရင်းမြစ်များ

Huhupu 19:15

De wahingahu onangika wato, “Kiani ngini mata-mata nimatingaka Ma Jouika la ma wange ma hangeoka ka idadi nimahuba Ma Jouika ho ngaro niilakoka ma ko tinihigunoauahi nimaidu de nia fekata.” Hokogea wahuloko ho ona yomahidiai.

Matiusu 17:21

De o Yesusu wahitararonoli onangika wato, “Nako naga ma tokata ma rupa hokogea, kiani homaniatohi de hopuahahi de ahao ka idadi hohititoko o nyawaino. Masara nako ko homaniatikaua de ko hopuahaikaua de hohititoko, gea ko hakunua.”]

Matiusu 19:11

De Una wotemo wato, “Masara nia demo gea o nyawa ko mata-mataikaua ka idadi yodafongo la hiadono ko yoilakua ho yowango ka yomatengo dika. Ho ka ona dika abe Ma Jou waduhunu de wahiakunu abe ka idadi hokogea yowango.

Matiusu 4:10

De o Yesusu wopaluhu enangika wato, “Ngona o Ibilihi, ka nohinoaka dika! Angamoi Ma Jou ai Demo-demoka naga moi itemo ato, ‘Ngini kiani nimahuba nia Jou o Yaweika dika, de ko idadiua utuika ngini nioleleani.’”

1 Korintusu 7:4

Abe ma fekata muna ami badanga ko momaparetakaua, masara gea ami rokata wapareta to muna ami badanga. De imaketero hokogea ma rokatoli ai badanga de una ko womaparetakaua, masara ngoi fekata mapareta to una ai badanga.

1 Tesalonika 3:5

Ho gea mangale ma titi tinigihenoka abe igoungu naga o nyawa inihikangela nginika, ho ngohi ahi hiningaka duru tiningano-nganono de tomaleha-leha ma titi nia ngongaku gea nirehenoka eko nagahi. De hokogea itagi ahi hiningaka hiadono ngohi ko tapoakaua ho hiadono o Timotiusu tihidingoto nginika la ka idadi winitutumu de ahao ma oraha una wolioli genangoka de waino de ahao ka idadi tinihioriki hokokia ngini nia ngongaku. Angamoi ma oraha gea tomatemo ahi hiningaka tato, done o Ibilihi ma haeke inihirehene, abe ena gea duru yahitobaata-atara o nyawaika la ato yahirehene enangino. De gea nako hiadono igoungu ena gea inihirehenoka, de gea ahao to ngomi mia karajaanga de mia gahauku nginioka gea mata-mata ka parahaja dika.