1 Korintusu 7:16 - Ma Jou ai Demo-demo o Totobelohoka

¹⁶ Angamoi abeika naa moi nimafikiri. Ngini o feka-fekata, bote ka idadi nia rokata iwingaku Ma Jouika ma titi ti ngini nia wowango yamake. De nginioli o roka-rokata, bote ka idadi nia fekata Ma Jou waduhunu manga howonino ma titi ona ti ngini nia wowangoino amake. Ho ngini o giabereki, ngaro nia rokata eko nia fekata gea ko iwingakuahi, ma kiani duru nihitaili la ufa nimakoluku.

1 Korintusu 7:16 ပူးပေါင်းရင်းမြစ်များ

Lukasa 15:10

De ahao o Yesusu wahitararono onangika wato, “De naa ma moioli tinihingahu abe nako hiadono o howo-howono ma nyawa womatengo dika yotoba manga howonino, gea Ma Jou de ai momalaekatoo duru yogogarago.”

Roma 11:14

De ngohi tonganono abe ahi tagongo ma goronaka de ka idadi tahitaleana ahi gogianongoru o Yahudi ma nyawaka de o wowango ma hungi, la onangoo yoigo yodadi hoka nginioli, de gea tonganono la ma bahauku de ona utu ka idadi Ma Jou wahihohe manga howo-howonino hiadono onangoo yamake o wowango ma ngango.

1 Korintusu 9:22

De nako ngohi naga nanga gogianongoruoka abe to ona manga tobahioriki nanga ngongakuoka ka ikurangohi, de ahao ngohi hoka onangoli la onangoo gea ka idadi taduhunu la hiadono utuohi ona manga ngongaku ibaluhu. Ho, ngaro o nyawa hokokia dika naga, ma ngohioo hokogea abe hoka onangoli mata-mata la tato ona utu ka idadi taduhunu Ma Jouika.

1 Timotiusu 4:16

De kiani nomaagoana ma titi ani wowango de ani dodotoko. Abe kiani ka ihikaika ngona nomahigagaoika ahi behehongika, la hiadono ngaro ngona ma hirete de ngaro ona nadoto-dotoko, ma nginioka mata-mata ko moiua niamake Ma Jou ai hohowono.