Ngohi tinihigaro la kiani nianoaika nia wowango ma datoro abe duru aniiki o bodo ma hininga. Ti ngini nia wowango ma datoro ma biaha kiani gea nioporetika la nimangalioli o datorika abe genangino niamake o wowango ma gou-goungu. Ti ngini nia perelu o dodotoko abe genangino niamake o sosawaro abe inihidumutu o sosawaro ma ngekomika.
1 Korintusu 5:9 - Ma Jou ai Demo-demo o Totobelohoka9 Ahi gogianongoru, naa ma duruika abe o hurata moioli ngohi tinihuratoka nginika, de ahi hurata ma goronaka gea de tinihibehehongoka la ufa ngini nimaketedodiawo de ona yomakokitigi ko itiaiua. အခန်းကိုကြည့်ပါ။ |
1 Korintusu 5:9
10 ပူးပေါင်းရင်းမြစ်များ
Masara ahi behehongo gea ko ma titiua totemo tato ufa o dunia naa ma nyawa nimahisapurika onangika. Hokogenangua ahi behehongo ma titi. Abe naa o duniaka ma nyawa, onangoka igoungu naga yomakokitigi ko itiaiua, de naga abe yotobataleana, de abe yotobarusi-rusi, de naga abe yomahuba-huba o pangaoika. Masara nako ngini niato nimatingaka onangino, gea tanu ngini o dunia naa kiani nianoaka de nisobo o Horogaiye angamoi nako nenangokahi ka ihikaika naga o nyawa abe ko iwingakuahi. Ho ahi demo gea ko ma titiua abe nimatingaka onangino gea.
De gea ngini ka nimagorakohi! Tanu irahai nako nengokadau ma oraha niwihioriki ai howono gea de nia hininga duru ihuha dika de nia koongo itifa dika la hiadono una wahowo-howono gea niwitingakoka nginino. Masara ngini hokogenangua nidiai. Ngini niwinoaika dika de ahao nimahigiriiri angamoi ko niwihohowonua!
Abeika naa o Yahudi ma nyawa manga biaha abe o Totilakuru ma rame-rameoka yotobadiai. Ma oraha gea ona yatoomuino manga ragi mata-mata manga tau-tauoka de gea mata-mataika yakokiumoka. Gea yaumoka de ahao ona yomaharongo manga roti abe ko iwa ma ragi. Ho gea tohiketero de toigo la ngini nidiai hokogea. Abe una wahowo-howono nia doomuoka, una gea ngini kiani niwihihupuoka la nia hidogoronaka de waino wohupuoka. Abe gea imaketero hoka nimaadebini hiadono ma ragi ma dekanoka gea ko iwaka nginioka. De gea ahao ngini nidadioka hoka o tarigu ma gakomo ka ma hungiohi, angamoi ngini igoungu ko iwa ma ragi nginioka, abe Ma Jou ai himangoka ko iwa nia howono. Ho nako una gea niwihihupu, gea ahao ngini nidadioka o doomu moi abe ko iwa nia badangoka o howono, de gea ahao ka idadi tinihiromanga tato nitebini. Abe ngini nitebini mangale ma titi to ngoneoo nanga Totilakuru ma Domba o Kristusu, Una iwihohonenge la ngone naa wonahitebini.
Ahi gogianongoru, naa moi tinileha, ka idadi hohidiliko o kuda moi de o hapi moi la imakuduhunu ihidatauru o goroba? Ko idadiua, e? De hokogenangoo abe ngone hingaku-ngaku o Yesusu Kristusika ko idadiua homahidiliko onangika abe ko iwingaku-ngakuahi. Angamoi done sarakia imakiniiki o wowango ma totiai de o wowango ma dorou? Ko imakiniikua! De done sarakia abe o dararono de o fufutu imanoa o ngi moioka?
De naga moioli abe Ma Jou wotemo ai nyawaika la wato ona yomatingaka o dorou ma nyawaino, wato, “Ngini kiani nihupu o nyawa gea manga hidogoronaino la nimatingaka onangoka de aino. De ufa nimahitigi to ona manga kiahonangika abe ipeseke to Ngohi ahi himangoka. De nako hokogea nimatingaka Ngohino, de gea Ngohi ahao tinidafongo.”
De naa mia gogianongoru, ngomi minihibehehongo nginika, de gea duru minihibehehongo de nanga Baluhu idodutu o Yesusu Kristusu ai romangino miapake. De gea minihibehehongo miato onagona dika nia gogianongoru abe yodebeturu manga karajaangika, ona gea ngini kiani niadokaowaroka angamoi ona manga debeturu ilaku manga wowangoka. De angamoi ona gea yorehenoka mia dodotokino abe nengokadau minidotoko la gea miadofanga nginika.
ကြော်ငြာတွေ