1 Korintusu 3:6 - Ma Jou ai Demo-demo o Totobelohoka

⁶ Mia karajaanga gea imaketero hoka ngohi ma mui todatomo de ahao o Apoloso una watotuagi de o akere, masara Ma Jou dika ma datomo gea wohifero-fero.

1 Korintusu 3:6 ပူးပေါင်းရင်းမြစ်များ

Higiriiri 127:1

Nako o nyawa manga tau ihigoko, masara gea ko imakiniikua de Ma Jou o Yawe ai mau, gea ka parahaja dika manga tau yomadiai. De hokogenangoo nako Ma Jou o Yawe ko ai hiningaua la wogoana o kota moi, ngaro naga de manga gogoanoka masara ko idadiua yaduhunu o kota ma nyawaika.

Sosawaro 11:25

Ho ona abe yatobahidoaka utuika ahao manga kaya ka idogoka, de ona abe yahidailako utuika de o akere, ahao ona ma hirete manga ngomaha ko yodudungua.

Hidingoto 11:18

Hokogea o Peturusu ai hitararono ma demo ai gogianongoruika, de abe ma oraha ona yoihene ai demo de ko iwaka manga lawana ma demo ma titi ona ko o Yahudi ma nyawaua. Ho ona duru iwihigiriiri Ma Jouika ma titi gea de yotemo ato, “Igoungu Ma Jou wahidoakoka la ona abe ko o Yahudi ma nyawaua ka idadi yoporete manga howo-howono. De gea ahao ka idadi yamake o wowango ka hiado-adonika Unangoka de aino.”

Hidingoto 14:27

De yomahiadono o Antiokia ma kotaika gea de yatoomuino o gareja ma nyawa mata-mata. De yomatoomuinoka de yoade-ade onangika abe hokokia idadi manga dodagi ma goronaka, de abe ma titi Ma Jou ai datoro mata-mata wodiaioka o nyawaika. De onangoo yoade-ade abe hokokia Ma Jou wahigunoa ona ko o Yahudi ma nyawaua la onangoo ka idadi iwingaku Unangika de yodadi o ngongaku ma nyawa.

Hidingoto 16:14

Abe momatengo gea ami romanga o ngo Lidia abe o Tiatira ma kotaka ma nyawa, de muna motobafuku-fukunu o ngoere ma wuu-wuu abe duru ihohailoa. De munangoo momatobahuba-huba Ma Jouika. De ipahaino abe muna motoihene o Paulusu ai demoino de Ma Jou wafelenga to muna ami hininga la ka idadi mataoko itiai ai demo, de ahao muna modafongo ai demo munangika.

Hidingoto 18:24

De ma oraha gea naga womatengo o Yahudi ma nyawa abe ai romanga o Apoloso de una ahao gea womahiadono o Efesusu ma kotaino. De una gea o Alesandaria ma kotaka ma nyawa, abe ma kota gea imanoa o Mesiiri ma tonakoka. De una duru ma ngoe womadotoko Ma Jou ai Demo-demoino, de naga ai hiakunu la duru wososawaro wotemo-temo o nyawaika.

Hidingoto 19:1

De abe ma oraha o Apoloso una nagahi o Korintusu ma kotaka abe o Akaya ma tonakoka de o Paulusu una wotagi-tagi de watilakuru o tona-tonaka ma ngoe hidutu una womahiadono o Efesusu ma kotaika. De genangoka yomakamake una de o gogianongoru o ngongakuoka yamuruono naga.

Hidingoto 21:19

De o Paulusu ai tabea wahidoakohi ona homoi-homoiika de ahao una duru wohidodiai woade-ade onangika abe hokokia Ma Jou ai datoro wodiaioka ma titi o Paulusu ai karajaangino. Abe gea Ma Jou ai datoro ma oraha o Paulusu naga ko o Yahudi ma nyawaua manga hidogoronaka.

Roma 15:18

De nako ahi datoro utuoli, gea duru ko tomahiade-adeua de ko tomahigiriiriua. Masara abe ngohi tohiade-ade, gea ka ahi datoro abe o Kristusu dika wohihiakunu la ngohi todiai. De gea wohihiakunu la ma titi ahi demo de ahi datorino hiadono ngini abe ko o Yahudi ma nyawaua ka idadi nihingounu o Abari ma Rorahaiika.

1 Korintusu 1:12

Abe ahi demo ma titi hokonaa. Nginioka naga utu yotemo ato, “Ngohi o Paulusu tiniiki,” de utuoli yotemo ato, “Ngohi tiniiki o Apoloso,” de nagali utu ato, “Ngohi tiniiki o Peturusu,” de masara utuoli ato, “Ngohi o Kristusu tiniiki.”

1 Korintusu 1:30

Masara igoungu ngini naa niamakeoka nia gogere ma gurutiye, angamoi Ma Jou Una ma hirete winigoraka ngini la nia gogere naga o Yesusu Kristusoka. Abe ma titi Ma Jou ai hidee wato wihidadi o Yesusu Kristusu to ngone nanga ngekomo la Una ka idadi wonaduhunu nanga howo-howonino. De nako Una gea, ngone ka idadi hihiromanga hato Una gea Ma Jou ai sosawaro, angamoi Ma Jou ai sosawaro mata-mataika imanoa o Kristusoka. De gea Ma Jou ai sosawaro la o Yesusu Kristusino Ma Jou wonaetongo ngone hototiai Ma Jou ai himangoka, de duru Una gea ma titi ho hiadono ngone wonahidadi Ma Jou ai debi-debini ma nyawa, de nagali abe o Yesusu Kristusu, Una gea wonabangu ngone naa la wonahiluasa nanga howonino. Ho duru ma titi o Yesusoka dika hiadono nia gogere gea ikurutiye Unangoka.

1 Korintusu 3:22

Ho ngaro ngohi o Paulusu eko o Apoloso eko o Peturusu, ma, ngomi mata-mata midadioka ti ngini nia utumu mangale ma titi ma dodotoko niamake ngomino. De ngaro o dunia naa ma ka idadi ngini niamake ma utumu genangino. Eko o kia dika naga idadi ma oraha naa naga eko o kia dika abe ahao idadi abe ma oraha ko iboauahi, masara genanginoo ka idadi niamake ma utumu. Eko ngaro ti ngini nia wowango eko ngaro ka hiadono ngini nihonenge, masara gea mata-mata de ka idadi ngini niamake ma utumu genangino. Ho ngohi tato ufa ngini nimangiriki o nyawa womatengoino dika la ka unangino dika niamake ma utumu, angamoi gea mata-mata abe ahao naa tofetongoka, tanu genangino mata-mataika ka idadi ngini niamake ma utumu.

1 Korintusu 3:7

Ho gea ngaro womatengo wotobadatomo eko ngaro womatengoli wotobatuagi, ma, ona gea ko kia-kiaua de ko yokurutiyeua. Masara ka Ma Jou dika, Una gea wokokurutiye, ho ma datomo gea Una dika wohifero-fero.

1 Korintusu 9:1

Abeika ngohi naa. Ngohi o hiluasa ma nyawa, abe moioo de ko iwa ihihipareta ngohino. De igoungu naga ahi kuaha ngone hingaku-ngakuoka mangale ma titi abe o Kristusu wohihidoakoka ngohino ahi gogere nanga garejaka. Abe ngohi wohihidingoto o Kristusu la o Abari ma Rorahai tahingahu-ngahu o nyawaika. Angamoi de to ngohi ma hirete ahi lako hinooto timake nanga Baluhu idodutu o Yesusu. Masara ngaro hokogea ma, ngohi tomahidadi imaketero hoka o huhuloko o nyawaika la tato ona taduhunu de tahiboa Ma Jouika. De ngini nia ngongaku ihitaanoka to ngohi ahi karajaanga nanga Baluhika, abe ngini nidadioka to ngohi ahi karajaanga ma hofoko.

Efesusu 3:17

De gea tinigahoko la o Kristusu ka idadi womanoa ngini homoi-homoi nia hiningaka ma titi nia ngongakuino, de abe tato la ngini nia ngongaku utuohi idogo Unangika, la utuohi nimaketebiaha de Una nia borihiningaka. De gea ngohi toigo la ngini duru nimahingutukuku Ma Jou ai dorauku la ufa genangoka de nikelu-kelu.

1 Tesalonika 1:5

De gea duru mihioriki abe winiiriki la niwileleani angamoi ngomi ka miohiningahi abe hokokia idadi ma oraha o Abari ma Rorahai mihingahu-ngahu nginika. Abe ma oraha gea ko ma titiua mia demo dika hiadono ngini niwingaku Unangika. Masara naga abe Ma Jou o Womaha duru womihiakunu ngomino la gea ma titi to Una ai buturungoka de aino minihingahu-ngahu nginika hiadono mia demo gea duru inihitaana de nihioriki abe gea mia demo igou-goungu. De ngaro nginioo ma nimihioriki hokokia abe mia demo de mia wowango ma datoro ma oraha gea ngomi nagahi nginioka, abe gea mata-mata midiai la ngini ka idadi niamake ma utumu ngomioka de aino. Ho mangale ma titi hokogea Ma Jou duru womiduhunu ma dihiraino abe minihingahu nginika o Abari ma Rorahai, ho ngomi duru mionganono de mingaku abe Una winiirikoka ngini de winiduhunu, de gea ngomi womipake la ka idadi ngini niwingaku Unangika.