1 Korintusu 2:13 - Ma Jou ai Demo-demo o Totobelohoka

¹³ De gea ma demo abe ngomi miahingahu-ngahu o nyawaika. De abe ma oraha ngomi miahingahu-ngahu de miapake o demo-demo abe ko mimadotokinoua o nyawa manga sosawaroino. Masara ma demo-demo miapake, gea ma demo-demo Ma Jou o Womaha womidotoko ngomino. Ho abe ma oraha ma gou-goungu Ma Jouino miahitararono de ngomi ka idadi miapake ma demo-demo gea abe womihidoakino ngomino.

1 Korintusu 2:13 ပူးပေါင်းရင်းမြစ်များ

Lukasa 12:12

Angamoi ma oraha gea abe ngini nimaokoino o nyawa yokurutiye manga hima-himangoka de Ma Jou o Womaha Una winidotoko abe hokokia ahao nitemo.”

Hidingoto 2:4

De duru ma oraha gea dika de ona mata-mataika yakokilufungoka de Ma Jou o Womaha, ho ona yotemo-temo de o demo utuoli abe hokokia dika Ma Jou o Womaha wahiakunu ona homoi-homoiika.

1 Korintusu 1:17

De gea tosanangi abe ko ngohiua tiniohiki ngini, angamoi o Kristusu wohihidingoto ngohi la wato o Abari ma Rorahai tahingahu-ngahu, de ko ma titiua wohihidingoto la o nyawa taohi-ohiki la tato ona gea yodadioka to ngohi ahi nyawa. Hokogenangua abe wohihidingotino. De abe o Abari ma Rorahai tahingahu-ngahu, gea ufa ngone o nyawaino ma sosawaro ma demo tapake. Angamoi nako ena gea tapake, ahao o Kristusu ai gota isosalioaino ma abari ma buturungu ko tapakeua, de gea imaketero hoka ma buturungu gea taumoka ho hiadono ko iwa ma utumu ahi hingahu ma demoino.

1 Korintusu 14:2

Masara abe naa ma hiakunu moioli, ma hiakunu naa ikuranga tinihigaro la genangika niohafini la ahao niamake. Abe nako naga yomatengoani de manga hiakunu moioli gea abe ka yakunu yotemo-temo de o demo moioli. Abe gea ena ma demo yapake la iwihigiriiri Unangika, masara o nyawa ko idadiua yataoko ma titi genangino. Ho gea ona yotemo, ma manga gogianongoru ko yataokua ma titi manga demoino, ho ka Ma Jou dika wohioriki. De gea igoungu ona yapake Ma Jou o Womaha ai kuaha la ka idadi o dogogono ihidemo, masara o nyawa ko moiua la ka idadi yataoko ma titi genangino.

1 Korintusu 2:1

Ahi gogianongoru, marai ngini ka niohiningahi ma dihira ma oraha ngohi toboa nginika de Ma Jou ai dodotoko tinihingahu nginika. Abeika ngohi ma oraha gea abe ngohi tinihingahu de totemo-temo nginika de ahi demo ma oraha gea ko tohikurutiyeua abe hoka ona yomatobagoraka manga demo. De gea ko tomahingahua nginika tato, “Ngohi naa duru tososawaro ho abeika ngini nitotoihene ahi demoino naa.” Hokogenangua todiai ngohi.

1 Korintusu 2:14

Masara onagona dika abe ko iwingakua Ma Jouika, ona gea ko yodafongua ma dodotoko gea Ma Jou o Womahino angamoi gea ena yafikiri ato ibodo. De hongoli ona gea ko idadiua yataoko ma titi genangino, angamoi Ma Jou o Womaha ko iwiwa onangoka.

1 Korintusu 2:4

De gea ahi dodotoko de ahi demo-demo nginioka ko imaketeroua de o dunia ma sosawaro ma demo-demo abe ona utu apake la o nyawa yaribuutu la ato yangaku manga demoika gea. To ngohi hokogenangua, masara ngohi Ma Jou ai dodotoko gea tinihingahu dika nginika la Ma Jou o Womaha, Una ma hirete ka idadi womahimatoko nginika de to Una ai buturungu. Abe ma dodotoko gea duru wohitaana ti ngini nia hiningaika.

1 Korintusu 9:11

De ngomi nengokadau Ma Jou ai Demo-demo ma mui midatomoka nginioka, ho done sarakia ka o duniaka dika ma perelu migahoko de ko nimihidoakua ngomino?

Efesusu 5:19

De gea ahao ma oraha ma getongo nimatoomuino de ka idadi nimahikokagaro nia ngongakuoka de o higiriiri ma bukuino abe ma dihira ihitulihukuoka, de o nyanyianga utuino naga abe niwihigiriiri Ma Jouika. De gea ka idadi ninyanyi de niwihigiriiri nanga Baluhu idodutuika de duru nia hininga ma gahumino.

Kolose 3:16

De kiani nimahigunoa la o Kristusu ai demo-demo imanoa nia kokihiningaka hiadono duru niongano-nganono ai demo gea. Abe kiani niapake nia tobahioriki ma gahumu ai demoino gea ma oraha nimakodotoko de ma oraha nimahiketehitiari. De abe ma oraha niapake o Higiriiri ma Nyanyianga ma buku abe ma dihira ihitulihukuoka, de o nyanyianga utuoli naga abe niwihigiriiri Ma Jou, gea mata-mata ka idadi ninyanyi la nimahiketehipoputurungu nia ngongakuoka. De abe ninyanyi, gea niwihigiriiri de nia hininga ma tarimakase Unangika.

1 Peturusu 1:12

De ngaro ona tanu duru yoigo yamake ai hidee abe hokokia wonaduhunu nanga howonino masara gea Ma Jou wahitararono onangika abe ona ko yadaenua de yohonengoka. Ho gea ai uru ma dodofanga yohonengoka de ipahaino de ahao ai hidee idadi abe ma oraha ngoneuku naa, ho ngoneoli naa abe hadaene ai hidee. Abe naa ma duruika de ngini niihenoka ai hidee gea o Abari ma Rorahaiino la ka idadi niongaku enangika. De o Abari ma Rorahai gea o nyawa inihitobahingahu-ngahu nginika ma titi Ma Jou o Womaha ai kuahaino, abe Una o Horogaka de wauku woboa. Ho gea kiani niwihigiriiri Unangika! De Ma Jou ai hidee de ai hininga ma owa ngoneuku, ena gea duru ihohailoaholi hiadono ka Ma Jou ai uru ma dodofangua dika abe yoigo ihioriki, masara ngaro Ma Jou ai momalaekatoo, onangoo duru yoigo yamake la ihioriki ai hidee gea abe ngone naa hamakeoka. Abe ona yomakokeleha ato, “Bote hokokia ma ngekomo Ma Jou ahao wapake la waduhunu o nyawa gea manga howo-howonino? Marai ai ngekomo gea kiani duru ihohailoa!” Hokogea ona duru yoigo ihioriki, de abeika, ngone naa abe ka idadi hamake ai ngekomo gea. Ho ngoneoo abe hamake hokokia ma amoko Ma Jou ai hiowa ngoneuku abe wonaduhunu nanga howonino. Ho ngone naa kiani duru hihigiriiri nanga Jouika ma titi ai duduhunu ngoneino de abe nanga utumu wonahidoaka ai hininga ma owaka de aino.

2 Peturusu 1:16

Ahi gogianongoru, abeika nimahihohininga ma titi to ngomi mia hingahu ma demo nginika ma dihiraino. Abe ngohi de ahi dodiawo mia demo gea ma titi nanga Baluhu idodutu o Yesusu Kristusu ai kuaha kohaamoko de abe Una ahao woboali. De ngini ka idadi duru niangaku to ngomi mia demoika angamoi ena gea ihititi ma gou-goungino. Abe ma dihiraino ma oraha ngohi de ahi dodiawo minihingahu nginika abe ma titi nanga Baluhu idodutu o Yesusu Kristusu ai kuaha kohaamoko de abe Una ahao woboali, de gea mia hingahu ko ihititiua o nyawa manga totoadeino abe yomahohiningaiye dika manga sosawaroino. Hokogenangua abe minihingahu nginika, masara ngomi naa ma dihiraino de nanga Baluhu wiwimakeoka de to ngomi ma hirete mia lako hinooto abe hokokia ma amoko to Una ai kuaha kohagurutiye, de genangino ma titi hiadono minihingahu nginika ma titi Una.