1 Korintusu 15:55 - Ma Jou ai Demo-demo o Totobelohoka

⁵⁵ De moioli ai Demo-demoino naga abe hoka o nyawa yahohedu o hone-honengika ato, “Abeika, ngona o hone-honenge, done o kia ho ngona nato nolaku? De done o kiaka ani buturungu la ka idadi nomigoli ngomino hiadono imibiha de ka hiadono mihonenge?” Hokogea itemo Ma Jou ai Demo-demoka de gea duru itaana. Angamoi ahao ma oraha ngone hamakeoka nanga badanga ko ihone-honengokaua gea de duru itaana Ma Jou ai Demo-demoka abe itemo ato o hone-honenge gea duru ibinaahaka.

1 Korintusu 15:55 ပူးပေါင်းရင်းမြစ်များ

Lukasa 16:23

Masara wokaya-kaya to una ai jiwa naga o Naraka ma goronaka de duru wokangela ma titi duru kohahauku. De ahao una womamatagaiye de wamake o Abarahaama abe ko ai gurutika de o Lasarusu unangoo genangoka o Abarahaama ai datekoka.”

Hidingoto 2:27

Angamoi ahi jiwa gea ko nohidogunoaikaua o hone-honenge ma ngioka, De Ngohi ani Debi-debini ma nyawa Ngona ko nohinoaikaua o lungunoka la o gorofu ihidaene.

Hidingoto 9:5

De una wato, “Masara ahi baluhu, ngona naa onaguna?” De ma ilingi iwipaluhu ato, “Ngohi naa o Yesusu, abe ngona nohihikangela Ngohino!

Roma 5:14

De ngaro ona ma dodihiraino abe ma Pareta ko iwahi ho ona ko yatilakurua Ma Jou ai pareta ma demo abe hoka o Adamoli watilakuru Ma Jou ai demo moi, masara ngone ka idadi hohioriki abe onangoo mata-mata yakokihowono Ma Jouika. Angamoi onangoo mata-mata ma oraha gea de yoborihonenge. Abe nako hoka ona ko yahowonua gea tanu ona gea ko yohonengua. Ho nako o Adama, una de o Kristusu tanu ma hohutulu yomaketero, angamoi ngaro to Adama ai datoro eko ngaro to Kristusoli ai datoro, masara manga datoro hinootoo gea duru de ma hofoko ilago-agomo angamoi o nyawa mata-mataika yadaenoka.

1 Korintusu 15:56

Abe igoungu o hone-honenge ma biha gea o howono. De nagali Ma Jou ai Pareta ngoneino abe mangale ma titi ai Pareta gea hiadono hohioriki hokokia ma ngoe hatilakuru ai mau de hahowono Unangika.

Himatoko 9:10

De nako gea ma bikini, gea duru imaketero hoka o waitota ma bikini, de ma bikinoka gea naga de ma hiakunoka la yahikokangela de yahiodiri o nyawaika abe o mede motoa ma dekanino.