1 Korintusu 15:43 - Ma Jou ai Demo-demo o Totobelohoka

⁴³ De ma oraha o nyawa manga honenge hapohuku, gea manga honenge haetongo hato ko irahaiokaua. Masara ahao ma oraha wonahimomiki Ma Jou de nanga badanga ma hungioli gea duru ihailoa. De nako ma oraha o nyawa manga honenge halungunu de manga badanga gea duru ilolamaanoka de ko iwaka ma buturungu. Masara ahao ka de Ma Jou wonahimomikoli ngone de nanga buturungu ma oraha gea duru ikokiputurungoka.

1 Korintusu 15:43 ပူးပေါင်းရင်းမြစ်များ

Matiusu 13:43

“Masara nako o nyawa abe manga wowango yototiaioka Ma Jou ai himangoka, to ona manga baha duru imakohowono. Abe ona ahao ma oraha gea abe Ma Jou wahikoano onangika de naga to ona manga medebini ma dararono duru kohadararono abe ihitararono onangoka de aino. De to ona manga dararono gea imaketero hoka o wangeoli abe daku ma dihangino inahitararono o duniauku naa. De hokogea ahi hiketero ma demo ma hitararono nginika. Ho nginioka onagona dika abe de nia ngaukoka, kiani nitoihene la ma titi niataoko itiai!”

Yohanese 8:49

De o Yesusu wapaluhu onangika wato, “Ngohi ko ihikitokatua Ngohi naa. To Ngohi ahi demo ihiboa o horomati ahi Babaiye, masara ti ngini nia demo niapake la idadi o hohedu ma demo Ngohino.

1 Korintusu 6:14

De ngini ufa niafikiri niato to ngone nanga badanga ko kia-kiaua Ma Jou ai himangoka. Angamoi Ma Jou de ai kuaha wihimomiki nanga Baluhu ai honengino, de imaketero hokogea naga ma oraha ahao ngoneoo nanga badanga ma wonahimomiki nanga honengino.

2 Korintusu 13:4

De igoungu ma dihiraino abe iwihidapakuika o gotaka gea de ma oraha gea naga ai bole-bole, masara naa ka wowangokali ma titi Ma Jou ai kuahaino. De hokogenangoo ngomi naa, abe ngomioka igoungu naga mia bole-bole, masara ngomi miwango Unangoka ho naga to Una ai kuaha ngomioka. De to Una ai kuahaino gea abe ahao ngomi miapake ma oraha miniurusu ngini.

Filiipi 3:10

De ma oraha naa ahi hininga duru ka ihikaika itagi o Kristusika, la tato utuohi itararono Una tihioriki, abe ma titi ai momomiki ma kuaha duru toigo tamake ahi wowangoka. De ngaro ai kokangela ka hiadono ai honenge ma enangoo duru toigo tamao ahi wowangoka, ngaro ihihohonenge abe imaketero hoka Unangoli iwihohonenge, ma, gea toigo.

Kolose 3:4

De o Kristusu Una gea nanga wowango ma ngango ma titi. Abe ma titi nia wowango ma hungi gea ngone o nyawa duru ko idadiua hamake de nanga lako. Masara de ahao ma oraha Una womahimatoko de woboali, de gea nginioo naga Unangoka. De angamoi ma oraha gea Una naga de ai medebini ma dararonoka duru ma hohailoa, de ngini naga Unangoka, ho gea nginioo naga de nia medebini ma dararonoka duru ma hohailoa abe ma oraha gea womahimatoko.