1 Korintusu 15:37 - Ma Jou ai Demo-demo o Totobelohoka

³⁷ De ma gihiihi gea abe nadatomo, bote o pine eko o boteme ma gihiihi, gea ma rupa ko imaketeroua de ma datomo ma rupa abe ahao iwangoiye. Abe ka ma gihiihi dika ena gea abe nadatomo. Ho imaketero hoka ma gihiihi ma rupa abe ma tonakuku imanoa de to ena ma lifunu ma rupa abe iwangoiye gea imakohowonoka, hokogenangoo de nanga badanga, angamoi ngone o nyawa nanga badanga abe hapohuku ma tonakuku, gea ko imaketeroua de nanga momomiki ma badanga abe ahao ma tonakiye imomiki.

1 Korintusu 15:37 ပူးပေါင်းရင်းမြစ်များ

Maruku 4:27

Wohikabarihi ibooto de o futu-futuiye womaidu de o wange-wangeiye womomiki, de ipaha ahao ai bibiti ikokipotokaiyeoka, de ipaha de ikokurutiyeoka. Masara una duru ko wohiorikua hokokia abe iwangoiye.

1 Korintusu 15:36

Nako yoleha hokogea, ngohi tato gea o bodo ma leleha. Angamoi abeika o gihiihi. Ma gihiihi abe dau ma tonakuku nadatomuku, gea kiani ihonengohi o tonaka ma goronaka ihira de ahao ka idadi iwango. Abe nako ma gihiihi ko ihonengua, gea ko idadiua iwangoiye.

1 Korintusu 15:38

Masara Ma Jou wahidoaka ma gihiihika gea ma lifunu ma rupa moi abe ma dihira waputuhokau, abe imakiniiki de to Una ai mau. Ho ma gihiihi ma rupa amomoiika wohidoaka to ena ma lifunu de imaketemomomoi mata-mata. Abe o pine ma lifunu ma rupa hokonaa, de o boteme ma lifunu ma rupa hokonaa, o fara moioli.

2 Korintusu 2:14

De naa ma titi moioli tagorakohi la gea tinihitararono nginika. Abe ngaro nanga wowango o duniaka de ma moi ma moi hamao abe o kangela imahilaku ngoneoka, masara ngone koaho hotarimakaseohi Ma Jouika. Angamoi Ma Jou ka ihikaika Una wolaku ma titi o Yesusu Kristusu ai datorino. De ma oraha naa ai lalaku gea wohimatoko o nyawa duru yowoe-woeika o duniaka naa. De Una ka ihikaika womihihira-hira ngomi abe miatobahingahu-ngahu ai abari, de gea imaketero hoka ngomioo milaku de de Una ma titi mia gogao o Yesusu Kristusika. De Ma Jou womipake ngomi la mihikabarihi ma gou-goungu ma titi o Kristusu abe o dunia ma amokika, abe imaketero hoka o manyanyi ma bounu ihihaili arihonongaika la o nyawa yowoe-woe ka idadi yaame ma bounu gea.