1 Korintusu 15:30 - Ma Jou ai Demo-demo o Totobelohoka

³⁰ De abeika ngomioli naa abe o Abari ma Rorahai miatobahingahu-ngahu. Ngomioka naga ma titi moi dika hiadono ka idadi mia wowango ka ihikaika mimahidoaka, de gea mia nganganono o momomikika. Abe nako ko iwa mia nganganono o momomikika, marai ko hokogenangua midiai.

1 Korintusu 15:30 ပူးပေါင်းရင်းမြစ်များ

Lukasa 8:23

De manga dodagi ma goronaka de Una iwikiooko. De abe ai giooko ma gogiriaka de ka itodokanino yadarato ho italoko kohabuturungu o akere ma ngootoka gea ma goronaka. De ma lulu naga ma ago-agomo hiadono yabarene manga ngotiruku de ngade-ngade yahidowooro, ho ona manga bodito yaohana.

1 Korintusu 15:29

De naa ma titi utuoli tinihidoaka nginika la duru nihioriki abe ahao o nyawa yomomiki manga honengino. De naa ngini nihioriki abe naga utu ngoneoka yomaohiki la ato yaturuuru manga dodiawo abe yohonengoka. Ho naa tinileha, nako hokogea manga hininga, gea ko yahitaanua abe ngaro ona ma hirete, ma, ona yonganono o momomikika? Angamoi nako o momomikika ko yomahinganonua, gea de ahao ko iwa ma titi de ma gogohiki gea ona yodiai.

1 Korintusu 15:31

De ahi gogianongoru, duru tagou-goungu tomahingahu nginika abe o wange-wangeiye o hone-honenge tohimanga, de gea angamoi o Abari ma Rorahai tohingahu-ngahu. Abe imaketero hoka ahi hininga ma garago naga ma titi ti ngini o Korintusu ma kotaka nia gogao o Yesusu Kristusika. Ho ngaro ahi hininga ma garago abe ma titi ngini naga o Yesusoka, de ngaro ahi hingahu ma demo nginika abe o wange-wangeiye tohimanga o hone-honenge, masara ma hingahu hinootoino gea de duru tagou-goungu mata-mata.

2 Korintusu 6:9

De nanga gogianongoru ko manga ngoe imihioriki mia wowango, masara onangino utu de imietongo ato ngomi ko kia-kiakaua imidaene. De ngomi ma ngoe miaohana o bodito masara naa abeika, ngomi ka miwangohi, de ngaro ma ngoe o nyawa imipoha-poha masara ko imitomauahi.

Galatia 5:11

Ahi gogianongoru, ngohi ma oraha naa de o nyawa utu ka ihingamohi de ka ihihikangelahi ma titi ahi dodotoko ma demoino. Ho naa moi tonaleha, sarakia, nako hoka ngohi tohibehehongo o nyawaika tato kiani yomahuna la ahao ka idadi Ma Jou wadafongo, gea de o nyawa utu gea ka ihihikangelahi? Koua, hokogenangua, angamoi nako hokogea ahi dodotoko, gea ona ahao duru yoigo ahi demoika de gea ko ihidungonua. Masara hokogenangua ahi dodotoko. De igoungu ona gea manga hininga ieteke ngohino ma titi abe ngohi tadotoko o nyawaika tato kiani homahinganono nanga Baluhu ai gota isosalioaika dika la ahao Ma Jou wonadafongo, de ona manga hidungono gea ihititi ai gota isosalioainoka.