Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Korintusu 15:29 - Ma Jou ai Demo-demo o Totobelohoka

29 De naa ma titi utuoli tinihidoaka nginika la duru nihioriki abe ahao o nyawa yomomiki manga honengino. De naa ngini nihioriki abe naga utu ngoneoka yomaohiki la ato yaturuuru manga dodiawo abe yohonengoka. Ho naa tinileha, nako hokogea manga hininga, gea ko yahitaanua abe ngaro ona ma hirete, ma, ona yonganono o momomikika? Angamoi nako o momomikika ko yomahinganonua, gea de ahao ko iwa ma titi de ma gogohiki gea ona yodiai.

အခန်းကိုကြည့်ပါ။ ကော်ပီ




1 Korintusu 15:29
7 ပူးပေါင်းရင်းမြစ်များ  

De o Yesusu watemo onangika wato, “Ngini naa niato nihidodiawo ma oraha o nyawaika tahikoano, masara bote ngini ko nihiorikuahi abe nagali ma kokangela kiani niohimangohi nako nioigo la ahao nidadi o koano. Ho marai duru ko nihiorikuahi abe nimagahokoka. Ho gea abe ma oraha ahi kokangela tohimanga, sarakia, ma oraha genangoo ka idadi niapoa nihidodiawo?” De ona yahinooto iwipaluhu Unangika ato, “Iya. Ngomi ka miakunu hokogea.”


De gea yoihene de ahao ona manga ngoe yomamao ma titi manga howo-howono Ma Jouika, ho gea yomangaku manga howono de ahao o Yohanese waohiki ona gea o Yorodani ma akeroka. La ma dodunguuino gea de itararono abe ona yotobaka.


Abe nako igoungu ona yohonengoka duru ko idadiua yomomiki, gea o Kristusoo ko womomikua.


De ma oraha ahao mata-mataika o Kristusu wahikoano, gea de ahao o Kristusoli woboa de womahidoaka Ma Jou ai himangoka, angamoi Ma Jou abe wihidoakoka mata-mata Unangika. Ho ma bahaika de o Kristusu womahitipokouku Ma Jou ai himangoka ka hiadono Ma Jou o Baba Una duru wahikoano mata-mataika. De ma oraha gea o nyawa ko yohonengokaua, de abe ma dihiraino ona yohone-honengoka ona mata-mata yokokimomikoka. De ahao gea duru itararono abe o Kristusu duru wohikalaka ai musu mata-mataika, abe gea ngaro o hone-honenge ma enangoo duru wohikalaka.


De abeika ngomioli naa abe o Abari ma Rorahai miatobahingahu-ngahu. Ngomioka naga ma titi moi dika hiadono ka idadi mia wowango ka ihikaika mimahidoaka, de gea mia nganganono o momomikika. Abe nako ko iwa mia nganganono o momomikika, marai ko hokogenangua midiai.


Abe hoka nengokadau nenangoka o Efesusu ma kotaka de naga abe ihilawana ngohi hiadono ngade-ngade tobodito. Ho nako ko iwa nanga nganganono abe ahao homomiki, done ma titi o kia hiadono gea tohimanga de hiadono ngade-ngade tohonenge nenangoka? Abe nako hohihononga hohonenge, koaho haniiki o nyawa abe inahigaro ato, “Abeika ngone holomohi de hokerohi la homahisosanangi dika, angamoi boteua itebini de hohonenge.” De hokogea manga higaro ma demo abe ato inahirehene ma dorouika.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ