1 Korintusu 14:23 - Ma Jou ai Demo-demo o Totobelohoka

²³ Ho, abeika, nako o Gareja ma wangeoka de ngini mata-mata nimatoomuinoka de nikokitemo-temo ka ma moi de masara nia demo imaketemomomoi abe nia demo moioli gea, done sarakia? Abe nako naga yamuruono naga yoboa yogareja masara ona ko abiahauahi de o gareja gea, eko naga utuoli o gareja ma nyawa masara ko iwa manga tobahioriki ma titi ma hiakunu gea Ma Jouoka de aino, de ona yowohamino ma garejaino, ona gea ka de yoihene nia demo mata-mata abe imaketemomomoi gea de bote yotemo ato, “Adoo, o nyawa nenangoka mata-mata de duru marai yakokitogohangoka!” Marai hokogea manga demo. De gea itaana abe ma hiakunu gea ho koaho ngaro ufa de hapake nanga doomu ma goronaka.

1 Korintusu 14:23 ပူးပေါင်းရင်းမြစ်များ

Lukasa 12:46

De gea tinihingahu abe una kiani wamake ai hohowono. Abe ahao ma tau ma dutu woboali masara ma duduhunu gea duru ko wohiorikua muruonoka woboa eko o takoro muruono de woboa, ho duru iwitodokana ma oraha o tau ma dutu woboali. De ma dutu woboaka de ahao kiani wihohowono abe duru wihikangela ai duduhunika gea, de ka hiadono wihihupu ma homoaika abe genangoka naga o nyawa utuoli abe ko iwa manga hingounu Ma Jouika la yomakutuono yamake o hohowono genangoka.

Yohanese 10:20

Abe naga manga ngoe yotemo ato, “Ou, Una gea iwikitokata, abeika, iwitogohangoka ho ngaro ibootohi hihigihene.”

Hidingoto 2:13

Masara naga utu manga hidogoronaka yamia-mia abe ona iwingaku-ngakuika ato, “Ona gea bote yadalukoka, de genangino ma titi hiadono manga demo o fara moi!”

Hidingoto 26:24

De o Paulusu ka wotemo-temohi ai gogiriaka de ka itodokanino de ma gubernuuru o Fetusu waamo-amokiye wato, “Paulusu, ngona naa initogohangoka! Abe bote ngona nomadotokoholi ho hiadono duru initogohangoka naa!”

1 Korintusu 11:18

Abe ihira naga tinigihene hokokia ngini nimatoomuino. Naga ihihingahu ngohino ato bari ma oraha nimatoomuino o gareja moi de o doomu muruono naga nginioka de nimaketeloliliara. De nako ngohi, gea ma hohutulu ka idadi tongaku ma hingahu ngohino gea.