1 Korintusu 14:22 - Ma Jou ai Demo-demo o Totobelohoka22 Ho ngaro ma dodihiraino ma Ma Jou ai Demo-demo inahitararono abe ma titi ma hiakunu ena gea abe o demo moioli yakunu yotemo-temo masara o nyawa ko yataokua ma titi. Abe ena gea igoungu o dodunguu moi Ma Jouoka de aino. De ngaro ngini niato bote gea o dodunguu moi abe ka idadi niapake nia doomu ma goronaka, masara tanu hokogenangua ma hidumutu. Abe ma dodunguu gea ma hidumutu ko ngoneinoua abe hingakuoka, masara ma hidumutu onangika abe ko iwihigihenua de ko iwingakuahi Ma Jouika. Masara ma hiakunu moioli naga abe igoungu ma hidumutu ngoneino abe hingaku-ngakuoka. Abe gea ma hiakunu la hiadono ka idadi yomatengoani yalufungu de ai kuaha hiadono Ma Jou wahidoaka onangika ai hingahu ma demo moi, la ahao onangoli yahingahuoli manga gogianongoruika. De enangoo gea igoungu o dodunguu Ma Jouoka de aino, masara ma hidumutu ko onangikaua abe nako ko iwingakuahi Ma Jou. Masara ena gea ma dodunguu abe ka idadi ngone hingaku-ngakuoka hapake nanga doomu ma goronaka. အခန်းကိုကြည့်ပါ။ |
1 Korintusu 14:22
6 ပူးပေါင်းရင်းမြစ်များ
De gea tinihingahu abe una kiani wamake ai hohowono. Abe ahao ma tau ma dutu woboali masara ma duduhunu gea duru ko wohiorikua muruonoka woboa eko o takoro muruono de woboa, ho duru iwitodokana ma oraha o tau ma dutu woboali. De ma dutu woboaka de ahao kiani wihohowono abe duru wihikangela ai duduhunika gea, de ka hiadono wihihupu ma homoaika abe genangoka naga o nyawa utuoli abe ko iwa manga hingounu Ma Jouika la yomakutuono yamake o hohowono genangoka.
Ho ngini kiani duru nimaribuutu la hiadono o dora inihipareta nia wowangoka, angamoi ka o dorahi duru ikurutiye. De naa abe ma titi ma hiakunu abe iboa Ma Jouoka de aino, ngohi tato irahai ngini niohafini la ahao niamake ma hiakunu gea, masara hongoli ma hiakunu moi gea abe inilufungu de to Una ai kuaha la hiadono Una ka wobawilika winihingahu nginika ai hingahu ma demo abe woigo wato ngini ahao niadofanga nia gogianongoru utuikali ai hingahu ma demo gea. Ma hiakunu moi gea duru toigo la ngini niohafini enangika la ahao niamake.
De abe ai Pareta ma dumutu gea, ngone hohiorikokaoo abe Ma Jou ai Pareta gea ko wahidumutua o nyawaika manga datoro itotiai. Hokogenangua, ma Ma Jou wahidumutu ai pareta onangika abe yatilakuru de yalawana ai pareta gea. O nyawa abe iwiporete Ma Jouika de yahowo-howono Unangika, de o nyawa abe ko yototiaiua de abe o dunia ma hafini, genangika dika yoohafini, ona gea mata-mataika Ma Jou wahidumutu ai pareta onangika. Abe de Ma Jou ai Pareta Una wahitiari onangika abe hoka manga baba eko manga meme yatoma eko ngaro naga utu ma, yatoma.
ကြော်ငြာတွေ