1 Korintusu 13:9 - Ma Jou ai Demo-demo o Totobelohoka

⁹ De ngone o nyawa nanga tobahioriki gea ka ma dobikohi dika, de ngaro Ma Jou ai demo abe ka wobawilika wonahingahu nanga hiningaino la ahao ngoneoli hohidemo o nyawaika, ma, enangoo ka ma dobiki dika hohidemo.

1 Korintusu 13:9 ပူးပေါင်းရင်းမြစ်များ

Higiriiri 139:6

Ani higoana de ani tobahioriki duru ihohailoaholi ngohino! Hiadono ahi hininga ko aboaikaua genangika afikiri.

Matiusu 11:27

De womaniata ibooto de ahao wotemo o nyawa manga ngoeika genangoka wato, “Ahi Baba wohihidoaka Ngohino la ahi tobahioriki duru ingodumu mata-mataika. De Ngohi naa Ma Jou ai Ngofaka, ho Ngohi de ahi Baba duru mimahikoriki. De ko iwa o nyawa utu abe duru ihihioriki Ngohi imaketero hoka ahi Baba wohihioriki. De abe duru iwihioriki ahi Babaika gea bowahu Ngohi de ahi dodiawo dika. Abe ahi dodiawo gea ma titi o nyawa onagona dika abe Ngohi toigo la o Baba tihimatoko onangika hiadono ona ka idadi iwihioriki Una. Ho ona de Ngohi dika abe duru wiwihioriki o Babaika.”

Roma 11:34

De ahi demo gea duru imakiniiki de abe ihitulihukuoka ma dodihiraino ai Demo-demoka abe itemo ato, “Mode onagona de ihioriki to nanga Baluhu idodutu ai hininga? Gea duru ko moiua! Eko mode onagona abe ka idadi iwidotoko Unangika la iwiduhunu ai demoino?”

1 Korintusu 13:10

Masara ahao ka de ma oraha Ma Jou wonahingodumoka abe ma titi ai tobahioriki wonahidogo ngoneino hiadono duru ingodu-ngodumoka nanga hininga ma tobahioriki, gea de ahao ma hiakunu gea ko iwaka ngoneoka angamoi gea de ko hopereluokaua ka hiado-adonika.

1 Korintusu 13:12

Abe ma oraha naa nanga hiningaka ikurangohi itararono hataoko to Una ai hininga, gea ngade-ngade imaketero hoka ngone holegaika o kahinaaika, masara ma kahinaa hoka ikafoka de ko ingodumua hamake nanga gurumini. Hokogenangoo de ma oraha naa abe ngone hamake Ma Jou ai hininga ma ko ingodumuahi. Masara ahao ma oraha gea ko hokogenangokaua. Angamoi genangoka de ahao duru himake itararono Ma Jou, abe gea imaketero hoka homarihimanga ngone de Una, de duru ko iwaka abe ikuranga itararono ngoneino. Ho ma oraha naa naga ahi tobahioriki igoungu ka ma dobikohi dika, masara genangoka de ahao ahi tobahioriki duru ingodumoka, abe imaketero hoka Ma Jou ai tobahioriki ngohino duru ingodu-ngodumoka. De mangale ma titi ahi tobahioriki ahao gea de duru ingodumoka, ho ma hiakunu gea ko topereluokaua.

1 Korintusu 2:9

Masara ona gea ko yataokua ai sosawaro, ho duru igoungu ma demo-demo abe ma dihira itulihuku, ato, “Naga Ma Jou ai sosawaro abe o nyawa de manga lako ko ma moiuahi yamake, de naga abe o nyawa de manga ngauku ko ma moiuahi yoihene, de nagaoo abe o nyawa manga hininga ko ma moiuahi la yataoko ma titi genangino, masara Ma Jou ai sosawaro gea wahidiai la waduhunu onagona dika abe iwidora Unangika.”

1 Korintusu 8:2

Abe onagona dika yomahingahu ato, “Ma titi naa ena ngohi duru tohioriki,” gea ona manga tobahioriki ikurangohi.

Efesusu 3:8

De gea ngohi duru toheranga abe ma tagongo ma hohailoa gea wohihidoaka ngohino, angamoi nako ngohi de o nyawa utu mata-mata iwingaku-ngakuoka, ma ka ngohiohi tanu duru ko kia-kiaua ihidaene. Masara ngaro hokogea ngohi, ma Una wohihitagongo de ma karajaanga ma hohailoa gea la wato ngohi tahingahu-ngahu abe ko o Yahudi ma nyawaikaua ma titi to Kristusu ai owa abe ngone ai nyawaino. De gea ai owa duru ma amoko de duru ka irahaiholi hiadono ko hakunua ngone hatuga, de nanga hiningaka enangoo ko aboaikaua genangika.

1 Yohanese 3:2

Ahi gogianongoru abe duru tinidora nginika, ngone hagoungu hodadioka to Ma Jou ai ngofa-ngofaka! De gea ngaro duru hohiorikoka abe ai ngofaka hodadioka, masara naga ma titi moi abe ngone ko hohiorikuahi. De gea ko hohiorikua abe ma titi ahao dokengika de to ngone nanga rupa ahao hokokia. De ngaro nanga rupa dokengika ko hohiorikuahi masara ma oraha naa de duru hohiorikoka abe ahao ma oraha womahimatoko de gea to ngoneoo nanga rupa idadi abe hoka to Unangoli ai rupa. Angamoi ma oraha gea de ahao ngone ka idadi himake Unangika abe ai rupa ma gou-goungu. Ho gea to ngoneoo nanga rupa ma hungioli kiani naga la ka idadi homarihimanga ngone de Una.