Abeika tonahiketero. Ngone o nyawa nanga badanga ka moi dika, masara to ena ma kiahonanga duru kohangoe. De ngaro ma badanga ma kiahonanga kohangoe, masara gea o badanga moi dika. De gea duru imaketero hoka ngoneoli abe hingaku-ngakuoka. Abe ngone naa naga nanga ngoe, de gea ngone homoi-homoi to Kristusu ai badanga ma kiahonangino homoi-homoi.
1 Korintusu 12:14 - Ma Jou ai Demo-demo o Totobelohoka14 De abe ahi hiketero naa, nako o nyawa manga badanga, gea ma kiahonanga ko moiua dika, masara to ena ma kiahonanga duru kohangoe. အခန်းကိုကြည့်ပါ။ |
1 Korintusu 12:14
6 ပူးပေါင်းရင်းမြစ်များ
Ho nako ma badanga ma kiahonanga ka akunu itemo-temo, gea marai ahao ma badanga ma lou ikurubungu itemo ato, “Ngohi naa ko ma giamua, ho gea bote ngohi ko o badangua ma kiahonanga.” Masara ngaro hokogea ma lou itemo, masara gea ma lou nagahi ma badangoka, de duru igoungu gea o badanga ma kiahonangohi.
Masara nako naga o badanga moi abe ma kiahonanga ka moi dika mata-mata, gea bote duru o fara moi ena gea, e? Nako hokogea, ko hohiromangua gea o badanga, eko sarakia? Ho ngoneoo o Kristusu ai badangoka ko itiaiua nako ngone ko nanga ngoe masara nanga hiakunu ka moi dika, angamoi gea nanga badanga ko ingodumua. Masara abe ma titi ngone o Kristusu ai badangoka, ngone Ma Jou wonahikaaturu la hongodumu, abe ma titi ngone homoi-homoi nanga hiakunu imaketemomomoi la ka idadi homakokuduhunu nanga karajaangoka.
Ho gea ngone kiani hatingakoka o ngelu-ngeluku nanga uruino la “ma gou-goungoli homahikangahu nanga gogianongoru mata-mataika.” Angamoi ngone homoi-homoi to Una ai badanga ma kiahonanga, de gea naga to ngone nanga borigogao nanga gogianongoru mata-mataika. Ho gea ufa homakeluku nanga gogianongoruika.
ကြော်ငြာတွေ